ꓮ ꓠꓱ.. ꓟ ꓣꓳ ꓡꓲ-ꓢꓴ ꓒꓵ: ꓒ: ꓐꓴ ꓠꓬ ꓮ ꓘꓶ. ꓟꓴ ꓟ ꓟꓳ-ꓖꓳ ꓟꓵ: ꓗꓪ ꓐꓰ ꓬꓯ; ꓡ ꓡꓳ ꓐꓰ ꓐꓯ-ꓡꓳ= ꓮ.ꓓ (500) ꓘꓳ; ꓛꓲ ꓗꓪ ꓠꓬ ꓪ-ꓐ ꓠꓯ ꓬꓲ (မဲ ခေါင်မြစ်) ꓐꓰ ꓠꓳ-ꓟꓲ ꓠꓯ ꓬꓲ (သံလွင်မြစ်) ꓡꓳ ꓚ ꓚ ꓗꓪ ꓔꓬ ꓗꓳ. ꓡ- ꓡꓳ= ꓮ.ꓓ 1100 ꓘꓳ; ꓛꓲ ꓗꓪ ꓠꓬ ꓟ-ꓗꓴ-ꓙꓲ ꓪ: ꓚꓲ ꓐꓰ ꓮ-ꓙ ꓠꓯ ꓬꓲ ꓡꓳ ꓔꓯ ꓘꓳ ꓡ ꓢꓲ ꓠꓬꓲ-ꓔ-ꓓꓰ ꓘ, ꓗꓪ ꓛꓲ -ꓡꓳ= ꓬꓲ ꓪ ꓔꓯ ꓧꓳ: ꓢꓴ ꓠꓬ ꓞꓳ ꓔꓲ ꓥꓪ-ꓢꓲ-ꓒꓲ ꓥ- ꓡꓳ= ꓬꓲ ꓪ ꓕꓱ ꓡꓰ ꓐꓰ ꓚꓲ. ꓡ ꓟ ꓙ ꓖꓴ ꓕꓲ: ꓙ ꓙ ꓗꓪ ꓟ ꓟꓵ: ꓐꓴ ꓔꓯ ꓬꓲ. ꓪ ꓡꓰ ꓟꓬꓱ.. ꓟꓬꓱ.. ꓖꓶ: ꓔ ꓬꓰ ꓐꓷ= ꓬꓲ. ꓪ ꓮ. ꓠꓬꓲ ꓐꓴ ꓬꓲ; ꓔ ꓝꓲ ꓟ ꓠꓬꓲ ꓖꓴ ꓟꓵ: ꓔꓯ ꓠꓬꓲ-ꓔ-ꓓꓰ ꓾ ꓝꓮꓲ ꓳ-ꓓꓳ ꓜꓲ ꓙꓳ ꓟ ꓠꓬꓲ ꓖꓴ ꓟꓵ: ꓔꓯ ꓳ-ꓓꓳ-ꓓꓰ ꓾ ꓕꓳ-ꓑ-ꓔꓳ ꓐꓰ ꓕꓱ ꓡꓱ ꓖꓶ: ꓔꓲ. ꓬꓰ ꓟ ꓔꓯ ꓡꓳ ꓟꓳ ꓪ ꓡꓳ= ꓮ ꓠꓱ ꓟ ꓡꓲ-ꓢꓴ ꓒꓵ: ꓒ: ꓐꓴ ꓟꓬꓱ.. ꓔꓲ. ꓬꓰ ꓟ ꓟꓬꓱ.. ꓐꓴ ꓔꓯ ꓠꓬꓲ ꓠꓬꓲ ꓗꓪ ꓛꓲ ꓥ ꓟꓲ ꓣꓱ: ꓔꓬ ꓡꓳ= ꓝꓮꓲ ꓞꓳ ꓔꓲ ꓙꓬ-ꓥꓳ ꓡꓰ ꓧꓳ: ꓣꓱ: ꓢꓲ ꓫꓵ-ꓘꓳ ꓪ ꓚꓲ ꓔꓯ ꓘꓳ ꓡ ꓢꓲ ꓛ-ꓖꓳ ꓡꓳ ꓐꓰ ꓡꓯ-ꓟꓯ-ꓛꓵ ꓡꓳ ꓗꓪ ꓓꓵ: ꓡ-ꓡꓳ= ꓬꓲ ꓪ ꓟꓲ ꓖꓳ ꓗꓪ ꓙꓬ-ꓤ꓾ ꓚꓲ-ꓡ-ꓓꓰ꓾ ꓟꓲ-ꓗꓳ꓾ ꓮ-ꓓꓴ-ꓡ꓾ ꓒ-ꓓ ꓐꓯ ꓟ ꓘ, ꓐꓴ ꓔꓯ ꓔꓶ ꓗꓷ ꓡꓳ= ꓖꓳ ꓗꓪ ꓐꓰ ꓕꓲ: ꓝ ꓠꓬ ꓘꓳ-ꓐꓴ-ꓓꓯ ꓐꓯ ꓟ ꓠꓬꓲ ꓖꓴ ꓗꓪ ꓚꓲ ꓛꓲ ꓬꓰ ꓡꓳ= ꓘꓳ-ꓐꓴ-ꓓꓯ ꓒ ꓕꓲ ꓗꓪ ꓙꓳ ꓟ ꓟꓲ-ꓗꓳ ꓘ, ꓔꓯ ꓞꓳ ꓔꓲ ꓟꓲ-ꓗꓳ-ꓫ-ꓡ ꓡꓰ ꓧꓳ: ꓔꓶ ꓔ ꓟ ꓥ ꓡꓳ=
