ꓟꓵꓽ ꓗꓳ ꓓꓵ ꓓꓵ ꓑꓰꓹ ꓡꓴꓸ ꓡꓯꓼ ꓫꓴ ꓓꓽ ꓟ ꓐꓱ ꓶ ꓑꓰꓹ ꓤꓹ ꓠꓬꓲ ꓔꓬ ꓟ ꓗꓪ꓾ ꓙ-ꓑ ꓗꓴꓷꓼ꓾ ꓳ-ꓢ-ꓗ ꓡꓳ ꓒꓱ ꓗꓪ ꓟꓬ-ꓟ ꓑꓰꓹ ꓡꓴꓸ ꓑꓰꓹ ꓜꓴ ꓐꓴ ꓗ-ꓙꓲ-ꓢꓲ-ꓔ ꓔꓯ 1-8 ꓖꓳꓹ ꓫꓴꓸ ꓡꓰꓳ=
ꓑꓰꓹ ꓔꓯꓺ ꓡꓯ ꓘꓳ ꓟ ꓬꓲꓸ ꓪꓴꓸ ꓕꓲ ꓙꓵꓹ 24 ꓧꓶ ꓗꓪ ꓟꓬ-ꓟ ꓑꓰꓹ ꓡꓴꓸ ꓑꓰꓹ ꓒꓽ ꓬ-ꓠ-ꓳꓸ ꓔꓯ ꓓꓳ ꓡꓰ ꓠꓹ ꓟ ꓝꓴꓲꓸ ꓖꓶ ꓟꓶ ꓡꓰ ꓠꓬꓲ ꓟꓬ-ꓟ ꓕꓲ ꓛꓱꓽ ꓗꓪ ꓐꓰ 10 ꓣꓳ ꓡꓰ ꓡꓳ ꓖꓪ ꓠ ꓗꓷ ꓡꓰ ꓟ ꓥꓳ=
ꓟꓬ-ꓟ ꓗꓴꓷꓼ ꓑꓰꓹ ꓡꓴꓸ ꓑꓰꓹ ꓒꓽ ꓡꓮꓲ-ꓐꓳ-ꓐꓳ ꓡꓰ 69 ꓧꓶ ꓟ ꓗꓪ 1 ꓖꓳꓹ ꓑꓰꓹ ꓗꓶ ꓩꓴ ꓡ ꓠꓬꓲ꓾ 8 ꓖꓳꓹ – 1 ꓖꓳꓹ ꓗꓷ ꓡꓰ ꓟ ꓥꓳ=
ꓟꓬ-ꓟ ꓗꓴꓷꓼ ꓟꓯꓼ ꓐꓴ ꓡꓰ ꓑ ꓫꓬ ꓙꓵꓽ ꓪ ꓦꓴ ꓔꓯꓹ ꓙꓰ ꓟ ꓑꓶꓸ ꓮ ꓫꓵꓽ ꓟꓬꓱꓽ ꓬꓰ ꓢꓴ ꓥ ꓟꓲ ꓗꓸ ꓟꓽ ꓘꓳꓽ꓾ ꓮ ꓒꓳ ꓒꓳ ꓗꓪ ꓠꓲꓹ ꓡꓱ ꓓꓴ ꓟꓽ ꓙꓳ ꓗꓷ ꓡꓰꓳ=
