ꓲ-ꓓꓲ-ꓬ ꓗꓴꓷꓼ ꓔꓱꓹ ꓫꓵ ꓗꓪ ꓙꓳˍ ꓟ ꓟꓼ-ꓬ-ꓑ-ꓣ-ꓓꓯ-ꓫꓲ ꓡꓳ ꓒꓱ ꓗꓪ꓾ ꓦ ꓐ 15 ꓟ ꓡꓳꓼˍ ꓟ ꓤ ꓠꓱ ꓔꓯ ꓡꓽ ꓟ ꓕꓲꓽ ꓘꓹ ꓡꓰ ꓘꓳꓼ ꓔꓯꓹ ꓙꓰ ꓟ ꓗꓪ ꓤ ꓠꓱ ꓟꓹ ꓟ ꓡꓰ ꓡꓯꓽ ꓖꓳꓽ ꓡꓰ ꓓꓶꓽ ꓥꓰꓸ ꓡꓯ ꓘꓳ ꓢꓲꓸ ꓤ ꓠꓱ ꓔꓯ ꓚꓬꓴꓹ ꓣꓴ ꓟꓶ ꓡꓰꓳ꓿
“ꓤ ꓠꓱ ꓬꓲꓸ ꓟ ꓠꓬ ꓞꓳ ꓘꓹ ꓢꓴ ꓐꓴ ꓔꓯ ꓬꓰ ꓙ ꓡꓯ ꓐꓯ ꓢꓲꓸ ꓘꓴ ꓠꓰ꓾ ꓡ ꓟ ꓔꓯ ꓓꓶꓽ ꓠꓰ꓾ ꓣꓴ ꓥꓰꓸ ꓡꓯ ꓘꓳ ꓠꓰ ꓬꓰ ꓔꓬ ꓕꓯꓽ꓾ ꓞꓳ ꓘꓹ ꓢꓴ ꓥ ꓟꓲ ꓢꓲꓹ ꓗꓸ ꓔꓯꓹ ꓢꓲꓸ ꓔꓷꓹ ꓡ ꓠꓬ ꓡ ꓟ ꓠꓽ ꓤ ꓠꓱ ꓟ ꓔꓯ ꓩꓴ ꓗꓷ ꓒꓰꓹ ꓡ ꓢꓲꓸ ꓔꓷꓹ ꓙꓰꓳ” ꓐꓰ ꓖꓳ ꓗꓪ ꓟꓳꓻ ꓢꓴ ꓐꓴ ꓡꓰ ꓐꓯ ꓡꓳ꓿
ꓡ ꓟ ꓔꓯ ꓡꓯꓽ ꓖꓳꓽ ꓗꓪ ꓐꓰ ꓔꓳꓼ ꓡꓯ ꓘꓳ ꓢꓴ ꓑꓶꓸ ꓟ ꓟꓹ ꓟ ꓠꓬ ꓮ-ꓛ-ꓠ ꓛꓮꓳ-ꓓ-ꓬꓲ (Archana Choudhary) ꓟꓬꓱꓺ ꓔꓸ ꓢꓴ ꓥ ꓡꓳ꓿
ꓤ ꓠꓱ ꓔꓯ ꓠꓬ ꓮ ꓘꓶꓸ ꓟꓽ ꓠꓻ ꓡꓰ ꓐꓶ꓿ ꓖꓳ ꓡꓱ ꓥ ꓟꓲ ꓟꓹ ꓟ ꓔꓯ ꓠꓬ ꓐꓵꓼ ꓟꓵ ꓗꓪ ꓦꓱꓹ ꓡꓰ ꓢꓲ꓾ ꓮ ꓘꓶꓸ ꓠꓻ ꓓꓴ ꓡꓰ ꓠꓰ ꓠꓯ ꓞꓲꓼ ꓦꓲ ꓗꓪ ꓠꓻ ꓫꓬꓹ ꓔꓬ ꓡꓳ꓿
ꓕꓱ ꓟ ꓠꓬ 2022 ꓘꓳꓼ 9 ꓦ 4 ꓠꓬꓲ ꓕꓯꓽ ꓐ-ꓓ-ꓖ ꓡ ꓟ ꓟꓽ ꓢꓰꓼ ꓢꓰꓼ ꓫꓳ ꓔꓶꓸ Bandhavgarh Tiger Reserve ꓒ ꓕꓲ ꓗꓪ ꓗꓷ ꓡꓰˍ ꓟ ꓥ ꓡꓳ꓿ ꓖꓳ ꓕꓲꓽ ꓟꓵꓽ ꓗꓪ ꓡ ꓟ ꓡꓰ ꓞꓳ ꓤ ꓔꓯ ꓘꓳꓼ ꓡ ꓟ ꓟꓽ ꓙꓬ ꓟꓽ ꓙꓬ ꓙꓳ ꓚꓰꓼ ꓡꓳ꓿
ꓬꓲꓸ ꓚꓰ꓾ BBC Hindi
