ꓐꓲ‐ꓣꓴ ꓗꓴꓷꓼ ꓗꓪ ꓟꓶ ꓦ ꓮ ꓘꓶ, ꓦ ꓔꓬ ꓟ ꓑꓶ ꓓꓴ ꓡꓴꓽ ꓧꓳ, ꓧꓳ, ꓡ ꓢꓲ. ꓟꓬꓱꓽ ꓬꓰ ꓔꓬ ꓢꓴ ꓡ ꓞꓳ 3 ꓣꓳ ꓫꓵ., ꓐꓰ ꓣꓰꓴꓔꓰꓣꓢ ꓓꓳꓽ ꓗꓪ ꓐꓳ ꓔ ꓡꓳ꓿ꓝꓮꓲ ꓠꓬ ꓕꓲ ꓖ ꓕꓲ ꓔꓳ. ꓗꓪ ꓠꓬ ꓙ ꓖꓴ ꓞꓲ ꓡꓰ ꓟ ꓑꓶ ꓓꓴ ꓢꓷ. ꓠꓲ ꓙꓳꓥ ꓦꓲ ꓥ ꓟꓲ ꓐꓲ. ꓔ ꓡꓳ ꓐꓰ ꓐꓯ ꓡꓳ꓿
ꓖꓳ ꓟ ꓡꓰ ꓟꓽ ꓞꓲ ꓴꓢꓮ ꓗꓴꓷꓼ꓾ ꓕꓯ‐ꓠ‐ꓢꓲ ꓗꓪ ꓥ ꓟꓲ ꓟꓲꓽ ꓦꓲ ꓕꓳ ꓙꓶ. ꓡ ꓟ ꓑꓶ ꓓꓴ ꓞꓳ ꓤ 5 ꓣꓳ ꓫꓵ., ꓐꓰ ꓐꓯ ꓡꓳ꓿ꓞꓳ ꓦꓲ 7500 ꓦꓲ ꓟꓽ ꓞꓲ ꓮ ꓔꓳ. ꓟꓽ ꓪ ꓗꓷ ꓡꓰ ꓔꓬ ꓡꓳ꓿ ꓟꓲ ꓦꓲ ꓕꓳ ꓠꓬ ꓔꓰꓫꓮꓢ ꓗꓪ ꓐꓰ ꓳꓧꓲꓳ ꓗꓪ ꓛꓲ ꓟꓲ ꓦꓲ ꓙꓶ. ꓔꓬ ꓟ ꓥ ꓢꓲ.꓾ ꓴꓢꓮ ꓗꓴꓷꓼ ꓔꓲ., ꓫꓵ ꓗꓪ ꓬꓲ. ꓢꓯꓼ ꓟꓽ ꓙꓳ ꓡꓰ ꓥꓳ ꓐꓰ ꓢꓷ. ꓢꓴ ꓗꓴ. ꓢꓴ ꓡꓰ ꓐꓯ ꓡꓳ꓿
ꓐꓬꓱꓽ ꓾ ꓣꓰꓴꓔꓰꓣꓢ
ꓟꓬ‐ꓟ ꓗꓴꓷꓼ ꓗꓪ 3 ꓦ 28 ꓠꓬꓲ ꓕꓯ ꓟꓵꓽ ꓙꓴ ꓚꓵ, ꓡ ꓟ ꓑꓶ ꓓꓴ ꓫ ꓓꓴ ꓮ ꓘꓶ ꓔꓳ, ꓜꓳ ꓔꓬ ꓟ ꓥꓳ ꓿ ꓮ ꓟꓶ ꓗꓪ ꓛꓲ ꓫꓵ., ꓢꓴ ꓔꓯ ꓧꓪ, ꓔꓬ ꓡꓳ꓿ ꓟꓵꓽ ꓗꓳ ꓓꓵ ꓓꓵ ꓗꓪ ꓚꓳꓼ ꓥ ꓟꓲ ꓬꓰ ꓙ ꓢꓴ ꓮ ꓟꓬ ꓗꓴꓷꓼ ꓗꓪ ꓐꓰ ꓡ ꓢꓲ ꓬꓰ ꓙ ꓔꓬ ꓡꓳ꓿
ꓫꓵ., ꓢꓴ꓾ 3455 ꓣꓳ ꓾ꓠ, ꓔꓴ ꓡꓰ ꓢꓴ꓾ 4840 ꓣꓳ꓾ ꓫꓵ., ꓢꓴ 214 ꓣꓳ꓾ ꓞꓳ ꓦꓲ ꓾ 5223 ꓦꓲ꓾ ꓙꓳꓥ ꓟ ꓦꓲ꓾ 1824 ꓦꓲ꓾ ꓠꓲꓽ ꓤ ꓦꓲ꓾ 4827 ꓦꓲ꓾ ꓒꓳꓽ ꓖꓲꓽ ꓦꓲ꓾ 2752 ꓦꓲ꓾ ꓓꓽ ꓖꓴ 169꓾ ꓠꓯ., ꓞꓲꓼ ꓦꓲ꓾ 167 ꓦꓲ꓾ ꓮ‐ꓙꓬ., ꓡꓴꓽ ꓐꓱ 198
ꓓꓳꓽ ꓚꓰ꓾ꓕꓱ ꓟ ꓠꓬ ꓟꓬ‐ꓟ ꓗꓴꓷꓼ ꓙꓵꓽ ꓢꓴ ꓗꓪ ꓐꓰ ꓧꓪ ꓜꓲꓼ ꓔ ꓟ ꓥꓳ
ꓝꓲ. ꓵ ꓠꓬꓲ ꓓꓴ꓾
