ꓟꓬ-ꓟ ꓗꓴꓷꓼ ꓗꓪ ꓠꓯ-ꓑꓲ-ꓓꓳ ꓡꓰꓽ ꓟꓽ ꓥ ꓠꓬ ꓠꓱꓸ ꓐꓯꓼ ꓡꓳ ꓒꓱ ꓮ ꓙꓵꓽ ꓔꓯ ꓠ ꓡꓲ 6 ꓙꓵꓹ ꓕꓲ ꓧꓪꓹ ꓮ ꓔꓳꓸ ꓖꓶꓽ ꓓꓴ ꓥꓳ ꓐꓰ ꓮ ꓔꓳꓸ ꓗꓪꓽ ꓫꓵꓽ ꓢꓴ ꓐꓴ ꓗꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓮ ꓔꓳꓸ 24 ꓙꓵꓹ ꓖꓶꓽ ꓟꓽ ꓐ ꓡ ꓠꓬꓲ꓾ ꓮ ꓔꓳꓸ ꓢꓯꓼ ꓣꓱꓽ ꓢꓲꓸ ꓟꓬꓱꓽ ꓬꓰ ꓢꓴ ꓐꓴ ꓮ ꓘꓶꓸ ꓫꓸ ꓔꓬ ꓡꓳ꓿
“ꓟꓬꓱꓽ ꓠꓽ ꓬꓰ ꓗꓸ ꓟꓽ ꓘꓳꓽ ꓬꓰꓳ꓿ ꓠꓲꓹ ꓟ ꓩꓴ ꓞꓲꓼ ꓗ ꓬꓰꓳ꓿” ꓐꓰ ꓚꓳꓟꓑꓴꓔꓰꓣ ꓖꓣꓮꓑꓧꓲꓚ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓕꓱ ꓟ ꓡꓰ ꓐꓰ ꓮ ꓔꓳꓸ ꓢꓯꓼ ꓣꓱꓽ ꓢꓲꓸ ꓠꓱꓸ ꓐꓯꓼ ꓶ ꓡꓯꓼ ꓚꓱꓹ ꓤꓹ ꓤꓼ ꓬꓰ ꓔꓬ ꓢꓴ꓾ ꓙꓲ ꓔꓲ ꓪꓴꓽ ꓢꓴ꓾ ꓜꓽ ꓫꓵ ꓜ ꓙꓰ ꓚꓸ ꓪꓴꓽ ꓢꓴ꓾ ꓠꓸ ꓒꓵꓼ ꓑ ꓑ ꓫꓬꓹ ꓢꓴ ꓐꓴ ꓮ ꓘꓶꓸ ꓬꓰ ꓫꓸ ꓔꓬ ꓡꓳ꓿
ꓧꓪꓽ ꓞꓶ ꓒꓴ ꓥ ꓟꓲ ꓓꓯꓻ ꓡ ꓠꓬꓲ ꓮ ꓔꓳꓸ ꓙꓼ ꓒꓴ ꓐ ꓡ ꓚꓱꓹ ꓧꓪ ꓟꓽ ꓟꓳ ꓢꓰ꓿ ꓙꓼ ꓧꓪ ꓞꓶ 1 ꓡꓲ-ꓔ ꓠꓬ 2000 ꓒꓯꓼ ꓖꓼ ꓡꓯꓼ ꓖ ꓙꓲ ꓙꓳ ꓡꓳ꓿
“ꓮ ꓔꓳꓸ ꓪ ꓡꓵꓹ ꓪ ꓫꓵꓻ꓾ ꓶ ꓡꓯꓼ ꓪ ꓬꓰ ꓪ ꓞꓳꓸ ꓕꓲ ꓥꓳꓽ ꓟ ꓔꓸ ꓥ꓿ ꓙꓼ ꓒꓴ ꓢꓲꓸ ꓬꓰ ꓥꓳ ꓐꓯ ꓠꓽ ꓫꓸ ꓬꓰ ꓡ ꓠ ꓔꓸ ꓥ” ꓐꓰ ꓚꓮꓗꓰ ꓫꓬꓹ ꓢꓴ ꓕꓲ ꓣꓳ ꓡꓰ the Lisu Times ꓔꓯ ꓕꓱ ꓟꓸ ꓖꓶ ꓡ ꓡꓳ꓿
