2021 ꓘˍꓼ 6 ꓦ 25 ꓠꓬꓲ ꓠꓴꓖ ꓗꓴꓷꓼ ꓙꓵꓽ ꓜꓴ ꓫꓵꓽ ꓓꓳ ꓒꓶꓻ ꓑꓮꓲ ꓗꓪ꓾ ꓑ ꓫꓬ ꓐꓴ ꓗꓪ ꓐꓰ ꓗꓳꓹ ꓛꓲ ꓡ ꓟ ꓫꓵꓽ ꓪꓴ 400000 ꓟꓽ ꓞꓲ ꓗꓪ ꓐꓰ꓾ ꓢꓸ ꓢꓯ ꓐꓲ ꓜꓲꓼ ꓟ ꓐꓯ ꓟꓴ ꓚꓱꓹ 28000 ꓧꓪ ꓣꓴ ꓢꓲ꓾ ꓟꓵꓽ ꓗꓳꓹ ꓓꓵ ꓓꓵ ꓐꓯ ꓟꓴ ꓫꓬꓹ ꓖꓴ (International Criminal Court) ꓗꓪ ꓐꓯ ꓟꓴ ꓩꓴ ꓓꓴ ꓥꓳ ꓐꓰ꓾ ꓓꓣꓸ ꓢ-ꓢ ꓡꓰ ꓐꓯ ꓡꓳ=
“ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓠꓬ ꓑ ꓫꓬ ꓐꓴ ꓢꓯꓸ ꓔꓬ ꓶꓽ ꓔꓯ ꓟꓽ ꓒꓵꓽ ꓒꓵꓽ ꓜꓲꓽ ꓜꓲ ꓑꓰꓹ ꓑꓰꓹ ꓢꓰꓼ ꓓꓴ ꓟ ꓑꓶꓸ ꓓꓴ ꓫꓵꓽ ꓟꓽ ꓩꓴ ꓟꓽ ꓓ” ꓐꓰ ꓓꓣꓸ ꓢ-ꓢ ꓡꓰ ꓐꓰꓯ ꓡꓳ=
2 ꓦ 1 ꓠꓬꓲ ꓗꓪ ꓐꓰ 6 ꓦ 25 ꓠꓬꓲ ꓗꓪ ꓛꓲ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓡꓰ ꓜꓲ ꓜꓲ ꓑꓰꓹ ꓑꓰꓹ ꓢꓰꓼ ꓗꓷ ꓟ ꓑ ꓫꓬ 881 ꓣꓳ꓾ ꓣꓴ ꓔꓸ ꓢꓴ 6348 ꓣꓳ ꓙꓳ ꓡꓳ ꓐꓰ ꓗꓴꓷꓼ ꓟꓬꓱꓽ ꓬꓰ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓡꓰ ꓢꓴ ꓐꓴ ꓔꓯ ꓬꓰ ꓙ ꓜꓴ (ꓮꓮꓑꓑ) ꓡꓰ ꓐꓯ ꓡꓳ=
