ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓠꓬ ꓡꓽ ꓛꓴꓸ ꓐꓰ ꓐꓳꓽ ꓢꓶ ꓗꓪ ꓐꓰ ꓢꓰꓼ ꓡꓯ ꓘꓳ ꓔꓬ ꓟ ꓡꓰ ꓐꓰ ꓟꓲ-ꓓꓲ-ꓬ ꓐꓯˍ ꓟ ꓬꓲꓸ ꓐꓬꓱꓽ꓾ ꓕꓳ ꓶ ꓗꓪ ꓐꓰ ꓟꓳꓸ ꓖꓶ ꓢꓲꓸ ꓓꓵꓽ ꓙ ꓚꓱꓹ ꓟꓯꓼ ꓘꓶꓽ ꓙꓳˍ ꓡꓳ꓿
ꓮ ꓟꓶ ꓣ-ꓫꓸ ꓗꓴꓷꓼ ꓙꓵꓽ ꓜꓴ ꓡꓰ ꓐꓳ ꓔꓬ ꓟ ꓫꓵꓽ ꓓꓳ ꓐꓳ ꓜꓴ 4 ꓜꓴ ꓔꓯ Facebook ꓗꓪ ꓐꓳ ꓟꓽ ꓙꓲ ꓡꓰ ꓠ ꓗꓽ ꓔꓸ ꓗꓷꓳ꓿
ꓝꓮꓲ Twitter ꓗꓪ ꓥ ꓟꓲ ꓣ-ꓫꓸ ꓗꓴꓷꓼ ꓙꓵꓽ ꓜꓴ ꓐꓴ ꓠꓲꓹ ꓫꓵˍ ꓪ ꓡꓰ ꓓꓳꓽ ꓐꓳ ꓟꓽ ꓙꓲ ꓠ ꓗꓽ ꓩꓴ ꓡ ꓡꓳ꓿
ꓕꓱ ꓡꓱ Facebook ꓐꓰ Twitter ꓗꓪ ꓗꓽ ꓞꓲꓽ ꓔꓸ ꓟ ꓔꓯ ꓠꓲꓹ ꓞ ꓒꓴ ꓖꓶ ꓡꓯ ꓐꓰ ꓣ-ꓫꓸ ꓡꓰ ꓓꓰꓽ ꓔꓬ ꓥ ꓟꓲ Facebook ꓐꓰ Twitter ꓐꓴ ꓠ ꓠꓹ ꓟꓽ ꓫꓳ꓿ ꓖꓳ ꓟ ꓑꓶꓸ ꓓꓴ ꓣ-ꓫꓸ ꓗꓴꓷꓼ ꓗꓰ Facebook ꓐꓰ Twitter ꓣꓱꓽ ꓟꓽ ꓙꓲ ꓡꓰ ꓠꓹ ꓟ cyber war/ media wae ꓪꓴꓸ ꓔꓴ ꓔꓬ ꓡꓳ꓿
ꓣ-ꓫꓸ ꓗꓴꓷꓼ ꓙꓵꓽ ꓜꓴ ꓐꓴ Facebook ꓗꓪ ꓐꓰ ꓒꓴ ꓧꓪ ꓚꓱꓹ ꓮ ꓙꓵꓽ ꓑꓲꓸ ꓞꓲꓽ ꓗꓷꓳ꓿ ꓖꓳ ꓟ ꓗꓰ ꓐꓰ ꓣ-ꓫꓸ ꓥ ꓟꓲ Facebook ꓔꓯ ꓗꓴꓷꓼ ꓘꓴꓽ ꓗꓪ ꓣꓱꓽ ꓟꓽ ꓙꓲ ꓠꓹ ꓟ ꓗꓽ ꓡ ꓔꓬ ꓡꓳ꓿
ꓣ-ꓫ ꓟꓵꓽ ꓗꓪ Facebook ꓣꓱꓽ ꓢꓴ ꓟꓬꓽ ꓠꓬꓲ ꓠꓬ꓾ ꓣ-ꓫꓸ ꓡꓰ ꓬꓴ-ꓗ-ꓣꓲꓸ ꓔꓯ ꓟꓵꓽ ꓦꓴ ꓔꓬ ꓟ ꓔꓯ ꓠꓲꓹ ꓟ ꓟꓽ ꓪ ꓢꓴ ꓙꓳ ꓡꓳ꓿ ꓗꓴꓷꓼ ꓘꓴꓽ ꓗꓪ ꓑꓴ-ꓔꓲ ꓔꓯ ꓒꓳꓹ ꓔꓳꓹ ꓢꓴ ꓓꓳ ꓡ ꓔꓬ ꓡꓳ꓿
ꓣ-ꓫꓸ ꓗꓴꓷꓼ ꓗꓪ ꓥ ꓟꓲ ꓕꓱ ꓡꓱꓳ ꓫꓵꓽ ꓓꓶꓽ ꓡꓯ ꓘꓳ ꓔꓯ ꓟꓳꓸ ꓮ ꓘꓶꓸ ꓢꓷꓸ ꓢꓴ ꓔꓬ ꓟ ꓡꓰ ꓐꓰ꓾ ꓴꓢꓮ ꓗꓪ ꓥ ꓟꓲ ꓙꓼ ꓪꓴꓸ ꓠꓷꓸ ꓢꓷ ꓠꓲꓹ ꓮ ꓘꓶꓸ ꓗꓴꓸ ꓢꓴ ꓙꓳˍ ꓡꓳ꓿ ꓕꓱ ꓕꓲ ꓜꓴ ꓙꓼ ꓪꓴꓸ ꓠꓷꓸ ꓔꓯ ꓟꓳꓸ ꓓꓶꓽ ꓡꓯ ꓘꓳ ꓡ ꓟ ꓗꓪ ꓐꓰ ꓙꓼ ꓪꓴꓸ ꓠꓷꓸ ꓝꓸ ꓡꓯ ꓘꓳ ꓚꓱꓹ꓾ websites, banking ꓒꓴ ꓞꓳ ꓦꓲ ꓗꓪ ꓒꓴ ꓓꓵꓽ/ꓓꓳ ꓚꓱꓹ ꓮ ꓙꓵ ꓮꓽ ꓖꓪꓽ ꓓꓽ ꓟꓬꓱꓽ ꓬꓰ ꓟꓽ ꓙꓲ ꓗꓷ ꓡ ꓟ ꓔꓯ ꓙ ꓫꓸ ꓔꓬ ꓡꓳ꓿
ꓟꓬ ꓢꓶꓽ ꓡꓰ ꓟꓳ ꓓˍ ꓟ ꓐꓳꓽ ꓐꓰ ꓡ ꓛꓴꓸ ꓗꓪ ꓐꓰ ꓓꓶꓽ ꓡꓯ ꓘꓳ ꓟ ꓕꓲ ꓔꓱꓹ꓾ ꓙꓼ ꓢꓷꓸ ꓠꓲꓹ ꓗꓪ ꓐꓰ ꓓꓶꓽ ꓡꓯ ꓘꓳ ꓟ ꓕꓲ ꓔꓱꓹ ꓮ ꓘꓶꓸ ꓔꓯꓺ ꓡꓯ ꓘꓳ꓾ ꓢꓰꓼ ꓡꓯ ꓘꓳ ꓔꓬ ꓡꓳ꓿
