ꓧꓶꓸ ꓕꓯ ꓥꓪ ꓞꓲꓼ ꓣꓳ ꓕꓯ ꓡ-ꓠꓷꓸ ꓘꓹ ꓒ ꓕꓲ꓾ ꓟꓶ-ꓡ ꓡꓳ ꓘꓶꓽ ꓗꓪ ꓑꓲꓸ ꓫꓴꓸ ꓟꓲ ꓬꓰ ꓠꓬꓲꓳ= ꓖꓳ ꓑꓲꓸ ꓫꓴꓸ ꓟꓲ ꓠꓬ ꓗꓸ ꓠꓯꓸ ꓟꓶ-ꓡ ꓡꓳ ꓗꓸ ꓬꓲꓻ ꓔꓱꓹ ꓫꓵꓺ ꓗ ꓡ ꓥꓳ ꓐꓰ ꓟꓽ ꓓꓵꓽ ꓙ ꓔꓸ= ꓒꓬꓱꓼ ꓡ ꓓ ꓥꓳ ꓐꓰ ꓳ’ ꓟꓬ ꓟꓽ ꓘꓳ= ꓖꓳ ꓕꓯ ꓕꓲ ꓣꓳ ꓣꓳ ꓡꓰ ꓕꓱ ꓟ ꓠꓽ ꓟꓶ-ꓡ ꓡꓳ ꓔꓱꓹ ꓫꓵ ꓒꓬꓱꓼ ꓡ ꓥ꓾ ꓐꓯ ꓖꓶ ꓡ ꓠꓬ꓾ ꓮ ꓡꓲ ꓒꓬꓱꓼ ꓡ ꓓ ꓢꓰ ꓐꓰ ꓓꓵꓽ ꓙ ꓥꓳ= ꓖꓳ ꓡꓱ ꓥ ꓟꓲ ꓗꓸ ꓠꓯꓸ ꓟꓶ-ꓡ ꓠꓯ ꓬꓲ ꓙꓲꓽ ꓡ ꓢꓲꓸ ꓬꓲ ꓙꓬ ꓚꓱꓹ ꓒꓳꓹ ꓙꓰꓳ= ꓧꓶꓸ ꓕꓯ ꓑꓲꓸ ꓫꓴꓸ ꓟꓲ ꓠꓬ ꓬꓲ ꓙꓬ ꓡꓳ ꓔꓱꓹ ꓫꓵ ꓗꓪ ꓗꓷ ꓡꓰꓳ=
ꓒꓬꓱꓼ ꓡ ꓟꓽ ꓓ ꓐꓯ ꓟ ꓠꓬ ꓟꓽ ꓒꓬꓱꓼ ꓡ ꓢꓰꓽ ꓕꓯ ꓡꓰ ꓜꓳꓽ ꓡꓳ= ꓓꓵꓽ ꓙ ꓢꓪꓼ ꓠꓬꓲ ꓓꓳ ꓡ ꓟ ꓚꓱꓹ ꓡꓰ ꓥ ꓡꓳ= ꓧꓶꓸ ꓕꓯ ꓕꓱ ꓡꓱ ꓥ ꓠꓬꓲ꓾ ꓮ ꓟꓶ ꓥ ꓟꓲ ꓕꓱ ꓡꓱ ꓔꓲꓸ ꓥꓳ ꓐꓰ ꓢꓪꓼ ꓓꓳ ꓡ ꓟ ꓥ ꓡꓳ= ꓕꓱ ꓟ ꓠꓬ ꓚꓵ ꓚꓵ ꓣꓴ ꓕꓶ ꓓ ꓟ ꓟꓽ ꓥ= ꓖꓳ ꓡꓱ ꓥ ꓟꓲ꓾ ꓣꓳ ꓢꓪꓼ ꓔꓸ ꓟ ꓮ ꓕꓯ ꓕꓯ ꓒꓬꓱꓼ ꓡ ꓟ ꓟꓽ ꓥ= ꓓꓵꓽ ꓙ ꓔꓸ ꓟ ꓡꓰ ꓐꓰ ꓒꓬꓱꓼ ꓡ ꓟ ꓟꓽ ꓥ= ꓕꓱ ꓟ ꓞꓲꓼ ꓪꓴꓽ ꓡ ꓢꓴ ꓮ ꓟ ꓥ ꓟꓲ ꓢꓷꓸ ꓡꓳ=
ꓒꓬꓱꓼ ꓡ ꓟꓽ ꓓ ꓢꓪꓼ ꓔꓸ ꓟ ꓥ ꓟꓲ ꓒꓬꓱꓼ ꓡ ꓓꓽ ꓢꓰ ꓡꓳ=
