ꓑꓴ-ꓔ-ꓳ ꓟꓵ꓾ ꓠꓟ-ꓕꓶ-ꓘꓴ (2) ꓢꓴ ꓞꓳ ꓔꓲ ꓟꓬꓱꓽ ꓙ ꓐꓳ-ꓬꓯꓼ ꓠꓬ 2021 ꓘꓳꓼ 9 ꓦ 2 ꓠꓬꓲ ꓟꓳꓼ ꓡꓳ 11:55 ꓙꓵꓹ ꓕꓯ ꓢꓲꓺ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰꓳ꓿
ꓬꓲ ꓠꓬ ꓘꓴ ꓜꓲꓼ ꓞꓳ ꓗꓪ ꓐ ꓡ ꓟ ꓕꓲ ꓒꓳꓹ ꓗꓪ ꓐꓰ ꓦ ꓡꓱ ꓐꓳ ꓐꓳ ꓣꓱꓽ ꓙ ꓢꓴ꓾ ꓝꓮꓲ ꓧꓳ ꓓꓶꓽ ꓒꓽ꓾ ꓮꓸ ꓕꓽ ꓓꓶꓽ ꓒ ꓓ꓾ ꓦꓲ ꓫꓬꓹ ꓒꓽ ꓓꓽ ꓟ ꓥ ꓡꓳ꓿
ꓬꓲ ꓔꓯ 1932 ꓘꓳꓼ 9 ꓦ 8 ꓠꓬꓲ ꓕꓯ ꓦꓵ ꓔ ꓠꓬꓲ꓾ ꓬꓲ ꓞꓲꓼ 89 ꓘꓳꓼ ꓗꓪ ꓛꓲ ꓟꓲ ꓠꓯ ꓗꓪ ꓢꓯꓸ ꓔꓬ ꓗꓷꓳ꓿
ꓬꓲꓸ ꓤꓽ ꓟꓸ ꓒ ꓥꓪ-ꓢꓯꓸ ꓡꓰ ꓐꓳ ꓔꓸ ꓟ ꓬꓲꓸ ꓚꓺ ꓟꓲꓽ ꓠꓬ꓾ ꓕꓱ ꓡꓱ ꓥꓳ=
ꓟꓬꓱ: ꓙ ꓐꓳ-ꓬꓯꓼ ꓠꓬ 8•9•1932 ꓕꓯ ꓘꓳ-ꓐꓴ-ꓓꓯꓹ ꓟꓵ: ꓘ-ꓟꓶ-ꓡꓳ ꓗꓪ꓾ꓮ-ꓐ ꓧꓶ-ꓐꓶ ꓐꓰ ꓮ-ꓟ ꓠꓳ-ꓟ-ꓝꓶ ꓐꓴ ꓗꓪ ꓐꓰ ꓦꓵ ꓔ.ꓟ ꓥˍꓡꓳ=ꓕꓲ ꓠꓱ ꓮ ꓙꓵ 5 ꓣꓳ ꓙꓳˍꓡꓳ=1.ꓐꓳ-ꓬꓯꓼ 2.ꓫꓳ-ꓬꓯꓼ 3.ꓬꓲ-ꓡꓲ-ꓬ. 4.ꓬꓲ-ꓡꓲ-ꓓꓲ 5.ꓠꓬꓲ ꓟ ꓕꓲ:-ꓐꓲ-ꓕ: ꓐꓴ ꓥˍꓡꓳ= 1951 ꓘꓳꓼ ꓕꓯ ꓡꓯ-ꓟꓯ-ꓓꓳ: ꓟꓵ: ꓗꓪ ꓐꓰ ꓖ-ꓟꓶ-ꓓꓲ ꓟꓵ: ꓡꓲ:-ꓚꓰ.-ꓡꓳ ꓗꓪ ꓛꓲ 15 ꓠꓬꓲ ꓡꓱꓸꓼ ꓙ ꓖꓴ ꓫꓱ: ꓢꓲ. ꓫꓶ.ꓡ ꓟ ꓥꓳ=
1952 ꓘꓳꓼ ꓗꓪ ꓠꓬ ꓠꓟ-ꓫꓬ-ꓫꓵ.-ꓓꓲ ꓗꓪ ꓚꓲ.ꓛꓲˍꓡꓰꓳ=1958 ꓘꓳꓼ ꓗꓪ ꓛꓲ ꓡ ꓠꓬ ꓟ.-ꓒ ꓠ-ꓕ-ꓠꓲ ꓡꓯ ꓒꓯꓹ ꓗꓪ ꓥꓪ ꓔꓯ ꓥˍꓟꓲ ꓪ:-ꓧꓳ: ꓒ: ꓬꓰ ꓠꓹ ꓟ ꓢꓲꓺꓡ ꓢꓲ. ꓖꓳ ꓕꓲ ꓠꓬꓲ ꓗꓪ ꓐꓰ ꓪꓴ-ꓢ ꓟꓬꓱ ꓗꓪ ꓢꓯꓼꓕꓵꓼ ꓔ ꓙ ꓪ ꓡꓰꓳ=
