ꓣ-ꓫꓸ ꓗꓴꓷꓼ ꓪꓴꓸ ꓓꓵ ꓑꓴ-ꓔꓲ (Vladimir Putin) ꓬꓲꓸ ꓗ ꓛꓳꓽ ꓓꓽ ꓟ ꓬꓲꓸ ꓤ ꓟꓶꓼ ꓕꓲ ꓣꓳ ꓠꓬ 2022 ꓘꓳꓼ 8 ꓦ 20 ꓠꓬꓲ꓾ ꓟꓶ ꓘꓶꓼ 9:00 ꓙꓵꓹ ꓕꓯꓽ꓾ ꓣ-ꓫꓸ ꓗꓴꓷꓼ꓾ ꓟꓳ-ꓢꓲ-ꓗꓳ ꓡꓳ ꓒꓱ ꓗꓪ ꓟꓳ ꓓꓳ ꓫꓵꓸ ꓠꓬꓹ ꓤꓽ ꓟꓶꓽ ꓠꓬꓲꓽ ꓐꓳꓽ ꓑꓳ ꓢꓰꓼꓳ꓿
Alexander Dugin ꓬꓲꓸ ꓤ ꓟꓶꓼ ꓓ-ꓬ ꓓꓴ-ꓙꓰ (Darya Dugin) ꓠꓬ ꓬꓲꓸ ꓒꓽ ꓟꓳ ꓓꓳ Toyota Land Cruiser ꓫꓵꓸ ꓙꓰ ꓟ ꓙ ꓖꓴ ꓗꓪ ꓐꓳꓽ ꓑꓳ ꓡ ꓢꓲꓸ ꓫꓵꓻ ꓟ ꓥ ꓡꓳ꓿
Alexander Dugin ꓠꓬ ꓣ-ꓫ ꓗꓴꓷꓼ ꓙ ꓖꓴ ꓚꓱꓹ ꓫꓸ ꓕꓱ ꓢꓴ꓾ ꓑꓴ-ꓔꓲ ꓔꓯ ꓔꓺ ꓢꓴ꓾ ꓑꓴ-ꓔꓲ ꓡꓰ ꓣꓴ-ꓗ-ꓣꓲꓸ ꓗꓴꓷꓼ ꓔꓯ ꓦꓴˍ ꓟ ꓙ ꓖꓴ ꓠꓬ ꓜꓳꓽˍ ꓡꓳ ꓐꓰ ꓫꓸ ꓕꓱ ꓢꓴ ꓥ ꓡꓳ꓿ ꓬꓲꓸ ꓔꓯ ꓪꓻ ꓕꓴ ꓔꓸ ꓟ ꓗꓪ꓾ ꓬꓲꓸ ꓤ ꓟꓶꓼ ꓫꓵꓻ ꓟ ꓥꓳ꓾ ꓐꓰ ꓢꓪꓼ ꓔꓬ ꓡꓳ꓿
ꓚꓲꓸ ꓚ ꓔꓬ ꓟ ꓣ-ꓫꓸ ꓟꓯꓼ ꓐꓴ
ꓬꓲꓸ ꓠꓬꓲꓽ ꓑꓸ ꓡꓼ ꓢꓴ ꓠꓬ ꓟꓳ-ꓢꓲ-ꓗꓳ ꓡꓳ ꓒꓱ ꓬꓲꓸ ꓐꓽ ꓗꓪ ꓑꓮꓲ ꓕꓲ ꓟ ꓗꓪ ꓡˍ ꓟ ꓥ ꓢꓲ꓾ ꓡ ꓙꓰˍ ꓕꓯꓽ ꓟꓳ ꓓꓳ ꓑꓺ ꓡꓯ ꓘꓳ ꓗꓷ ꓠꓬ꓾ ꓙ ꓖꓴ ꓗꓪ ꓑꓳ ꓫꓵꓻ ꓟ ꓥ ꓡꓳ꓾ ꓐꓰ ꓣ-ꓫꓸ ꓫꓵꓽ ꓓꓳꓽ Rossiiskaya Gazeta ꓗꓪ ꓐꓳ ꓔꓸ ꓡꓳ꓿
ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓜꓲꓽ ꓜꓲꓽ ꓑꓰꓹ ꓑꓰꓹ ꓟꓵꓽ ꓦꓴ ꓢꓴ ꓣ-ꓫꓸ ꓪꓴꓸ ꓓꓵ ꓑꓴ-ꓔꓲ ꓠꓬ ꓬꓲꓸ ꓒ ꓕꓲ ꓗꓪ ꓟ ꓗ ꓛꓳꓽ ꓐꓴ (ꓬꓲꓸ ꓦ ꓡꓱ ꓐꓳˍ ꓢꓴ ꓐꓴ) ꓔꓯ ꓢꓰꓼ ꓡ ꓔꓬ ꓠꓬꓲ ꓬꓲꓸ ꓚꓲꓸ ꓛꓬ ꓢꓯꓼ ꓟ ꓐꓱ ꓶ ꓙ ꓫꓸ ꓔꓬꓳ꓾ ꓐꓰ ꓢꓪꓼ ꓓꓳ ꓡ ꓔꓬ ꓡꓳ꓿
