ꓟꓶ-ꓚꓲ-ꓠ ꓗꓪ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓔꓯ ꓠꓲꓹ ꓧꓳꓹ ꓟ ꓢꓷ ꓡꓰ ꓓꓴ ꓙ ꓖꓴ ꓫꓱꓽ
ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 1 ꓦ 31 ꓠꓬꓲ꓾ ꓠꓯꓼ 11 ꓙꓵꓹ ꓕꓯꓽ ꓟꓬ-ꓟ ꓟꓯꓼ ꓡꓰ ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴ ꓙꓰˍ ꓟ ꓔꓯ ꓠꓲꓹ ꓧꓳꓹ ꓔꓳꓹ ꓙ ꓟ ꓟꓳꓸ ꓖꓶꓽ ꓢꓲꓸ ꓙ ꓖꓴ ꓫꓱꓽ ꓢꓴ ꓙꓳ ꓡꓳ꓿
ꓡꓲ-ꓓꓳ ꓙ ꓖꓴ ꓓꓽ ꓟ ꓡꓳ ꓚ ꓮꓳ-ꓜꓯ-ꓬ-ꓳ ꓪ ꓘꓴ ꓦꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓬꓯ-ꓕꓱꓸ-ꓗꓪꓯꓼ ꓗꓪ ꓛꓲ ꓡ ꓞꓳ 200 ꓣꓳ ꓛꓲ ꓙ ꓖꓴ ꓫꓱꓽ ꓡꓳ꓿
ꓕꓱ ꓟ ꓡꓰ ꓐꓰ ꓟꓳ ꓟꓵꓽ꓾ ꓑꓮꓳꓽ ꓡꓳ ꓒꓱ ꓐꓰ꓾ ꓟꓴꓼ-ꓓꓳ ꓡꓳ ꓒꓱ ꓗꓪ ꓥ ꓟꓲ ꓟꓬ-ꓟ ꓟꓯꓼ ꓔꓯ ꓠꓲꓹ ꓧꓳꓹ ꓔꓳꓹ ꓙ ꓟ ꓢꓷ ꓡꓰ ꓓꓴ ꓙ ꓖꓴ ꓫꓱꓽ ꓢꓴ ꓙꓳ ꓡꓳ ꓐꓰ ꓢꓷꓸ ꓪ ꓡꓳ꓿
ꓢ ꓖꓶ 2 ꓦ 1 ꓠꓬꓲ ꓠꓬ ꓟꓬ-ꓟ ꓗꓴꓷꓼ ꓑ ꓫꓬ ꓙꓵꓽ ꓪ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ ꓧꓳ ꓔꓯꓹ ꓙꓰ ꓟ 1 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓥ ꓢꓲ꓾ ꓠꓯꓼ 10 ꓙꓵꓹ ꓗꓪ ꓐꓰ ꓟꓶꓼ ꓘꓶꓼ 4 ꓙꓵꓹ ꓗꓪ ꓛꓲ ꓕꓲ ꓗꓴꓷꓼ ꓡꓱꓸꓼ ꓑ ꓫꓬ ꓐꓴ ꓙ ꓖꓴ ꓙ ꓐꓽ ꓟꓽ ꓓꓳ ꓚꓳ ꓚꓳ ꓟꓯꓼ ꓔꓯꓸ ꓒꓳꓹ ꓔꓳꓹ ꓟ ꓢꓷ ꓡꓰ ꓓꓴ ꓬꓰ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
Video:
ꓑ ꓫꓬ ꓦꓲ ꓐꓰ ꓜꓻ ꓮ ꓔꓳꓸ ꓛꓴ ꓗꓷꓳ
2022 ꓘꓳꓼ 1 ꓦ 31 ꓠꓬꓲ ꓗꓪ꓾ ꓢꓰꓼ-ꓗꓸ ꓟꓵꓽ ꓫꓴ꓾ ꓓꓰ-ꓑꓯꓸ-ꓬꓲꓹ ꓡꓳ ꓒꓱ꓾ ꓪꓼ-ꓑ ꓐꓰ꓾ ꓔ-ꓑꓯ-ꓔ ꓘꓹ ꓗꓪ ꓛꓲ ꓡˍ ꓟ ꓟꓬ-ꓟ ꓟꓯꓼ ꓐꓴ ꓡꓰꓽ ꓑ ꓫꓬ ꓦꓲ 7 ꓦ ꓐꓰ꓾ ꓜꓻ ꓒꓵꓹ ꓔꓯ ꓮ ꓔꓳꓸ ꓛꓴ ꓓꓳꓼ ꓗꓷꓳ ꓐꓰ ꓓꓳꓽ ꓜꓳ ꓡ ꓡꓳ꓿
ꓬꓲꓸ ꓚꓰ꓾ voice of Depeyin
