ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓖꓪ ꓙꓱ ꓙ ꓠꓹ ꓟ ꓮ-ꓢꓰ-ꓬ ꓜꓴ ꓡꓰ ꓢꓲꓻ ꓣꓴ ꓔꓸ ꓟ ꓝꓲ ꓓꓴ ꓓꓽ ꓟ ꓬꓴ-ꓢꓳꓼ (Yusof) ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓟ ꓕꓳ ꓶ ꓗꓪ꓾ ꓬꓲꓸ ꓐꓰ ꓟꓬ-ꓟ ꓟꓯꓼ ꓐꓴ ꓓꓵꓽ ꓙ ꓚꓱꓹ ꓪꓽ ꓟꓽ ꓓ ꓟ ꓙꓳ ꓡꓳ ꓐꓰ ꓙ-ꓑ ꓠꓧꓗ ꓗꓪ ꓐꓳ ꓔ ꓡꓳ꓿
ꓟꓬ-ꓟ ꓟꓯꓽ ꓐꓴ ꓡꓰ ꓪ ꓔꓲꓸ ꓪꓰꓹ-ꓟꓰꓼ꓾ ꓮꓳ-ꓢꓸ-ꓢꓴꓸ-ꓚꓰꓽ꓾ ꓠꓴꓖ ꓔꓯ ꓜꓲ ꓡꓯ ꓘꓳ ꓟꓽ ꓓ ꓐꓰ ꓬꓲꓸ ꓔꓯ ꓗꓽ ꓔꓸ ꓡ ꓡꓳ ꓐꓰ ꓐꓳ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓗꓴꓷꓼ ꓫꓵꓽ ꓪꓴ ꓫꓬ ꓡꓰ ꓠꓹ ꓟ ꓬꓲꓸ ꓪ ꓔꓯ ꓜꓲ ꓡꓯ ꓘꓳ ꓢꓲ ꓖꓪ ꓙꓱ ꓠꓹ ꓟ ꓬꓳꓹ ꓚꓲ ꓟ꓾ ꓬꓲꓸ ꓪ ꓔꓯ ꓟꓽ ꓜꓲ ꓡꓯ ꓘꓳ ꓠꓬ ꓫꓵꓽ ꓪꓴ ꓫꓬ ꓡꓰ ꓚꓱꓹ ꓓꓵꓽ ꓙ ꓟꓽ ꓗꓴꓸ ꓟ ꓔꓯ ꓔꓲꓺ ꓢꓲꓽ ꓢꓲꓽ ꓐꓳ ꓟꓸ ꓖꓶ ꓔ ꓡꓳ꓿
ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓠꓬ ꓟꓲ ꓠꓯ ꓗꓴꓷꓼ ꓜꓴ ꓐꓯ ꓘꓶꓽ ꓐꓰ꓾ ꓮ-ꓢꓰ-ꓬ ꓜꓴ ꓐꓯ ꓘꓶꓽ ꓥ ꓟꓲ ꓠ ꓠꓹ ꓟꓽ ꓫꓳ ꓟ ꓑꓶꓸ ꓓꓴ꓾ ꓡ ꓠꓹ ꓟ 10 ꓦ 26-28 ꓠꓬꓲ ꓗꓪ ꓣꓱꓽ ꓬꓰ ꓠꓹ ꓟ ꓙꓽ ꓖꓶ ꓔꓸ ꓟ ꓮ-ꓢꓲ-ꓬ ꓖꓪ ꓙꓱ ꓜꓲꓼ ꓓꓴ ꓐꓰ꓾ ꓡ ꓠꓹ ꓟ 12 ꓦ ꓕꓯꓽ ꓣꓱꓽ ꓬꓰ ꓠꓹ ꓟ ꓙ ꓖꓶ ꓔꓸ ꓟ ꓖ7 ꓐꓰ ꓮ-ꓢꓰ-ꓬ ꓜꓲꓼ ꓓꓴ ꓗꓪ ꓟꓲ ꓟꓽ ꓔ ꓝꓲꓳ꓿
ꓬꓲ ꓚꓰ꓾ ꓠꓧꓗ
