ꓮ-ꓙꓲꓸ-ꓔꓲꓸ-ꓠꓸ ꓑ ꓫꓬ ꓐꓴ ꓗꓹ ꓛꓲꓽ ꓮꓸ ꓡꓹ ꓝꓴ

2022 ꓘꓳꓼ 12 ꓦ 18 ꓠꓬꓲ꓾ ꓑꓲꓹ ꓡꓴꓸ ꓧꓪꓸ ꓡꓰˍ ꓟ ꓑꓶꓸ ꓓꓴ ꓮ-ꓙꓲ-ꓔꓲꓸ-ꓠ ꓑ ꓫꓬ ꓟꓶꓽ ꓟꓶꓽ ꓢꓯꓹ ꓢꓯꓹ ꓠꓬ ꓗꓴꓷꓼ ꓡꓳ ꓒꓱ ꓓꓽ ꓟ Buenos Aires ꓗꓪ ꓗꓹ ꓛꓲ ꓮꓸ ꓡꓹ ꓝꓴ ꓔꓬ ꓡꓳ꓿

ꓮ-ꓙꓲ-ꓔꓲ-ꓠ ꓐꓰ ꓩꓽ ꓗꓴꓷꓼ ꓑꓲꓹ ꓡꓴꓹ ꓜꓴ ꓐꓴ 90 ꓧꓶꓺ ꓡꓳ ꓖꓪ ꓡꓯ ꓘꓳ ꓕꓯꓽ 2:2 ꓖꓳꓹ ꓕꓲ ꓔꓶꓹ ꓗ ꓬꓰ ꓢꓲ꓾ ꓬꓲꓸ ꓙꓵꓹ ꓬꓲꓸ ꓐꓶꓹ 30 ꓧꓶ ꓗꓪ ꓕꓲꓽ ꓛꓱꓽ ꓕꓲꓽ ꓖꓳꓹ ꓗꓶꓺ ꓬꓰˍ ꓠꓬꓲ 3:3 ꓖꓳꓹ ꓗ ꓬꓰ ꓡꓳ꓿ ꓑꓯ-ꓠꓲ-ꓔꓲ ꓗꓪ 4:2 ꓗꓷ ꓡꓰ ꓠꓬꓲ꓾ ꓮ-ꓙꓲ-ꓔꓲꓸ-ꓠꓸ ꓧꓰꓸ ꓡꓰ ꓟ ꓥ ꓡꓳ꓿

ꓧꓶꓸ ꓕꓯ ꓮ-ꓙꓲ-ꓔꓲ-ꓠꓸ ꓔꓮ ꓑꓲꓹ ꓡꓴꓸ ꓗꓪ ꓐꓰ ꓟꓬꓱꓺ ꓓꓳꓽ ꓙꓳ ꓡ ꓝꓲ ꓗꓷ ꓢꓴ ꓟ-ꓣ-ꓓꓳ-ꓠ ꓫꓴꓺ ꓐꓬꓱꓽ ꓔꓯ ꓟꓳꓸ ꓖꓶ ꓢꓲꓸ ꓟꓬꓱꓺ ꓓꓳꓽ ꓖꓶ ꓔꓬ

1986 ꓘꓳꓼ ꓕ ꓑꓳꓸ 36 ꓘꓳꓼ ꓟ ꓗꓪ ꓮ-ꓙꓲ-ꓔꓲꓸ-ꓠꓸ ꓑꓲꓹ ꓡꓴꓸ ꓜꓴ ꓠꓬ ꓑꓲꓹ ꓡꓴꓸ ꓫꓵꓺ ꓘꓴꓸ ꓔꓯ ꓕꓲꓽ ꓧꓪꓸ ꓣꓴ ꓪ ꓡꓰˍ ꓟ ꓥ ꓡꓳ꓿

ꓟ-ꓣ-ꓓꓳ-ꓠ ꓔꓮ ꓬꓲꓸ ꓪ ꓟꓽ ꓟꓲ ꓡꓰ

ꓕꓱ ꓟ ꓠꓬ ꓧꓶꓸ ꓕꓯꓽ ꓟꓬꓱ ꓓꓳꓽ ꓞꓼ ꓓꓳ ꓙꓳ ꓢꓴ ꓑꓲꓹ ꓡꓴꓸ ꓪ ꓔꓲꓸ ꓟ-ꓣ-ꓓꓳ-ꓠ ꓗꓸ ꓠꓯꓸ ꓢꓲ ꓗꓪ ꓓꓳ ꓡ ꓟ꓾ ꓮ-ꓙꓲ-ꓔꓲ-ꓠ ꓑꓲꓹ ꓡꓴꓸ ꓜꓴ ꓔꓯ ꓫꓵꓺ ꓘꓴꓸ ꓣꓴ ꓟꓶ ꓡꓰ ꓝꓲ ꓠꓹ ꓟ ꓧꓳꓽ ꓪꓴꓸ ꓟꓴ ꓢꓴ ꓟꓯ-ꓢꓰ ꓐꓱ ꓶ ꓥ ꓟꓲ ꓧꓪꓸ ꓡꓰ ꓓꓴ ꓕꓲꓽ ꓟ ꓥ ꓡꓳ꓿

ꓮ-ꓙꓲ-ꓔꓲꓸ-ꓠꓸ ꓑꓲꓹ ꓡꓴꓸ ꓜꓴ 2022 ꓘꓳꓼ

ꓕꓲꓽ ꓟꓲ ꓠꓯ ꓗꓪ ꓟ ꓮ-ꓙꓲ-ꓔꓲꓸ-ꓠꓸ ꓔꓯ ꓢꓯꓼ ꓖꓶ ꓢꓴ ꓐꓴ ꓠꓲꓹ ꓐꓰ ꓖꓳ ꓓꓱꓽ ꓗꓹ ꓛꓲ ꓮꓸ ꓡꓹ ꓚꓴ ꓔꓬ ꓡꓳ꓿

Leave a Reply

Your email address will not be published. Required fields are marked *

%d