2025 ꓘꓳꓼ 5 ꓦ 8 ꓠꓬꓲ ꓕꓯ ꓐ‐ꓔꓲ‐ꓖ ꓗꓪ ꓐꓰ ꓒꓳ‐ꓒꓶ ꓬꓲ. ꓫꓵꓼ ꓕꓲ ꓣꓳ ꓢꓲ., ꓟꓶ ꓡꓰ ꓐꓰ ꓐꓯ ꓑꓶ ꓩꓴ ꓡ ꓡꓳ꓿ ꓬꓲ. ꓫꓵꓼ ꓖꓳ ꓕꓲ ꓣꓳ ꓠꓬ ꓴꓢꓮ ꓗꓴꓷꓼ ꓗꓪ ꓔꓬ ꓟ Robert Francis Prevost ꓥ ꓡꓳ꓿ ꓬꓲ. ꓔꓯ ꓠꓬ 1955 ꓘꓳꓼ 9 ꓦ 14 ꓠꓬꓲ ꓕꓯ ꓴꓢꓮ ꓗꓴꓷꓼ ꓾ ꓛꓲ‐ꓖ‐ꓖꓳ ꓗꓪ ꓦꓵ., ꓔ ꓢꓴ ꓥ ꓡꓳ꓿ꓬꓲ. ꓞꓲꓼ ꓠꓬ 69 ꓘꓳꓼ ꓥ ꓡꓳ꓿ ꓬꓲ. ꓠꓬ ꓥꓳꓽ ꓫꓵꓽ ꓥ_ ꓟꓲ ꓮ ꓟꓬ ꓫꓵꓽ(English , Spanish, Italian, French and Portuguese) ꓫ ꓕꓱ ꓐ ꓡ ꓢꓴ ꓕꓲ ꓣꓳ ꓥ ꓡꓳ꓿
2023 ꓘꓳꓼ ꓕꓯ ꓬꓲ. ꓔꓯ ꓒꓳ‐ꓒꓶ ꓩ-ꓣ-ꓢꓲꓼ ꓡꓰ ꓟꓵꓽ ꓗꓳ ꓓꓵꓽ ꓓꓵꓽ ꓐꓰ ꓗꓳ. ꓙꓰ ꓙꓳ_ ꓟ ꓔꓲ ꓒ ꓪ ꓔꓲ. ꓘꓳ ꓣꓴ ꓟꓶ ꓡꓰ ꓢꓴ ꓥ ꓡꓳ꓿
ꓬꓲ. ꓠꓬ ꓴꓢꓮ ꓗꓴꓷꓼ ꓗꓪ ꓐꓰ ꓬꓲ. ꓪꓴ. ꓕꓲ ꓣꓳ ꓒꓳ‐ꓒꓶꓽ ꓒꓬꓱ, ꓡ ꓟ ꓥ ꓡꓳ꓿ ꓴꓢꓮ ꓗꓴꓷꓼ ꓙꓵꓽ ꓓꓳ‐ꓠꓯ ꓕ‐ꓣ ꓐꓰ ꓙꓓ ꓦꓮꓠꓚꓰ ꓐꓴ ꓥ_ ꓟꓲ ꓬꓲ. ꓔꓯ ꓟꓬꓱ., ꓓꓳꓽ ꓖꓶ ꓔ ꓟ ꓔꓯ ꓟꓰꓓꓲꓮ ꓗꓪ ꓡꓳ. ꓟꓳ ꓡꓳ꓿
ꓒꓳ‐ꓒꓶꓽ ꓬꓲ. ꓟꓬꓱ., ꓔꓯ ꓠꓬ ꓡꓰꓳ ꓐꓰ ꓘꓴ ꓠ, ꓟ ꓥ ꓡꓳ꓿ ꓬꓲ. ꓟꓬꓱ., ꓔꓯ ꓠꓬ 14 ꓣꓳ ꓟ ꓒꓳ‐ꓒꓶꓽ ꓟꓬꓱ., ꓔꓯ ꓣꓴ ꓔ ꓟ ꓥ ꓡꓳ꓿
ꓬꓲꓸ ꓪ ꓦ ꓡꓱ ꓚꓱꓹ ꓡꓳ ꓚ ꓐꓯ ꓠꓬ ꓝꓲ ꓓꓴ ꓒꓲ-ꓕꓱ ꓗꓪ ꓐꓰ ꓕ ꓑꓳꓸ ꓢꓪꓼ ꓗꓷ ꓠꓬ 267 ꓣꓳ ꓕꓲ ꓣꓳ ꓟ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴꓸ MU ꓢꓴ ꓥ ꓡꓳ꓿
