ꓒ-ꓗ ꓑꓳꓡꓲꓚꓰ ꓦꓲ ꓐꓱ ꓘꓶꓽ ꓗꓪ ꓐꓳꓽ ꓑꓳꓺ ꓡ

2022 ꓘꓳꓼ 3 ꓦ 24 ꓠꓬꓲ ꓟꓶꓼ ꓘꓶꓼ 3 ꓙꓵꓹ ꓕꓯꓽ ꓒ-ꓗ ꓡꓳ ꓒꓱ ꓑꓳꓡꓲꓚꓰ ꓦꓲ ꓐꓱ ꓘꓶꓽ ꓗꓪ ꓐꓳꓽ ꓑꓳꓺ ꓡꓻꓳ꓿

“ꓐꓱ ꓗꓴ ꓟ ꓗꓪ ꓐꓳꓽ ꓟ ꓛꓹ ꓒꓲꓹ ꓢꓲꓸ ꓶꓽ ꓤ ꓗꓪ ꓚꓳꓸ ꓑꓳꓺ ꓢꓰꓸ ꓩꓴ ꓡ ꓠꓰ ꓑꓳꓡꓲꓚꓰ 2 ꓣꓳ ꓠꓻ ꓓꓴ ꓬꓰꓳ꓿ ꓐꓱ ꓟ ꓖꓶ ꓡꓶꓽ ꓬꓰꓳ” ꓐꓰ ꓖꓳ ꓗꓪ ꓟꓳꓻ ꓢꓴ ꓡꓰ ꓐꓯ ꓡꓳ꓿

ꓐꓳꓽ ꓑꓳ ꓓꓳ ꓟꓶ ꓕꓱꓼ ꓒ ꓕꓲ ꓒ ꓠꓶꓽ ꓗꓪ ꓐꓰ ꓑ ꓫꓬ (5) ꓣꓳ ꓔꓯ ꓞꓳꓹ ꓧꓳꓽ ꓙꓰꓳ꓾ ꓐꓯ ꓡꓳ꓿

ꓒ-ꓗ ꓗꓪ ꓲꓠꓔꓰꓣꓠꓰꓔ ꓑꓲꓸ ꓞꓲꓽ ꓔꓸ ꓟ ꓦ ꓟ 7 ꓟ ꓐꓲ ꓡ ꓔꓬ ꓡꓳ꓿

ꓐꓳꓽ ꓥ ꓟꓲ ꓕꓲ ꓖ ꓕꓲ ꓢꓶꓽ ꓡꓯ ꓫꓵ ꓑꓳꓺ ꓡ ꓔꓬ ꓠꓬꓲ ꓙꓲ ꓣꓴ ꓓꓴ ꓙꓳˍ ꓟ ꓡꓳ ꓒꓱ ꓕꓲ ꓟ ꓒꓬꓱꓼ ꓡ ꓔꓬ ꓡꓳ꓾ ꓐꓰ ꓖꓳ ꓗꓪ ꓔꓬ ꓢꓴ ꓐꓴ ꓡꓰ ꓠꓯˍ ꓡꓳ꓿

Audio File

ꓐꓬꓱꓽ ꓐꓰ ꓓꓳꓽ꓾ ꓚꓙ, ꓣꓝꓮ