ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓬꓲꓸ ꓔꓯ ꓒꓳꓹ ꓔꓳꓹ ꓢꓴ 11 ꓣꓳ ꓔꓯ “ꓠꓬꓲꓸ ꓠꓬꓲ ꓗꓪ ꓐꓰ ꓟꓬ-ꓟ ꓗꓴꓷꓼ ꓡ ꓞꓳ ꓟꓽ ꓥꓻꓳ” ꓐꓰ 2022 ꓘꓳꓼ 3 ꓦ 4 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓖꓳ 11 ꓣꓳ ꓗꓪ ꓠꓬ ꓠꓴꓖ ꓗꓪ ꓟꓬꓱꓽ ꓟꓯꓻ ꓢꓴ ꓐꓴ ꓐꓰ꓾ ꓕꓳ ꓶ ꓐꓳ ꓟ ꓑ-ꓢꓯ-ꓡꓳ ꓥ ꓟꓲ ꓕꓱꓹ ꓞ ꓡꓳ꓿
1982 ꓘꓳꓼ ꓗꓴꓷꓼ ꓡ ꓞꓳ ꓥˍ ꓟ ꓙꓵꓽ ꓗ ꓠ ꓐꓼ 67꓾ ꓬꓲꓸ ꓤꓽ ꓠꓼ ꓐꓼ 16 ꓡꓳ ꓚ ꓬꓲꓸ ꓪ 11 ꓣꓳ ꓔꓯ ꓠꓬ ꓮ ꓟꓶ ꓖꓳ ꓑꓳꓸ ꓟꓬ-ꓟ ꓗꓴꓷꓼ ꓡ ꓞꓳ ꓗꓪ ꓐꓰ ꓠꓽ ꓩꓴ ꓗꓷꓳ ꓐꓰ ꓐꓳ ꓔꓸ ꓡꓳ꓿
ꓖꓳ ꓡꓱ ꓥ ꓟꓲ ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ ꓑ ꓫꓬ ꓡꓰ ꓢꓲꓻ ꓔꓸ ꓟ ꓡ ꓗꓴꓷꓼ ꓙꓵꓽ ꓜꓴ ꓟꓽ ꓥ ꓠꓬꓲ ꓕꓱ ꓡꓱ ꓬꓰ ꓓꓴ ꓙꓵꓽ ꓪ ꓟꓽ ꓙꓳ ꓐꓰ ꓠꓴꓖ ꓗꓪ ꓟ ꓡ ꓞꓳ ꓶꓽ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ ꓳꓸ-ꓮꓳ-ꓟꓬꓳꓹ-ꓟꓰꓹ ꓡꓰ ꓐꓯ ꓡꓳ꓿
“ꓟꓯꓼ ꓗꓳ-ꓢꓰ ꓠꓬ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓜꓴ ꓥ ꓠꓬꓲ꓾ ꓬꓲꓸ ꓕꓵꓼ ꓪ ꓠꓬ ꓬꓲꓸ ꓡꓲꓽ ꓟꓽ ꓙꓳ꓿ ꓙꓵꓽ ꓗ ꓔꓯ ꓧꓳꓹ ꓡꓰ ꓚꓰꓼ ꓡꓲꓸ ꓥꓪ ꓠꓴ ꓗꓴꓷꓼ ꓔꓯ ꓠꓲꓹ ꓠꓵ ꓟ ꓠꓲꓹ ꓟ ꓔꓯ ꓮ ꓡꓲ ꓥ ꓟꓲ ꓬꓲꓸ ꓪ ꓗꓽ ꓔꓸ ꓟꓽ ꓐ ꓡ꓿ ꓬꓲꓸ ꓪ ꓡꓰ ꓡꓯꓼ ꓜꓱꓽ ꓕꓲ ꓬꓰ ꓔꓸ ꓟ ꓙꓵꓽ ꓗ ꓠ ꓐꓼ 16 ꓠꓬ ꓮ ꓟꓶ ꓥꓪ ꓠꓴ ꓒꓬꓱꓼ ꓔꓬ ꓟ ꓔꓯ ꓟꓽ ꓧꓳꓹ꓿ ꓥꓪ ꓠꓴ ꓠꓬ ꓗꓴꓷꓼ ꓗꓪ ꓐꓰ ꓟꓽ ꓡ ꓡ ꓓꓴ ꓕꓲ ꓙꓪꓺꓼ ꓚꓲꓸ ꓓꓳ ꓙꓰˍ ꓟ ꓟꓽ ꓥ꓿ ꓠꓲꓹ ꓞ ꓡꓽ ꓡ ꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓥꓳ꓿ အကြမ်းဖက် စစ်ကောင်စီအဖွဲ့ဟာ အစိုးရမဟုတ်တဲ့အတွကွ သူတို့ထုတ်ပြန်တဲ့ “နိုင်ငံသားဖြစ်မှုက ရပ်စဲခြင်း” ဆိုတာ တရားမဝင်ပါဘူး။ တရားဝင်ခဲ့မယ်ဆိုရင်တောင် နိုင်ငံကိုချစ်တဲ့စိတ်ကို ဘယ်လိုနည်းနဲ့မှ ဟန့်တားနိုင်မှာမဟုတ်ပါဘူး။
ကိုးကားထားတဲ့ ပုဒ်မ ၁၆ ဆိုတာနဲ့လဲ မကိုက်ညီပါဘူး။ အပြီးအပိုင်ထွက်ခွာသွားကြတာ မဟုတ်ပါ၊ အမြန်ဆုံးပြန်လာနိုင်အောင် ကြိုးပမ်းလုပ်ဆောင်လျက်ပါ။” ꓐꓰ ꓡꓯꓽ ꓔꓯꓽ ꓔꓸ ꓡꓳ꓿
