ꓛꓰꓸ ꓒꓽ ꓟꓵꓽ꓾ ꓟꓶ-ꓔꓴ-ꓑꓲ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓒꓽ ꓐꓴ ꓡꓰ ꓘꓶ ꓡꓶꓽ ꓡ ꓔꓬ ꓠꓬꓲ ꓟꓶꓽ ꓘꓶꓼ ꓪ ꓘꓴ ꓜꓲꓼ ꓓꓴ ꓟꓽ ꓬꓰ ꓠꓹ ꓟ ꓙꓲ-ꓢꓴ ꓢꓲ ꓤ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓠꓬꓲꓸ ꓠꓬꓲ 2022 ꓘꓳꓼ 10 ꓦ 28 ꓠꓬꓲ ꓕꓯꓽ ꓖꓪ ꓙꓱ ꓞꓷꓹ ꓗꓷꓳ꓿
“ꓪ ꓘꓴ ꓙꓵꓹ ꓔꓯ ꓟꓳꓼ ꓡꓳ ꓗꓪˍ ꓡꓰꓽ ꓬꓰ ꓠꓹ ꓟ꓾ ꓪ ꓘꓴ ꓓꓳ ꓡꓰ ꓠꓬ ꓪ ꓘꓴ ꓦꓲ ꓗꓺ ꓘꓶꓽ ꓑꓲꓸ ꓔꓸ ꓠꓹ ꓟ꓾ ꓟꓶ ꓘꓶꓼ ꓕꓯꓽ ꓪ ꓘꓴ ꓦꓲ ꓗꓪ ꓥ ꓟꓲ꓾ ꓦꓲ ꓗꓪ ꓥ ꓟꓲ ꓞꓳ ꓜꓲꓼ ꓪ ꓜꓲꓼ ꓪ ꓘꓴ ꓜꓲꓼ ꓓꓴ ꓟꓽ ꓬꓰ ꓠꓹ ꓟ ꓖꓪ ꓙꓱ ꓪꓽ ꓗꓷꓳ꓿ ꓟꓯꓼ ꓐꓴ ꓡꓰ ꓘꓶ ꓡꓶꓽ ꓡ ꓔꓬ ꓟ ꓐꓰ꓾ ꓢ ꓘꓪ ꓓꓳꓻ ꓟꓽ ꓓ ꓐꓯˍ ꓟ ꓙꓵꓽ ꓗ ꓙꓳ ꓡ ꓠꓬꓲ ꓦ ꓡꓱ ꓚꓱꓹ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓡꓰ ꓕꓱ ꓡꓱ ꓤ ꓟꓳ ꓓꓴ ꓚꓱꓹ ꓖꓪ ꓙꓱ ꓪꓽ ꓗꓷ ꓟ ꓥꓳ” ꓐꓰ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓟꓯꓼ ꓐꓴ ꓡꓰ ꓦꓲ ꓗꓪ ꓪꓰ ꓤ ꓚꓲꓸ ꓚ ꓓꓴ ꓟ ꓕꓲ ꓦꓬꓼ 2 ꓧꓪꓹ ꓬꓰˍ ꓟˍ ꓟꓲ ꓙꓳ ꓡꓳ꓾ ꓦ ꓡꓱ ꓚꓱꓹ ꓟꓸ ꓒꓽ ꓐꓴ ꓔꓯ ꓥ ꓟꓲ ꓟꓽ ꓒꓵꓽ ꓟꓽ ꓚ ꓫꓸ ꓕꓱ ꓟ꓾ ꓓꓶꓽ ꓠꓬꓲ ꓔꓲꓸ ꓠꓬꓲ ꓬꓰˍ ꓟˍ ꓟꓲ ꓙꓳˍ ꓡꓳ꓾ꓐꓯ ꓡꓳ꓿
ꓬꓲꓸ ꓚꓰ꓾ ꓜꓮꓡꓰꓠ
