ꓲꓚꓙ ꓗꓪ ꓖ-ꓐꓲ-ꓬ ꓗꓴꓷꓼ ꓡꓰ ꓟꓬ-ꓟ ꓗꓴꓷꓼ ꓔꓯ ꓐꓯ ꓟꓴ ꓩꓴ ꓔꓸ ꓟ ꓔꓯ ꓔꓳꓹ ꓡꓯ ꓘꓳ ꓠꓹ ꓟ ꓐꓱ ꓶ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓡꓰ꓾ ꓐꓯ ꓟꓴ ꓔꓳꓹ ꓡꓯ ꓘꓳ ꓜꓴ ꓬꓲꓸ ꓫꓵꓼ ꓔꓯ ꓠꓬꓲꓸ ꓠꓬꓲ ꓒꓴ ꓗꓷꓳ=
ꓖ-ꓐꓲ-ꓬ ꓗꓴꓷꓼ ꓡꓰ ꓣꓳ-ꓦꓲ-ꓙ ꓞꓳ ꓫꓵꓽ ꓐꓴ ꓔꓯ ꓟꓬ-ꓟ ꓟꓯꓼ ꓒꓽ ꓐꓴ ꓡꓰ ꓢꓰꓼ ꓠꓬꓲ꓾ ꓖꓼ ꓓꓳ ꓠꓬꓲ ꓬꓰ ꓗꓷ ꓠꓬꓲ ꓫꓵꓻ ꓢꓴ ꓟꓲ ꓙꓳ ꓢꓲ꓾ 740000 ꓟꓽ ꓞꓲ ꓛꓰꓹ ꓑꓬ ꓙꓰ ꓗꓷ ꓟ ꓔꓯ ꓫꓵꓽ ꓩꓴ ꓡ ꓟ ꓥ ꓡꓳ=
ꓲꓚꓙ ꓗꓪ ꓟꓬ-ꓟ ꓕꓲ ꓛꓱꓽ ꓗꓪ ꓐꓰ ꓐꓯ ꓟꓴ ꓔꓳꓹ ꓡꓯ ꓘꓳ ꓜꓴ ꓢꓽ ꓡ ꓙꓵꓽ ꓠꓬ꓾ ꓪꓳ-ꓠ-ꓟꓮꓳ-ꓡꓱꓲ꓾ ꓗꓳ-ꓗꓳ-ꓡꓻꓰ ꓐꓰ ꓓꓣꓸ ꓔꓲ-ꓔ-ꓳꓸ ꓐꓴ ꓠꓬ ꓔꓳꓹ ꓙ ꓢꓽ ꓡ ꓙꓵꓽ ꓢꓴ ꓬꓰ ꓓꓴ ꓥꓳ ꓐꓯ ꓡꓳ=
ꓫꓵꓽ ꓫꓹ ꓖꓴ ꓗꓪ ꓠꓴꓖ ꓗꓴꓷꓼ ꓙꓵꓽ ꓜꓴ ꓥ ꓟꓲ ꓟꓬ-ꓟ ꓬꓲꓸ ꓛꓲ ꓜꓲꓼ ꓙꓰ ꓓꓴ ꓥꓳ ꓐꓰ ꓐꓯ ꓔꓬ ꓡꓳ=
ꓧꓶꓸ ꓕꓯ ꓠꓡꓓ ꓡꓰ ꓧꓳꓽ ꓪꓴꓸ ꓟꓴ ꓟ ꓦꓬꓼ ꓠꓬꓲ ꓗꓪ꓾ ꓢꓽ ꓡ ꓙꓵꓽ ꓢꓴ ꓠꓬ ꓮꓳ-ꓢꓸ-ꓢꓴꓸ-ꓚꓰꓽ ꓥ ꓡꓳ=
