2022 ꓘꓳꓼ 4 ꓦ 30 ꓠꓬꓲ ꓕꓯꓽ ꓟꓬ-ꓟ ꓕꓲ ꓛꓱꓽ ꓗꓪ ꓚꓳꓸ ꓕꓮꓲꓹ ꓗꓴꓷꓼ ꓗꓪ ꓬꓯꓻ ꓘꓴꓽ ꓔꓯꓹ ꓓꓵꓽ ꓢꓴ ꓐꓴ ꓐꓰ ꓕꓮꓲꓹ ꓟꓯꓼ ꓐꓴ ꓐꓶ ꓡꓯ ꓘꓳ ꓔꓶꓸ ꓕꓲ ꓟꓵꓽ ꓗꓪ ꓧꓪ ꓠꓬꓲ ꓕꓯ꓾ ꓬꓯ ꓢꓶꓽ 5 ꓢꓯꓹ ꓢꓶꓽ ꓕꓯꓽ ꓢꓲ ꓧꓪ ꓣꓴ ꓟꓶꓳ꓿
ꓬꓲꓸ ꓪꓴꓸ ꓐꓶ ꓡꓯ ꓘꓳ ꓕꓯꓽ (8) ꓣꓳ ꓫꓵꓻ ꓢꓲ꓾ ꓬꓯ ꓢꓶꓽ 4ꓳ ꓢꓯꓹ ꓢꓶꓽ ꓫꓺ ꓣꓴ ꓟꓶ ꓟ ꓥ ꓡꓳ꓿ ꓖꓳ ꓕꓲ ꓟꓵꓽ ꓗꓪ ꓝꓮꓲ ꓜꓲ ꓜꓲ ꓟꓴ ꓟꓴ ꓧꓪ ꓗꓷ ꓠꓬ꓾ ꓬꓯ ꓢꓶꓽ 5 ꓢꓯꓹ 3 ꓟꓶꓽ ꓢꓶꓽ ꓧꓪ ꓟꓳˍ ꓟ ꓥ ꓡꓳ꓿
999 ꓐꓰ꓾ Y-1 ꓔꓳꓹ ꓠꓷꓼ ꓓꓴ ꓐꓳ ꓔꓸ ꓟ ꓟꓳ ꓠꓳ 5 ꓢꓶꓽ ꓔꓯ 5 ꓦ 1 ꓠꓬꓲ ꓗꓪ ꓧꓪ ꓟꓶˍ ꓟ ꓥ ꓡꓳ꓿
ꓕꓮꓲꓹ ꓟꓵꓽ ꓘꓶꓽ ꓗꓪ ꓬꓯ ꓟꓯꓻ ꓓꓵꓽ ꓢꓴ ꓐꓴ ꓔꓯ ꓕꓮꓲꓹ ꓟꓯꓼ ꓐꓴ ꓡꓰ ꓡ ꓛꓴꓸ ꓐꓶ ꓠꓬꓹ ꓟ ꓕꓵꓼ ꓡꓵꓸ ꓡꓳꓸ ꓔꓬ ꓟ ꓥ ꓢꓲ꓾ ꓬꓯꓻ ꓟꓯ ꓓꓵꓽ ꓢꓴ ꓐꓴ ꓥ ꓟꓲ ꓫꓵꓻ ꓘꓵ ꓑꓵꓺ ꓔꓬ ꓟ ꓥ ꓡꓳ꓿
ꓬꓲꓸ ꓚꓰ꓾ MAESAIPRESS
