2022 ꓘꓳꓼ 2 ꓦ 1 ꓠꓬꓲ ꓕꓯꓽ꓾ ꓑꓴ-ꓔ-ꓳ ꓓꓴꓼ-ꓓ ꓘꓹ ꓗꓪ ꓦꓲ 2 ꓦꓲ ꓮ ꓔꓳꓸ ꓙꓬ ꓬꓰꓳ꓿
“ꓦꓲ ꓠꓬꓲꓽ ꓦꓲ ꓟ ꓗꓪ ꓕꓲ ꓦꓲ ꓟ ꓠꓽ 2 ꓝꓸ ꓦꓲ꓾ ꓠꓱꓸ ꓐꓯꓼ ꓕꓲ ꓦꓲ ꓟ ꓠꓽ ꓪ ꓚꓴ ꓦꓲ ꓥꓳ꓿ ꓮ ꓙꓵꓽ ꓙꓬ ꓖꓪꓽ ꓬꓰꓳ꓿ ꓦꓲ ꓢꓲ ꓒꓽ ꓖꓶ ꓟꓽ ꓠꓬꓹ ꓟ ꓗꓪ꓾ ꓮ ꓡꓲ ꓢꓲꓸ ꓙꓬ ꓬꓰ ꓥ ꓡꓲꓸ ꓟꓽ ꓢꓷꓸ” ꓐꓰ ꓖꓳ ꓗꓪ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓠꓱꓸ ꓐꓯꓼ ꓕꓲ ꓣꓳ ꓡꓰ꓾ “ꓖꓳ ꓗꓪ ꓦꓲ ꓥꓪꓸ ꓢꓲꓸ ꓔꓬ ꓢꓴ ꓠꓬ꓾ ꓳ-ꓬꓯꓹ-ꓬꓲꓼ-ꓪꓳꓹ ꓥꓳ꓿ ꓟꓶꓽ ꓦ ꓜꓯꓼ ꓠꓬꓹ ꓟ ꓗꓪ ꓮ ꓡꓲ ꓢꓲꓸ ꓙꓬ ꓡ ꓥ ꓢꓶ ꓐꓯ ꓕꓽ ꓞꓻ ꓢꓯꓼ ꓖꓶꓽ ꓙꓼ ꓟ ꓗꓪ ꓐꓰ ꓮ ꓔꓳꓸ ꓓꓳꓼ ꓡ ꓢꓲꓸ ꓙꓬ ꓬꓰꓳ ꓫꓵꓽ ꓥ ꓐꓰ ꓢꓷꓸ ꓪ ꓡꓰꓳ” ꓐꓯ ꓡꓳ꓿
ꓦꓲ ꓥꓪꓸ ꓔꓸ ꓢꓴ ꓔꓯ ꓑꓴ-ꓔ-ꓳ ꓑꓳꓡꓲꓚꓰ ꓡꓰꓽ ပ-၄/၂၀၂၂ ရာဇသတ်ကြီးပုဒ်မ ၂၈၅ ꓗꓪ ꓐꓰ ꓐꓯ ꓟꓴ ꓩꓴ ꓔꓸ ꓡꓳ꓿
