ꓟꓬ-ꓟ ꓑ ꓫꓬ ꓕꓲ ꓛꓱꓽ ꓗꓪ ꓦꓰꓼ ꓡ ꓟ ꓟꓯꓼ ꓑꓳꓡꓲꓚꓰ ꓐꓰ ꓮꓣꓟꓬ ꓐꓴ ꓐꓱ ꓶ ꓠꓴꓖ ꓓꓵ ꓙ ꓚꓱꓹ ꓐꓰ ꓙ ꓖꓶꓽ ꓔꓸ ꓟ ꓚꓱꓹ ꓔꓯ 2021 ꓘꓳꓼ 8 ꓦ 23 ꓠꓬꓲ ꓕꓯ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓕꓳ ꓶ ꓗꓪ꓾ ꓟꓯꓼ ꓪꓴꓸ ꓓꓵ ꓣꓱ ꓢꓴ ꓐꓴ ꓠꓬ ꓬꓲꓽ ꓡꓲꓽ ꓟꓽ ꓛꓳ ꓙꓵꓽ ꓪ ꓦꓴ ꓢꓴ꓾ ꓑ ꓫꓬ ꓔꓯ
ꓠꓬꓲꓸ ꓤꓲ ꓢꓴ ꓥ ꓟ꓾ ꓠꓴꓖ ꓠꓬ ꓑ ꓫꓬ ꓐꓱ ꓶ ꓦꓰꓼ ꓔꓬ ꓢꓴ ꓥ ꓟ ꓮ ꓟˍ ꓟꓲ ꓫꓬꓽ ꓫꓬꓽ ꓡꓰ ꓢꓷꓸ ꓡꓳ꓿ ꓕꓱ ꓟ ꓑꓶꓸ ꓓꓴ ꓠꓴꓖ ꓡꓰ ꓧꓳꓽ ꓣꓱ ꓔꓬ ꓟ ꓚꓱꓹ ꓗꓪ ꓔꓺ ꓡ ꓠꓹ ꓟ ꓓꓵꓽ ꓙ ꓓꓴ ꓬꓰ ꓡꓯ꓿ ꓚꓲ ꓛꓬ ꓢꓷ ꓠꓲꓹ ꓣꓱ ꓓꓴ ꓬꓰ ꓡꓯ꓿ ꓟꓽ ꓥ ꓠꓬ ꓑ ꓫꓬ ꓔꓯ ꓔꓳꓹ ꓢꓴ ꓒꓬꓱꓼ ꓡ ꓢꓲ꓾ ꓑ ꓫꓬ ꓡꓰ ꓟꓸ ꓙꓽ ꓟ ꓟꓶ ꓡ ꓥꓳ꓿ ꓑ ꓫꓬ ꓕꓲ ꓛꓱꓽ ꓗꓪ ꓦꓰꓼ ꓡ ꓠꓬ꓾ ꓠꓴ ꓪ ꓢꓯꓼ ꓟꓬ꓾ ꓦ ꓐ ꓪ ꓒꓵꓽ꓾ ꓜꓲꓽ ꓪꓴ ꓚꓱꓹ ꓐꓰ ꓟꓬꓱꓽ ꓮ ꓙꓵꓽ ꓔꓯ ꓠꓴꓖ ꓡꓰ ꓙꓽ ꓖꓶ ꓔ ꓡꓳ” ꓐꓰ ꓬꓲꓸ ꓝ ꓓꓽ ꓟ 5 ꓘꓶꓽ ꓐꓳ ꓔ ꓢꓲ꓾ ꓔꓳꓹ ꓙ ꓪ ꓔꓲꓸ ꓓꓴ ꓪ ꓡ-ꓫꓰꓸ-ꓡꓼ ꓟꓬꓱꓺ ꓐꓳ ꓔ ꓡꓳ꓿
