ꓢꓴ ꓟꓵꓽ ꓗꓪ ꓔꓷꓹ ꓘꓰꓹ ꓙꓰˍ ꓟ ꓑ-ꓗꓲ-ꓢꓲ-ꓔ ꓢꓲꓽ ꓒꓽ ꓡꓵꓺ ꓟꓴ-ꓫ-ꓬꓯꓼ (Pervez Musharraf) ꓑ-ꓗꓲ-ꓢꓲ-ꓔ ꓗꓴꓷꓼ ꓗꓪ ꓡꓽ ꓡ ꓓꓴ ꓥꓳ ꓐꓯˍ ꓟ ꓓꓳꓽ ꓓꓳ ꓡ ꓡꓳ꓿
“ꓬꓲꓸ ꓡꓽ ꓡ ꓚꓱꓹ ꓗꓪ ꓮ ꓫꓵꓽ ꓘꓶ ꓡꓶ ꓓꓴ ꓟꓽ ꓙꓳ ꓠꓹ ꓟ ꓟꓯꓼ ꓠꓰ ꓗꓽ ꓙ ꓓꓴ ꓥꓳ” ꓑ-ꓗꓲ-ꓢꓲ-ꓔ ꓟꓯꓼ ꓬꓲꓸ ꓜꓲꓽ Khawaja Asif ꓡꓰ ꓐꓯ ꓡꓳ꓿
ꓟꓴ-ꓫ-ꓬꓯꓼ ꓠꓬ ꓮ ꓟꓶ 79 ꓘꓳꓼ ꓡꓳꓼ ꓢꓲ꓾ ꓴꓮꓰ ꓮ-ꓣ; ꓜꓳꓹ-ꓒꓽ ꓟꓵꓽ꓾ ꓓꓴ-ꓐꓮꓲꓹ ꓠꓯꓺ ꓞꓲꓼ ꓦꓲ ꓗꓪ ꓠꓯ ꓞꓲꓼ ꓫꓬꓹ ꓔꓬ ꓟ ꓥ ꓢꓲ꓾ ꓠꓯ ꓞꓲꓼ ꓫꓬꓹ ꓟꓽ ꓓ ꓠꓬꓲ꓾ ꓬꓲꓸ ꓔꓬ ꓟꓵ ꓬꓲꓸ ꓗꓴꓷꓼ ꓗꓪ ꓫꓵꓻ ꓠꓲꓹ ꓫꓵ ꓠꓬꓲ ꓡꓽ ꓡˍ ꓟ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓠꓬ 1999 ꓘꓳꓼ ꓗꓪ Nawaz Sharif ꓔꓯ ꓣꓴ ꓞꓰ ꓟ ꓗꓪ ꓫꓵꓽ ꓮ ꓟꓬꓹ ꓓꓳꓻ ꓢꓲ ꓗꓴꓷꓼ ꓙꓵꓽ ꓪ ꓦꓴ ꓗꓷ ꓟ ꓑꓶꓸ ꓓꓴ꓾ ꓗꓴꓷꓼ ꓔꓯ ꓒꓳꓹ ꓔꓳꓹ ꓢꓴ ꓥ ꓡꓳ ꓐꓯ ꓢꓲꓸ ꓬꓲꓸ ꓔꓯ ꓐꓯ ꓟꓴ ꓩꓴ ꓔꓬ ꓜꓽ ꓟꓶꓽ ꓠꓬꓲꓽ ꓗꓪ 2016 ꓘꓳꓼ ꓕꓯꓽ ꓴꓮꓰ ꓓꓴ-ꓐꓮꓲꓹ ꓗꓪ ꓘꓰꓹ ꓑꓬꓺ ꓙꓰˍ ꓟ ꓥ ꓡꓳ꓿
