2022 ꓘꓳꓼ 4 ꓦ 2 ꓠꓬꓲ ꓕꓯꓽ ꓓꓳ ꓡˍ ꓟ ꓟꓬ-ꓟ ꓗꓴꓷꓼ ꓗꓪ ꓓꓳ-ꓡ ꓒꓴ ꓣꓱꓽ ꓚꓱꓹ ꓟꓴ ꓚꓱꓹ ꓔꓯꓸ ꓟꓳꓸ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰꓷ ꓕꓵꓼ ꓪ ꓑꓶꓸ ꓓꓬ ꓙ-ꓑ ꓗꓳ-ꓑꓶ-ꓠꓰ ꓐꓴ ꓟꓬꓱꓽ ꓬꓰ ꓟꓽ ꓙꓲ ꓠꓬꓲ꓾ ꓫꓬꓹ ꓔꓱꓹ ꓖꓶꓽ ꓡ ꓠꓹ ꓟ ꓓꓰꓽ ꓩꓴ ꓡ ꓡꓳ꓿
ꓙꓵꓽ ꓗꓪꓼ ꓓꓴ ꓬꓰ ꓡ ꓕꓵꓼ ꓪ
ꓟꓯꓼ ꓗꓳ-ꓢꓰ ꓕꓵꓼ ꓪ ꓗꓪ ꓟꓯꓼ ꓗꓳ-ꓢꓰ ꓗꓴꓷꓼ ꓙꓵꓽ ꓜꓴ ꓟꓽ ꓥ ꓠꓬ꓾ꓠꓖꓳ ꓐꓴ꓾ ꓑ ꓫꓬ ꓐꓴ ꓐꓰ ꓶ ꓡꓯꓼ ꓚꓱꓹ ꓬꓰ ꓢꓴ ꓐꓴ ꓓꓳ-ꓡ ꓕꓽ ꓜꓱꓽ꓾ ꓠꓴ ꓪ ꓓꓳ-ꓡ ꓮ ꓙꓵꓽ ꓥꓪ ꓠꓴ ꓪꓴꓻ ꓓꓴ ꓥꓳ꓿ ꓬꓲꓸ ꓒꓵꓽ ꓠꓬ 1 ꓓꓳ ꓡ 1850 ꓒꓯꓼ ꓖꓶˍ ꓥꓳ꓿ ꓝꓰꓹ ꓓꓴ ꓟꓽ ꓙꓳ꓿ ꓠꓴ ꓪ ꓚꓲꓸ ꓛꓬ ꓖꓳ ꓑꓳꓸ ꓕ ꓑꓳꓸ ꓪꓴꓽ/ꓪꓴꓻ ꓟꓽ ꓓ꓿ ꓟꓽ ꓛꓳ ꓠꓬ ꓝꓴꓲꓸ ꓖꓶꓽ ꓓꓴ ꓥꓳ꓾ ꓐꓯˍ ꓟ ꓬꓲꓸ ꓟꓸ ꓟꓲꓽ ꓙꓳˍ ꓟ ꓕꓵꓼ ꓪ ꓓꓳ ꓡ ꓟ ꓥ ꓡꓳ꓿
ꓕꓵꓼ ꓪ ꓔꓯ ꓓꓵꓽ ꓙ ꓫꓬꓹ ꓔꓱꓹ ꓙ ꓡꓯ
ꓐꓰ ꓓꓰꓽ ꓘꓶꓽ
ꓕꓱ ꓟ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓙ-ꓑ ꓗꓳ-ꓑꓶ-ꓠꓰ ꓐꓴ ꓥ ꓟꓲ ꓬꓲꓸ ꓢꓯꓼ ꓓꓳ ꓡ ꓟ ꓥ ꓡꓳ꓿
ꓢ-ꓢ-ꓗ-ꓪ ꓡꓰ ꓟꓬ-ꓟ ꓟꓯꓼ ꓐꓴ ꓔꓯ ꓖꓪ ꓙꓱ ꓙ ꓐ ꓡ ꓟ ꓡꓰ ꓐꓰ ꓬꓰ ꓡ ꓥ ꓟꓲ꓾ ꓮ ꓟꓶ ꓠꓬ ꓑ ꓫꓬ ꓐꓴ ꓚꓲꓸ ꓛꓬ ꓒꓴ ꓚꓲꓸ ꓛꓬ ꓗꓪꓽ ꓫꓵꓽ ꓟꓽ ꓙꓲ ꓟ ꓗꓪ ꓛꓲ ꓒꓬꓱꓼ ꓡ ꓔꓬ ꓢꓲ꓾ ꓙ-ꓑ ꓶ ꓡꓯꓼ ꓜꓴ ꓐꓴ ꓥ ꓟꓲ ꓙꓬ ꓫꓸ ꓡ ꓔꓬ ꓟ ꓥ ꓡꓳ꓿
