ꓮ-ꓩ-ꓖ-ꓠꓯ-ꓢꓲ-ꓔ ꓗꓴꓷꓼ ꓧ-ꓟꓲꓼ ꓗ-ꓜ ꓙꓱ ꓦꓲ ꓠꓽ ꓔꓶꓸ ꓗꓪ ꓲꓢꓲꓢ ꓟꓯꓼ ꓐꓴ ꓡꓰꓽ ꓢꓯꓼ ꓟ ꓑ ꓢꓲ ꓐꓳꓽ 2 ꓕꓷꓹ ꓑꓳ ꓐꓶꓽ ꓩꓴ ꓡ ꓟ ꓗꓪ ꓐꓰ 60 ꓣꓳ ꓫꓵꓻ (ꓴꓢꓮ ꓟꓯꓼ 12 ꓣꓳ ꓫꓵꓻ)꓾ 140 ꓣꓳ ꓛꓲ ꓠꓻ ꓓꓴ ꓡꓰꓳ꓿
ꓕꓱ ꓡꓱ ꓜꓲ ꓜꓲ ꓑꓰꓹ ꓑꓰꓹ ꓢꓰꓼ ꓢꓴ ꓙꓳ ꓡ ꓔꓬꓳ ꓐꓰ ꓛꓽ ꓒꓽ ꓐꓴ ꓗꓪ ꓐꓰ ꓬꓲꓸ ꓓꓳꓽ ꓓꓳ ꓡ ꓟ 24 ꓙꓵꓹ ꓘꓴꓽ ꓗꓪ ꓔꓲꓸ ꓐꓳꓽ ꓐꓶ ꓡ ꓟ ꓥꓳ꓿ ꓮ-ꓩ-ꓖ-ꓠꓯ-ꓢꓲ-ꓔ ꓗꓪ ꓚꓬꓴꓹ ꓣꓴ ꓠ ꓗ ꓟ ꓮ-ꓟꓯ-ꓣꓲ-ꓗ 1500 ꓣꓳ ꓛꓲ ꓔꓬ ꓢꓰꓽ ꓡꓳ ꓐꓰ ꓴꓢꓮ ꓟꓵ ꓗꓳ ꓓꓵ ꓓꓵ ꓙ ꓡꓯ ꓘꓳ ꓢꓲꓽ ꓒ ꓓꓽ ꓟ ꓐ-ꓡꓲ-ꓗꓲ ꓡꓰ ꓐꓯ ꓡꓳ꓿
ꓡ ꓞꓳ ꓚꓬꓴꓹ ꓣꓴ ꓟ ꓟꓬꓱꓽ ꓔꓯ 2021 ꓘꓳꓼ 8 ꓦ 31 ꓠꓬꓲ ꓖꓳ ꓑꓳꓸ ꓙ ꓙꓰ ꓝꓲ ꓟꓽ ꓓ ꓐꓰ꓾ ꓔ-ꓡꓲ-ꓐ ꓐꓴ ꓡꓰ ꓥ ꓟꓲ ꓙꓳꓺ ꓗꓽ ꓖꓶ ꓔꓬ ꓡꓳ꓿
ꓮ-ꓩ-ꓖ-ꓠꓯ-ꓢꓲ-ꓔ ꓗꓪ ꓐꓰ ꓴꓢꓮ ꓐꓰ ꓛꓳ ꓒꓯꓹ ꓗꓴꓷꓼ ꓐꓴ ꓟꓯꓼ ꓐꓰ ꓗꓴꓷꓼ ꓝꓲ ꓓꓴ ꓐꓴ꓾ ꓗꓴꓷꓼ ꓡ ꓞꓳ ꓐꓴ ꓠꓬ ꓛꓽ ꓐꓲꓽ ꓗꓴ ꓕꓴꓽ ꓛꓰꓹ ꓡꓽ ꓔꓬ ꓟ ꓥ ꓡꓳ꓿
