ꓟꓬ-ꓟ ꓗꓴꓷꓼ ꓗꓪ ꓢꓲ ꓡꓲꓹ ꓟ ꓙꓳ ꓡ ꓠꓹ ꓟ ꓖꓪ ꓙꓱ ꓡꓯ ꓘꓳ ꓡꓯ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰꓽ ꓘꓴ ꓩꓴ ꓡ ꓟ ꓔꓯ ꓗ-ꓬꓲ-ꓠꓲ ꓞꓳ ꓫꓵꓽ ꓪꓴꓽ ꓟꓴ ꓡˍ ꓟ ꓑ-ꓔꓲ (ꓗꓠꓑꓑ) ꓔꓺ ꓠꓲꓹ ꓟꓽ ꓫꓵ ꓐꓰ 2022 ꓘꓳꓼ 5 ꓦ 5 ꓠꓬꓲ ꓕꓯꓽ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓢꓲ ꓡꓲꓹ ꓠꓲꓹ ꓫꓵˍ ꓟ ꓠꓲꓹ ꓟ ꓗꓪ ꓐꓰ ꓘꓴˍ ꓟ ꓟꓽ ꓥ ꓟˍ ꓐꓰ ꓜꓲꓼ ꓙꓲꓽ ꓙꓳ ꓢꓴ ꓮ ꓙꓵꓽ ꓔꓯ ꓟꓽ ꓘꓴ ꓔꓸ ꓠꓬꓲ ꓬꓲꓸ ꓟꓸ ꓟꓲꓽ ꓟꓽ ꓙꓳ꓾ ꓐꓯ ꓡꓳ꓿
ꓝꓮꓲ ꓓꓰꓽ ꓘꓶ (3) ꓘꓶꓽ ꓔꓺ ꓩꓴ ꓡ ꓓꓴ ꓟ ꓠꓽ ꓠꓰ꓾ (1) ꓑ ꓫꓬ ꓔꓯ ꓟꓯꓼ ꓢꓰꓼ ꓡ ꓔꓬ ꓟ ꓠꓽ ꓩꓴ (2) ꓟꓯꓼ ꓛꓰꓹ ꓐꓴ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓐꓰ ꓬꓰ ꓙ ꓠꓲꓹ ꓫꓵ ꓢꓴ ꓗꓴꓷꓼ ꓐꓰ ꓠꓲꓹ ꓫꓵ ꓫꓵ ꓬꓰ ꓙ ꓝ꓿ (3) ꓟꓽ ꓜꓳꓽ ꓟꓽ ꓔꓱꓹ ꓢꓰꓼ ꓢꓴ ꓐꓴ ꓔꓯ ꓐꓯ ꓟꓴ ꓕꓲꓺ ꓗꓪ ꓚꓲꓸ ꓚ ꓢꓲꓸ ꓝꓴꓲꓸ ꓖꓶꓽ꓾ ꓐꓯ ꓡꓳ꓿
ꓗꓲꓳ ꓥ ꓟꓲ ꓖꓪ ꓙꓱ ꓜꓲꓼ ꓓꓴ ꓔꓺ ꓟꓽ ꓐ ꓡ ꓐꓰ ꓐꓯ ꓡꓽ ꓔꓸ ꓡꓳ꓿
