ꓬꓥ-ꓖꓳ ꓡꓳ ꓒꓱ ꓗꓪ ꓞꓳ ꓜꓴ ꓞꓳ ꓟꓯꓼ ꓔꓯ ꓟꓬꓱꓽ ꓖꓶ ꓐ ꓡ ꓟ ꓬꓯꓼ ꓙꓲꓼ ꓙꓼ ꓦꓲ 600 ꓟꓽ ꓞꓲ ꓙꓳ ꓟ ꓗꓪ ꓐꓰ ꓮ ꓟꓶ ꓠꓬ 200 ꓦꓲ ꓑꓲꓸ ꓩꓴ ꓓꓴ ꓙ ꓖꓶ ꓔꓬ ꓡꓳ ꓐꓰ ꓢꓷꓸ ꓡ ꓡꓳ=
ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓡꓰ ꓗꓴꓷꓼ ꓔꓯ ꓧꓳꓽ ꓣꓱꓽ ꓟ ꓗꓪ ꓬꓰ ꓫꓸ ꓓꓴ ꓮ ꓟꓬꓹ ꓙꓳ ꓟ ꓑꓶꓸ ꓓꓴ ꓕꓱ ꓡꓱ ꓑꓲꓸ ꓩꓴ ꓓꓴ ꓬꓰ ꓔꓬ ꓡꓳ ꓐꓰ ꓟꓬꓱꓽ ꓬꓰ ꓢꓴ ꓜꓴ ꓗꓪꓽ ꓫꓵꓽ ꓢꓴ ꓕꓲ ꓣꓳ ꓡꓰ ꓐꓯ ꓟꓳꓸ ꓖꓶ ꓡ ꓡꓳ=
“ꓒꓴ ꓕꓵꓼ ꓟꓽ ꓙꓲ ꓬꓰ ꓟ ꓑꓶꓸ ꓓꓴ ꓶ ꓤ ꓶ ꓟꓲ ꓪꓴ ꓫꓸ ꓡꓰ ꓟ ꓡꓰꓽ ꓟꓽ ꓞꓲ꓾ ꓬꓲꓸ ꓒꓵꓽ ꓥ ꓟꓲ ꓠꓯꓸ ꓡ ꓔꓬ ꓠꓬꓲ ꓥꓪ ꓠꓴ ꓮ ꓡꓲ ꓟꓽ ꓬꓰꓳ” ꓐꓯ ꓡꓳ=
ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓙꓵꓽ ꓟ ꓠꓯꓸꓼ ꓗꓪ ꓫꓸ ꓢꓴ ꓟꓷꓼ ꓢꓴ ꓮ ꓟꓬꓹ ꓓꓳ ꓡ ꓥꓳ ꓐꓰ ꓗꓴꓷꓼ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ ꓡꓰ ꓙꓳꓺ ꓗꓽ ꓖꓶ ꓔꓬ ꓟ ꓥ ꓡꓳ=
