ꓢ-ꓗ-ꓢ ꓔꓯ ꓔꓳꓹ ꓟ ꓑꓶꓸ ꓓꓴ ꓣꓴ ꓡꓴꓽ ꓟꓶ ꓔꓸ ꓢꓴ ꓐꓴ ꓗꓪ ꓐꓰ 2000 ꓣꓳ ꓔꓯ ꓠꓬꓲꓸ ꓠꓬꓲ ꓡꓲꓹ ꓩꓴ ꓗꓷ ꓡ ꓡꓳ=
ꓕꓱ ꓡꓱ ꓡꓲꓹ ꓖꓶ ꓠꓹ ꓟ ꓓꓳꓽ ꓔꓯ ꓗꓳꓸ ꓗꓷ ꓟ ꓕꓲ ꓠꓽ ꓕꓯ ꓡꓰ ꓑ ꓙ ꓥ ꓟꓲ꓾ ꓬꓲꓸ ꓠꓬꓲ 2021 ꓘꓳꓼ 6 ꓦ 30 ꓠꓬꓲ ꓕꓯ ꓢꓲꓸ ꓡꓯꓼ ꓕꓲ ꓬꓰ ꓩꓴ ꓡ ꓟ ꓥ ꓡꓳ=
ꓡꓲꓹ ꓖꓶ ꓡ ꓥ ꓢꓶ ꓐꓯ ꓢꓲꓸ ꓐꓱ ꓓꓴꓽ ꓘꓶꓽ ꓗꓪ ꓡꓳꓸ ꓔꓬ ꓟ ꓫꓵꓽ ꓤ ꓧꓪ ꓤ ꓮ ꓐ ꓮ ꓟ ꓐꓴ ꓠꓬ꓾ ꓕꓲ ꓠꓬꓲ ꓡꓱꓸꓼ ꓡꓳꓸ ꓔꓬ ꓝꓲ ꓢꓲ꓾ ꓟꓶꓼ ꓘꓶꓼ 6ꓽ30 ꓙꓵꓹ ꓕꓯ ꓢꓲꓸ ꓡꓲꓹ ꓖꓶ ꓩꓴ ꓡ ꓟ ꓥ ꓡꓳ=
ꓕꓱ ꓟ ꓠꓬ ꓑ ꓫꓬ ꓙꓵꓽ ꓪ ꓡꓲꓸ ꓖꓶ ꓓꓴ ꓚꓱꓹ ꓙ ꓖꓶꓽ ꓔꓬ ꓟ ꓥ ꓡ? ꓝꓮꓲ ꓮ ꓣꓴ ꓟꓶ ꓢꓰꓽ ꓢꓴ ꓐꓴ ꓔꓯ ꓛꓽ ꓓꓴ꓾ ꓝꓮꓲ ꓕꓲ ꓧꓪꓸ ꓮ ꓙꓵꓽ ꓢꓴ ꓔꓯ ꓣꓴ ꓡꓴꓽ ꓓꓴ ꓬꓲꓸ ꓜ ꓠꓸ ꓔꓬ ꓟ ꓥ ꓡ? ꓐꓰ ꓗꓴꓷꓼ ꓫꓵꓽ ꓪꓴ ꓟꓸ ꓟꓲꓽ ꓒꓶ ꓢꓴ ꓐꓴ ꓓꓵꓽ ꓙ ꓢꓪꓼ ꓠꓬꓲ ꓔꓬ ꓡꓳ=
“ꓚꓳꓦꓲꓓ-19 ꓚꓲꓸ ꓟꓬꓽ ꓔꓬ ꓟ ꓦꓬꓼ ꓠꓬꓲ ꓗꓪ ꓑ ꓫꓬꓼ ꓐꓴ ꓔꓯ ꓕꓱ ꓡꓱ ꓫꓸ ꓟꓳ ꓫ ꓚꓬ ꓬꓰ ꓟ ꓠꓬ ꓟꓽ ꓜꓳꓽ꓾ ꓟꓰꓹ-ꓮꓳ-ꓡꓮꓲ ꓔꓯ ꓫꓸ ꓟꓳ ꓓꓴ ꓮ ꓫꓵꓽ ꓡꓲꓸ ꓟꓽ ꓙꓳ” ꓐꓰ ꓐꓯ ꓓꓳ ꓡ ꓢꓴ ꓙꓳ ꓡꓳ=
