ꓑꓴ-ꓔ-ꓳ ꓟꓵꓽ ꓗꓪ ꓕꓱ ꓕꓲ ꓝꓲꓸ ꓠꓲꓽ ꓫꓵꓸ ꓘꓴꓽ ꓠꓴꓽ ꓬꓲꓸ ꓙꓴꓺ 1 ꓚ 600000 ꓒꓯꓼ ꓪꓴꓽ ꓡꓯ ꓘꓳ ꓔꓬ ꓡꓳ꓿
“ꓕꓲ ꓝꓲꓸ ꓟ ꓗꓪ ꓠꓽ ꓗꓳꓺ ꓚꓲ ꓗꓪ ꓠꓲꓽ ꓫꓵꓸ ꓘꓴꓽ ꓠꓴꓽ ꓧꓪ ꓢꓴ ꓠꓽ ꓚ ꓒꓶꓽ ꓡꓰ ꓥꓳ ꓟꓽ꓿ ꓬꓲꓸ ꓙꓴ 1 ꓚ ꓟ 6 ꓢꓯꓹ ꓒꓵˍ ꓥ꓿ ꓥ ꓡꓰꓸ 1 ꓚ ꓪꓴ ꓦꓹꓳ꓿ ꓪꓴꓽ ꓢꓴ ꓙꓳˍ ꓠꓬ 09974295406 ꓗꓪ ꓙ ꓡꓯ ꓘꓳ ꓡꓯ꓿ ꓪꓴ ꓠꓬꓹ ꓥ” ꓐꓰ ꓟꓶ-ꓡ-ꓫꓵ-ꓓꓰ ꓗꓪ ꓔꓬ ꓢꓴ ꓞꓳ ꓔꓲꓺ ꓮ-ꓘꓰ-ꓢꓯ ꓡꓰ ꓐꓯ ꓡꓳ꓿
ꓧꓶꓽ ꓒꓽ ꓥꓳꓽ ꓗꓪ ꓑꓯ-ꓚꓰ (ꓠꓲꓽ/ ꓗꓳꓺ ꓫꓵꓸ ꓘꓴꓽ ꓠꓴꓽ ꓐꓯ ꓢꓴ ꓙꓳ) ꓠꓬ ꓟꓲꓽ ꓦꓲ ꓡꓳ ꓦꓲ ꓠꓻ ꓓ ꓡꓰ ꓝꓲˍ ꓟ ꓠꓯ ꓞꓲꓼ ꓢꓯꓼ ꓙꓳˍ ꓟ ꓕꓲꓽ ꓫꓵꓽ ꓥ ꓡꓳ꓾ ꓐꓯ ꓡꓳ꓿
ꓠꓲꓽ ꓫꓵꓸ ꓘꓴꓽ ꓠꓴꓽ
“ꓬꓲꓸ ꓛꓬ ꓟ ꓠꓽ ꓠꓰ ꓫꓵꓸ ꓡꓯꓽ ꓖꓪꓹ ꓛꓬ ꓡꓰ ꓔꓸ ꓥ꓿ ꓟꓶ ꓢꓲꓺ ꓠꓰ ꓔꓶꓺ ꓦꓹ ꓪ ꓡꓰ ꓬꓳˍ ꓚꓰꓼ ꓥ꓿ ꓥ ꓠꓴ ꓙꓰ ꓚꓳ ꓔꓶꓸ ꓗꓳꓺ ꓚꓲꓺ ꓗꓪ ꓠꓽ ꓳꓸ ꓫꓵꓽ ꓠꓽ ꓮ ꓫꓵꓽ ꓧꓪ ꓖꓴ ꓓ ꓢꓲꓽ ꓖꓯ꓿ ꓳꓸ ꓐꓯ ꓖꓶ ꓬꓲꓸ ꓒꓵꓽ ꓒꓵꓽ ꓡ ꓕꓽ ꓞꓳ ꓤ ꓠꓰ ꓠꓽ ꓬꓲꓸ ꓛꓴ ꓒ ꓞꓰꓹ ꓬꓰ ꓡ ꓚꓰꓼꓮ ꓟꓼ” ꓐꓰ ꓧꓪ ꓖꓼ ꓒ ꓮ-ꓒꓴ ꓡꓰ ꓐꓯ ꓡꓳ꓿
