ꓑꓴ-ꓔ-ꓳ ꓗꓪ ꓟꓬ-ꓟ ꓟꓯꓼ ꓡꓰ ꓐꓶ ꓢꓰꓼ ꓢꓴ ꓠꓬꓲꓽ ꓟ ꓡ ꓞꓳ ꓐꓴ ꓐꓰ꓾ꓟꓬ-ꓟ ꓟꓯꓼ ꓡꓰ ꓢꓰꓼ ꓗꓷ ꓟ ꓟꓬ-ꓟ ꓑ ꓫꓬ ꓠꓬ 2022 ꓘꓳꓼ 2 ꓦ 16 ꓠꓬꓲ ꓗꓪ ꓛꓲ ꓕꓯꓽ 1557 ꓣꓳ ꓙꓳ ꓡꓰꓳ ꓐꓰ ꓮꓮꓑꓑ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓑꓴ-ꓔ-ꓳ ꓗꓪ ꓠꓬ ꓮ-ꓘꓰ ꓜꓲ-ꓐ ꓐꓰ꓾ ꓙ-ꓡꓲ-ꓓꓱꓼ ꓐꓴ ꓠꓬꓲꓽ ꓫꓵꓸ ꓢꓴ ꓠꓬ 2 ꓦ 15 ꓠꓬꓲ ꓟꓶ ꓘꓶꓼ ꓕꓯꓽ ꓒ-ꓟ ꓘꓹ ꓗꓪ ꓟꓯꓼ ꓡ ꓛꓴꓸ ꓐꓶ ꓢꓯꓼ ꓑ ꓙ ꓡ ꓠꓬꓲ ꓢ-ꓗꓯ ꓜꓶꓽ ꓢꓲꓸ ꓔꓶꓹ ꓘꓰꓹ ꓙꓰˍ ꓔꓬ ꓟ ꓗꓪ ꓞꓳ ꓘꓹ ꓘꓴꓽ ꓗꓪ ꓔꓬ ꓟ ꓟꓬ-ꓟ ꓟꓯꓼ ꓐꓴ ꓡꓰ ꓖꓼ ꓐꓶ ꓢꓰꓼ ꓟ ꓥꓳ꓿ ꓬꓲꓸ ꓪ ꓠꓬꓲꓽ ꓫꓵꓸ ꓔꓯ ꓥ ꓟꓲ ꓟꓬ-ꓟ ꓟꓯꓼ ꓡꓰ ꓐꓶ ꓢꓰꓼ ꓢꓴ ꓐꓴ ꓵꓺ ꓟꓬꓱꓺ ꓗꓪ ꓔꓺ ꓗꓷꓳ꓿
ꓮꓮꓑꓑ ꓠꓬ ꓕꓮꓲꓹ ꓗꓴꓷꓼ ꓗꓪ ꓬꓲꓸ ꓚꓰꓺ ꓔꓶ ꓢꓲ꓾ ꓟꓬ-ꓟ ꓗꓴꓷꓼ ꓗꓪ ꓗꓴꓷꓼ ꓟꓬꓱꓽ ꓬꓰ ꓢꓲꓸ ꓐꓱ ꓓꓴꓽ ꓡꓴꓽ ꓟꓶ ꓡꓰ ꓢꓴ ꓔꓯ ꓔꓳꓹ ꓙ ꓬꓰ ꓙ ꓔꓬ ꓟ ꓜꓴ ꓥ ꓡꓳ꓿ ꓟꓬ-ꓟ ꓗꓴꓷꓼ ꓗꓪ ꓟꓬ-ꓟ ꓟꓯꓼ ꓡꓰ ꓑ ꓫꓬ ꓐꓴ ꓐꓰ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓮ ꓔꓳ ꓔꓳ ꓢꓰꓼ ꓔꓬ ꓟ ꓔꓯ꓾ ꓣꓴ ꓡꓴꓽ ꓔꓬ ꓟ ꓔꓯ ꓟꓳꓸ ꓬꓲꓸ ꓕꓳꓼ ꓕꓲ ꓙꓳ ꓙꓳ ꓚꓲꓸ ꓚ ꓢꓲꓸ ꓚꓲꓸ ꓟꓶ ꓓꓴ ꓬꓰ ꓔꓬ ꓟ ꓥꓳ꓿
ꓟꓬ-ꓟ ꓟꓯꓼ ꓡꓰ ꓙꓵꓽ ꓗ ꓬꓲꓸ ꓡꓲꓽ ꓟꓽ ꓛꓳ ꓛꓳ ꓦ ꓟꓳ ꓦ ꓘꓪꓽ ꓣꓴ ꓡꓴꓽ ꓔꓸ ꓢꓴ ꓐꓴ ꓠꓬ꓾ 12173 ꓣꓳ ꓙꓳˍ ꓡꓳ ꓐꓯ ꓔꓸ ꓡꓳ꓿
ꓬꓲ ꓚꓰ꓾ ꓮꓮꓑꓑ
