2022 ꓘꓳꓼ 3 ꓦ 5 ꓠꓬꓲ ꓕꓯꓽ ꓑꓴ-ꓔꓲ ꓠꓬ꓾ Aeroflot ꓙꓱ ꓦꓲ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓜꓲ ꓡꓯ ꓘꓳ ꓢꓲ꓾ ꓬꓴ-ꓗ-ꓣꓲꓸ ꓗꓪ ꓙꓱ ꓦꓲ ꓙꓱ ꓟꓽ ꓓ ꓟ ꓟꓵꓽ ꓬꓰ ꓠꓲꓹ ꓫꓵ ꓟ ꓗꓴꓷꓼ ꓮ ꓡꓲ ꓕꓲ ꓗꓴꓷꓼ ꓥ ꓟꓲ ꓟꓯꓼ ꓘꓶꓽ ꓗꓪ ꓓꓵꓽ ꓡ ꓟ ꓥꓳ ꓐꓰ ꓚꓳꓹ ꓗꓹ ꓫꓵꓸ ꓩꓴ ꓡ ꓡꓳ꓿
ꓧꓶꓸ ꓕꓯꓽ ꓬꓲꓸ ꓠꓬ ꓠꓱꓸ ꓐꓯꓼ ꓢꓴˍ ꓐꓰ social distance ꓶꓽ ꓤ ꓗꓪ ꓔꓬ ꓚꓽ ꓥ ꓟꓲ꓾ ꓕꓱ ꓕꓲ ꓧꓪꓹ ꓠꓬ ꓙꓱ ꓦꓲ ꓚꓱꓹ ꓗꓪ ꓟꓬꓱꓽ ꓬꓰ ꓢꓴ ꓤ ꓟꓶꓼ ꓤꓼ ꓐꓴ ꓒ ꓕꓲ ꓗꓪ ꓔꓬ ꓢꓲ ꓖꓪ ꓙꓱ ꓜꓲꓼ ꓓꓴ ꓬꓰˍ ꓡꓳ꓿
ꓠꓱꓸ ꓐꓯꓼ ꓗꓴꓷꓼ ꓐꓴ ꓡꓰ ꓣ-ꓫꓸ ꓙꓱ ꓦꓲ ꓚꓱꓹ ꓮ ꓙꓵꓽ ꓔꓯꓽ ꓑꓲꓸ ꓞꓲꓽ ꓗꓷ ꓟ ꓡꓰ ꓐꓰ꓾ ꓬꓲꓸ ꓡꓰ ꓕꓲ ꓔꓱꓹ ꓐꓲ-ꓡ-ꓣꓴ-ꓢꓲ ꓗꓴꓷꓼ ꓗꓪ ꓟꓽ ꓥ ꓠꓬ ꓠꓱꓸ ꓐꓯꓼ ꓗꓴꓷꓼ ꓮ ꓙꓵꓽ ꓗꓪ Aeroflot ꓣ-ꓫꓸ ꓙꓱ ꓦꓲ ꓚꓱꓹ ꓮ ꓙꓵꓽ ꓔꓯˍ ꓟꓲ ꓑꓲꓸ ꓩꓴꓳ ꓐꓰ ꓢꓷ ꓙ ꓟꓴ ꓙ ꓡꓳ꓿
Photo Crd – getty, BBC
