ꓟꓬ-ꓟ ꓟꓯꓼ ꓜꓲꓽ ꓡꓰ ꓘꓴ ꓩꓴ ꓡˍ ꓟ ꓜꓲꓼ ꓓꓴ ꓗꓪ ꓗꓠꓴ ꓠꓬ ꓟꓽ ꓜꓲꓼ ꓐ ꓡ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 9 ꓠꓬꓲ ꓕꓯꓽ ꓕꓳ ꓶ ꓡꓽ ꓩꓴ ꓡ ꓡꓳ꓿
ꓕꓳ ꓶ ꓗꓪ ꓬꓲꓸ ꓝꓲꓸ ꓓꓽ ꓟ (7) ꓝꓲꓸ ꓐꓳ ꓔꓸ ꓡꓳ꓿
ꓬꓲꓸ ꓝꓲꓸ ꓓꓽ ꓟ ꓠꓬ “ꓜꓲꓼ ꓠ ꓗꓹ ꓢꓴ ꓮ ꓙꓵꓽ ꓔꓯ ꓘꓴ ꓔꓸ ꓟ ꓟꓽ ꓥ ꓠꓬꓲ” ꓜꓲꓼ ꓟꓽ ꓐ ꓡ ꓐꓯ ꓔꓸ ꓡꓳ꓿
ꓝꓮꓲ ꓟꓬ-ꓟ ꓟꓯꓼ ꓠꓬ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓐꓰ ꓓꓳ ꓙꓰ ꓠ ꓗ ꓡꓳ꓾ ꓐꓰ ꓐꓯ ꓔꓸ ꓡꓳ꓿
ꓑꓳꓺ ꓔꓯꓹ ꓟꓯꓼ ꓗꓪ ꓐꓰ ꓗꓲꓳ꓾ ꓗꓠꓑꓑ꓾ ꓚꓠꓝ꓾ ꓮꓐꓢꓓꓝ꓾ ꓗꓠꓴ ꓕꓱ ꓟꓬ ꓠꓬ ꓟꓽ ꓜꓲꓼ ꓐꓯ ꓢꓲꓸ ꓕꓳ ꓶ ꓓꓳ ꓩꓴ ꓡ ꓢꓲ꓾ ꓠꓱꓸ ꓐꓯꓼ (5) ꓜꓴ ꓠꓬ ꓜꓲꓼ ꓬꓰ ꓓꓴ ꓥꓳ ꓐꓰ ꓓꓳꓽ ꓓꓳ ꓔꓬ ꓡꓳ꓿
ꓗꓠꓴ ꓠꓬ ꓟꓬ-ꓟ ꓗꓴꓷꓼ ꓗꓪ ꓫꓵꓽ ꓪꓳꓼ ꓡꓳ ꓚꓺ ꓑꓳꓺ ꓔꓯꓹ ꓟꓯꓼ ꓬꓲꓸ ꓪꓴꓸ ꓕꓲ ꓜꓴ ꓥ ꓢꓲ꓾ ꓮ ꓘꓶꓸ ꓢꓯꓼ ꓙꓳ ꓪꓽ ꓠꓬꓲˍ ꓟ ꓕꓲ ꓜꓴ꓾ ꓧꓶꓸ ꓕꓯꓽ ꓧꓪꓽ ꓒꓴ ꓡꓰ ꓟꓯꓼ ꓤꓹ ꓖꓶꓽ ꓔꓸ ꓟ ꓬꓲꓸ ꓡꓲꓽ ꓬꓲꓸ ꓒꓰꓼ ꓙꓳˍ ꓟ ꓟꓯꓼ ꓥ ꓡꓳ꓿
