2025 ꓘꓳꓼ 5 ꓦ 27 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ ꓐꓶ ꓗꓴꓷꓼ ꓗꓪ ꓐꓰ ꓴꓢꓮ ꓗꓪ ꓕꓳ ꓶ ꓢꓳ ꓡ ꓠꓲꓹ ꓫꓵ ꓢꓴ ꓐꓴ ꓔꓯ ꓦꓲꓢꓮ ꓖꓶꓽ ꓚꓱꓹ ꓕꓲꓽ ꓑꓹ ꓠꓽ ꓔꓸ ꓐꓰ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
ꓕꓱ ꓡꓱ ꓠꓽ ꓝꓲ ꓟ ꓠꓬ ꓢꓳ ꓢꓴ ꓐꓴ ꓗꓳꓸ ꓡ ꓟ ꓦꓬꓼ ꓠꓬꓲ ꓗꓪ ꓮ ꓫꓵ ꓟꓬꓱꓽ ꓬꓰ ꓗꓷ ꓟ ꓔꓯ ꓬꓲꓸ ꓙꓵꓹ ꓮ ꓟꓬꓹ ꓖꓶꓽ ꓢꓲꓸ ꓚꓲꓸ ꓚꓺ ꓠꓹ ꓟ ꓥ ꓡꓳ꓾ ꓐꓯ ꓔꓸ ꓡꓳ꓿
ꓬꓲ-ꓢꓷ-ꓡꓰ ꓐꓰ ꓖ-ꓜ ꓗꓪ ꓔꓬ ꓟ ꓒꓲ-ꓡꓲ-ꓫꓵ ꓡ ꓞꓳ ꓐꓴ ꓢꓰꓼ ꓡꓯ ꓘꓳ ꓟ ꓟꓯꓼ ꓘꓶꓽ ꓑꓶꓸ ꓴꓢꓮ ꓗꓪ ꓕꓳ ꓶ ꓢꓳ ꓔꓬ ꓢꓴ ꓢꓳ ꓒ/ꓟ ꓐꓴ ꓴꓢꓮ ꓗꓴꓷꓼ ꓘꓴꓽ ꓗꓪ ꓘꓴ ꓔꓴ ꓟ ꓑꓶꓸ ꓓꓴ ꓥ ꓡꓳ꓿
ꓴꓢꓮ ꓠꓬ ꓬꓲ-ꓢꓷ-ꓡꓰ ꓔꓯ ꓛꓳ ꓒꓯꓹ ꓬꓰ ꓔꓸ ꓠꓬꓲ꓾ ꓬꓲ-ꓢꓷ-ꓡꓰ ꓔꓯ ꓔꓳꓹ ꓢꓴ ꓠꓬ ꓴꓢꓮ ꓔꓯ ꓔꓳꓹ ꓢꓴ꓾ ꓴꓢꓮ ꓗꓴꓷꓼ ꓐꓱ ꓶ ꓙꓲ ꓣꓴ ꓓꓴ ꓥꓳ꓾ ꓐꓰ ꓢꓪꓼ ꓟ ꓥ ꓡꓳ꓿