15.2.1960 ꓠꓬꓲ ꓕꓯ ꓟ.ꓒ ꓓ-ꓪꓵ ꓬꓲ.ꓤꓼ ꓟꓶꓼ ꓫꓳꓹ-ꓟ-ꓬꓯꓼ ꓐꓰ ꓪꓴ-ꓢ ꓟꓲ: ꓙꓬ ꓗꓪ ꓶ ꓥꓳ: ꓙꓱˍꓟ ꓟꓶ ꓗꓷꓳ= 25.12.1965 ꓘꓳꓼ ꓗꓪ ꓠꓬ ꓠꓟ-ꓕꓷ-ꓘꓴ. ꓗꓪ ꓚꓲ.ꓛꓲ ꓡꓰꓳ=1
967 ꓗꓪ ꓐꓰ 2014 (47) ꓘꓳꓼ ꓗꓪ ꓛꓲ ꓟꓬꓱ: ꓙ ꓟꓬꓱ: ꓬꓰ ꓗꓷˍꓡꓳ=ꓪ ꓘꓴ ꓦꓲ꓾ ꓟ. ꓢꓴ ꓦꓲ꓾ꓢꓷ.ꓠꓲꓹ ꓙꓳꓥ: ꓦꓲ꓾ꓬꓳꓹ ꓦꓲ꓾ꓐꓳ ꓓ ꓦꓲ ꓫꓬꓹ ꓟ꓾ꓙ ꓖꓴ ꓓꓶ ꓟꓬꓱ: ꓗꓪˍꓟꓲ ꓮ ꓟꓬꓹ ꓖ ꓗꓪ ꓔ..ꓪ ꓡꓰ ꓢꓲ.ꓧꓳ: ꓢꓴˍꓟꓲ ꓬꓰ ꓗꓷꓳ= ꓬꓲ. ꓬꓰ ꓗꓷˍꓟ ꓟꓬꓱ: ꓠꓬ꓾ 1. ꓪ:-ꓧꓳ:꓾2. ꓟꓬꓱ-ꓙ꓾ 3. ꓞꓲ-ꓦꓲ-ꓐꓯ:-ꓢꓯ:꓾ 4. ꓙꓳꓥ:-ꓗꓳ-ꓟꓲ-ꓔꓲ꓾ 5. ꓞꓳ-ꓘꓹ-ꓡꓳ.-ꓢꓴ꓾ ꓕꓱ ꓟꓬ ꓫꓵ:ꓥˍꓡꓳ=
ꓬꓲ. ꓪ ꓠꓬꓲ:ꓫꓵ. ꓔꓯ ꓪꓴ-ꓢ ꓖꓶ:ˍꓟ ꓤ ꓠꓱ ꓐꓴ ꓠꓬ 9 ꓣꓳ ꓙꓳ ꓢꓲ. 3 ꓣꓳ ꓠꓬ ꓧꓪ: ꓖꓳ ꓓꓱ: ꓡꓳꓹ ꓙꓰꓳ= 1. ꓤ ꓠꓱ ꓐꓴ ꓠꓬ 6 ꓣꓳ 2. ꓡꓲ.ꓑ.ꓐꓴ ꓠꓬ 31 ꓣꓳ 3. ꓡꓲ.ꓒꓲ: ꓐꓴ ꓠꓬ 9 ꓣꓳ ꓡꓲ.ꓑ.ꓐꓰ ꓡꓲ.ꓒꓲ: ꓐꓴ ꓮ ꓙꓵ ꓠꓬ 40 ꓣꓳ ꓙꓳˍꓡꓳ=
2021 ꓘꓳꓼ 7 ꓦ ꓗꓪ ꓐꓰ ꓧꓪ ꓖꓳ ꓓꓱ ꓢꓯꓼ ꓐ: ꓓꓴ ꓙꓳ ꓢꓲ.ꓠꓯꓻꓞꓲꓼ ꓦꓲ ꓗꓪ ꓠ ꓫꓬꓹꓟ ꓬꓰ ꓥˍꓟꓲ ꓪꓴ-ꓢ ꓡꓰ ꓘꓴ ꓡˍꓟ ꓦꓬꓼꓠꓬꓲ ꓛꓲˍꓠꓬꓲ꓾2.9.2021 ꓘꓳꓼ ꓟꓳꓼ ꓡꓳ 10:55 ꓙꓵꓹ ꓠ: ꓡꓲ. ꓠꓬꓲ ꓕꓯ ꓢꓲꓺꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰꓳ= ꓬꓲ. ꓘꓳꓼ 89 ꓘꓳꓼ 8.9.1932–2.9.2021 ꓐꓳ ꓢꓴ꓾ ꓬꓲ. ꓤ: ꓥꓪ.-ꓢꓯ.
