ꓮ ꓟꓲ ꓟꓶ ꓘꓶꓼ ꓕꓯ ꓠꓬꓲꓸ ꓠꓬꓲ 6 ꓦ 26 ꓠꓬꓲ ꓗꓪ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓡꓲꓹ ꓖꓶꓽ ꓓꓴ ꓥꓳ ꓐꓯ ꓟ ꓓꓳꓽ ꓕꓲ ꓟ ꓑ ꓙ ꓡ ꓟ ꓑꓶꓸ ꓓꓴ꓾ ꓠꓬꓲꓸ ꓠꓬꓲ ꓐꓱ ꓓꓴꓽ ꓟꓲꓸ ꓕꓯ ꓗꓪ ꓡꓳꓸ ꓤꓼ ꓡ ꓢꓴ ꓮ ꓟꓬꓹ ꓙꓳ ꓥ ꓟꓲ ꓮ ꓟꓶ ꓗꓪ ꓛꓲ ꓕꓲ ꓣꓳ ꓡꓲꓸ ꓟꓽ ꓡꓲꓹ ꓖꓶ ꓡ ꓢꓰ=
ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓐꓱ ꓓꓴꓽ ꓮ ꓟꓬꓹ ꓗꓪ ꓫꓵꓽ ꓤ ꓪꓳꓼ ꓤ ꓐꓴ ꓠꓬ ꓡꓴꓽ ꓔꓸ ꓢꓴ ꓐꓴ ꓓꓳ ꓡ ꓡꓲꓸ ꓟꓽ ꓢꓷꓸ ꓐꓯ ꓢꓲꓸ ꓡꓳꓸ ꓤꓼ ꓔꓬ ꓡꓳ= ꓓꓳꓽ ꓕꓱ ꓟ ꓠꓬ ꓖꓽ ꓟꓶ ꓫꓵꓸ ꓫꓵꓸ ꓟꓸ ꓝꓴꓸ ꓠꓰ ꓝꓯꓼ ꓡꓯꓼ ꓘꓶꓽ ꓥ ꓡꓲꓸ ꓟꓽ ꓢꓷꓸ ꓐꓰ ꓐꓯ ꓡꓯ ꓘꓳ ꓔꓬ ꓡꓳ=
ꓠꓬꓲꓸ ꓠꓬꓲ ꓠꓬ ꓬꓲꓸ ꓜꓲꓽ ꓬꓲꓸ ꓥꓳꓹ ꓙꓵꓽ ꓢꓴ ꓐꓴ ꓡꓰ ꓙꓳꓥꓽ ꓟꓽ ꓧꓳꓽ ꓢꓴ ꓢ-ꓡꓮꓲ-ꓔꓲ-ꓟꓳ-ꓳꓸ ꓔꓯ ꓘꓶꓽ ꓛꓲꓽ ꓔꓳꓹ ꓡꓳ ꓢꓰꓼ ꓩꓴ ꓗꓷ ꓟ 45 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓟꓲ ꓥ ꓡꓳ= ꓠꓬꓲꓸ ꓠꓬꓲ ꓗꓪ ꓛꓲ ꓬꓲꓸ ꓡꓲꓽ ꓟꓽ ꓙꓳ ꓙꓳ꓾ ꓑ ꓫꓬ ꓙꓵꓽ ꓪ ꓖꓶ ꓔꓸ ꓟ ꓟꓽ ꓥ ꓥ꓾ ꓬꓲꓸ ꓜꓲꓽ ꓬꓲꓸ ꓟꓴ ꓙꓵꓽ ꓪ ꓣꓱꓽ ꓢꓴ ꓐꓴ ꓡꓰ ꓙꓵꓽ ꓔꓬ ꓟ ꓥ ꓡꓳ=