ꓝꓮꓲ ꓛ-ꓖꓳ ꓡꓳ ꓫꓵ-ꓡ-ꓓꓰ ꓗꓪ ꓟ ꓡꓲ-ꓢꓴ ꓐꓴ ꓠꓬ ꓟꓮꓬ-ꓘ (မေခ) ꓠꓯ ꓬꓲ ꓘꓶ ꓡꓳ ꓚ ꓚ ꓗꓪ ꓚꓲ. ꓛꓲ ꓡ ꓢꓲ ꓖꓳ ꓗꓪ ꓐꓰ ꓕꓲ: ꓝ. ꓠꓬ ꓑꓴ-ꓔ-ꓴ ꓓꓰ ꓟꓵ: ꓗꓪ 1910 ꓘꓳꓼ ꓛꓲ ꓗꓪ ꓓꓵ: ꓡ ꓟ ꓥ ꓡꓳ= 1935 ꓘꓳ; ꓛꓲ ꓡ ꓕꓯ ꓞꓳ ꓔꓲ ꓪ-ꓠꓬ ꓡꓰ ꓮ-ꓢ-ꓟꓴ (ꓐꓶ-ꓬꓲ) ꓪꓴ. ꓓꓴ ꓧꓳ: ꓢꓴ ꓡꓳ-ꓘꓳ လုတ်ခွန် စော်ဘွား ꓗꓪ ꓐꓰ ꓘ, ꓔꓶ ꓠ, ꓟ ꓕꓵ; ꓪ ꓓꓰ ꓢꓲ ꓟ-ꓟꓴ-ꓡꓯ ꓘ, ꓔꓯ ꓧꓳ: ꓔꓶ ꓡꓳ ꓐꓰ ꓢꓷ. ꓪ ꓡꓳ= 1940 ꓘꓳꓼ ꓛꓲ ꓡ ꓔꓯ ꓞꓳ ꓘ, ꓢꓴ ꓡꓰ ꓬꓲ ꓔꓯ ꓘ, ꓞꓳ ꓪꓴ: ꓬꓰ ꓝꓲ ꓡꓳ= ꓡꓲ-ꓢꓴ ꓐꓴ ꓠꓬ ꓟꓶ-ꓡ ꓠꓯ ꓬꓲ ꓡꓳ ꓚ ꓚ ꓗꓪ 1930 ꓘꓳ; ꓧꓶ. ꓕꓯ ꓡꓰ ꓔꓬ ꓗꓳ ꓡ ꓟ ꓔꓯ ꓡꓳ. ꓟꓳ ꓡꓳ= 1950 ꓘꓳ; ꓛꓲ ꓡ ꓕꓯ ꓟꓬꓱ: ꓙ ꓦꓯ-ꓮ-ꓓꓶ ꓡꓰ ꓧꓳ ꓣꓱ: ꓢꓲ ꓟꓶ-ꓡ-ꓫꓵ-ꓓꓰ ꓘ, ꓔꓯ ꓔꓶ ꓗꓷ- ꓡꓳ= ꓝꓮꓲ ꓟꓬꓱ: ꓙ ꓪ-ꓮ-ꓧꓴ ꓡꓰ ꓠ-ꓟꓴ-ꓕꓴ-ꓘꓳ꓾ ꓟꓬꓱ: ꓙ ꓩꓴ-ꓛꓬ-ꓓꓶ ꓡꓰ ꓒ-ꓟ-ꓜꓳ꓾ ꓟꓬꓱ: ꓙ ꓘꓰ- ꓩꓴ- ꓬꓯ ꓡꓰ ꓬꓲ-ꓚꓳ-ꓓꓰ꓾ ꓟꓬꓱ: ꓙ ꓡ-ꓪꓳ-ꓗꓳ-ꓒꓴ ꓡꓰ ꓑ-ꓮ ꓾ ꓟꓬꓱ: ꓙ ꓕꓳ-ꓮ-ꓦꓯ ꓡꓰ ꓮ-ꓡ-ꓖ꓾ ꓟꓬꓱ: ꓙ ꓒꓴ-ꓬꓯ-ꓢꓲ ꓡꓰ ꓡ-ꓒꓶ ꓘ,꓾ ꓟꓬꓱ: ꓙ ꓮ-ꓬꓲ ꓡꓰ ꓥꓪ-ꓤ-ꓘ, ꓾ ꓟꓬꓱ ꓙ ꓠꓳ-ꓒ-ꓢꓲ ꓡꓰ ꓮ-ꓓꓯ-ꓓꓰ ꓘ, ꓐꓰ ꓟꓬꓱ: ꓙ ꓕꓳ-ꓮ-ꓦꓯ ꓡꓰ ꓠ-ꓟꓴ-ꓫꓬ-ꓜꓳ ꓘ, ꓗꓪ ꓐꓰ ꓧꓳ: ꓔꓶ ꓔ ꓟ ꓥ ꓡꓳ= ꓠꓬꓲ ꓠꓬꓲ ꓟ ꓦꓬ;ꓠꓬꓲ ꓛꓲ ꓡ ꓕꓯ ꓣꓳ ꓡꓲ-ꓢꓴ ꓐꓴ ꓠꓬ ꓑꓴ-ꓔ-ꓴ ꓟꓵ: ꓗꓪ ꓮ ꓘꓶ. ꓟꓬ: ꓟ ꓞꓳ ꓫꓵ: ꓥꓳ=
Reference books , ဒူးလေးမောင် (ဒါဆိုချဲ)၊ လီဆူ လူမျိုး ပူတာအို ခရိုင် အတွင်း ဆင်းသက် လာပုံ အကျဥ်း
