ꓗ-ꓬꓲ ꓟꓵꓽ ꓗꓪ ꓔꓬ ꓟ ꓟꓵꓽ ꓫꓺ ꓗꓺ ꓡꓳꓸ ꓟꓯꓼ ꓐꓖꓝ ꓟꓯꓼ ꓜꓲꓽ ꓢꓳꓸ-ꓛꓲꓼ-ꓔꓴ ꓧꓳꓽ ꓪꓴꓸ ꓟꓴ ꓔꓬ ꓟ ꓗ-ꓬꓲ ꓟꓯꓼ ꓜꓴ ꓠꓬ ꓟꓬ-ꓟ ꓟꓯꓼ ꓔꓯ ꓟꓽ ꓔꓺꓳ ꓐꓰ꓾ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓬ-ꓟ ꓟꓯꓼ ꓔꓯ ꓟꓽ ꓔꓺꓳ꓿ ꓟꓬ-ꓟ ꓟꓯꓼ ꓡꓰ ꓖꓶ ꓡ ꓟ ꓦ ꓐ ꓪꓽ ꓒꓵꓽ ꓟꓽ ꓣꓴ꓿ ꓦ ꓐ ꓪ ꓒꓵꓽ ꓣꓴ ꓜꓽ ꓠꓬ ꓬꓲꓸ ꓝꓲˍ ꓟ ꓬꓰ ꓛꓲ ꓥꓳ꓿ ꓗ-ꓬꓲ ꓢꓴ ꓗ-ꓬꓲ ꓢꓰꓼ ꓡꓯ ꓘꓳ ꓠ ꓗ ꓡ ꓥꓳ꓿ ꓮ ꓟꓶ ꓖꓳ ꓑꓳꓸ ꓠꓬ ꓚꓲꓸ ꓛꓬ ꓔꓱꓹ ꓚꓲ ꓛꓬ ꓔꓬ ꓙꓰ ꓓꓴ ꓥꓳ꓿” ꓐꓰ ꓐꓖꓝ ꓟꓯꓼ ꓜꓲꓽ ꓡꓰ ꓐꓯ ꓔꓸ ꓡꓳ꓿
ꓕꓱ ꓕꓲꓽ ꓜꓴ ꓠꓬ 1994 ꓘꓳꓼ ꓕꓯ ꓗ-ꓬꓳ ꓟꓯꓼ ꓗꓠꓴ ꓗꓪ ꓐꓰ ꓐꓴ-ꓓꓼ ꓦ ꓡꓱ ꓢꓴ ꓟꓯꓼ ꓕꓲꓽ ꓜꓴ ꓧꓹ ꓙꓰ ꓢꓲ꓾ ꓗꓸ ꓠꓯꓸ ꓠꓬ ꓟꓬ-ꓟ ꓟꓯꓼ ꓡꓯ ꓛꓲ ꓗꓪ ꓟꓵꓽ ꓫꓸ ꓗꓺ ꓡꓳꓸ ꓟꓯꓼ ꓬꓰ ꓙꓰ ꓟ ꓗ-ꓬꓲ ꓞꓳ ꓫꓵꓽ ꓟꓯꓼ ꓜꓴ ꓥ ꓡꓳ꓿
ꓮ ꓟꓶ ꓬꓲꓸ ꓪ ꓠꓬ ꓟꓬ-ꓟ ꓟꓯꓼ ꓡꓯ ꓛꓲ ꓗꓪ ꓔꓬ꓾ ꓦ ꓐ ꓪꓽ ꓒꓵꓽ ꓣꓴ ꓜꓽ ꓠꓬ ꓟꓬ-ꓟ ꓟꓯꓼ ꓝꓲꓺ ꓘꓶꓽ ꓛꓳ ꓢꓲ꓾ ꓗ-ꓬꓲ ꓢꓴ ꓗ-ꓬꓲ ꓢꓰꓼ ꓡꓯ ꓘꓳ ꓠ ꓗ ꓡ ꓟ ꓔꓯ (30) ꓘꓳꓼ ꓟ ꓘꓴꓽ ꓗꓪ ꓙ ꓜꓲꓼ ꓡꓰꓳ꓾ ꓡꓯꓽ ꓫꓵꓺ ꓕꓱ ꓡꓱ ꓟꓽ ꓬꓰꓳ ꓐꓰ ꓐꓯ ꓓꓳ ꓡ ꓟ ꓥ ꓡꓳ꓿
ꓬꓲꓸ ꓚꓰ꓾ ꓦꓳꓮ꓾ ꓐꓐꓚ, ꓢꓮꓡꓪꓰꓰꓠ ꓑꓣꓰꓢꓢ
