ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰ ꓑ ꓫꓬ ꓙꓵꓽ ꓪ ꓦꓴ ꓣꓴ ꓔꓸ ꓟ ꓦ ꓐ 9 ꓟ ꓐꓲ ꓡ ꓟ ꓕꓲ ꓠꓬꓲ 2021 ꓘꓳꓼ 11 ꓦ 1 ꓠꓬꓲ ꓗꓪ ꓜ ꓜꓽ ꓓꓴ ꓟ ꓞꓰ ꓩꓴ꓾ ꓧꓪꓽ ꓐꓰ ꓳ ꓒꓬ ꓳ ꓟꓲ ꓬꓲꓸ ꓐꓶꓹ ꓜꓽ ꓓꓴ ꓬꓰ ꓐꓰ꓾ ꓢꓯꓼ ꓖꓶ ꓩꓴ ꓡ ꓡꓳ꓿
“ꓮ ꓒꓵ ꓮ ꓑ ꓦꓬꓼ ꓠꓬꓲ ꓗꓪ ꓐꓰ ꓜꓽ ꓡ ꓟ ꓜꓻ ꓔꓯ ꓦꓰꓼ ꓟ ꓒ ꓐꓳ ꓜꓽ ꓫꓶꓹ ꓚꓽ ꓡ ꓟ ꓡꓰ ꓐꓰ ꓮ ꓟꓶ ꓗꓪ ꓛꓲ ꓜꓽ ꓔꓬ ꓟ ꓥꓳ꓿ ꓖꓳ ꓡꓱ ꓥ ꓟꓲ ꓧꓪ ꓖꓳ ꓓꓱꓽ ꓧꓪꓸ ꓢꓯꓼ ꓐꓱ ꓶ ꓣꓱ ꓬꓯꓼ ꓟ ꓮ ꓙꓵꓽ ꓜꓻ ꓗꓪ ꓐꓰ ꓖꓶꓽ ꓟꓽ ꓐ ꓡ ꓠꓬꓲ꓾ ꓧꓪꓽ ꓐꓰ ꓢꓲꓹ ꓢꓶ ꓡꓳ ꓢꓶ꓾ ꓳ ꓒꓬ ꓳ ꓟꓲ ꓮ ꓟꓬꓹ ꓜꓽ ꓔꓺ ꓠ ꓗ ꓡꓳ” ꓐꓰ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓡ ꓞꓳ 3 ꓩꓴꓸ 2 ꓩꓴꓸ ꓛꓲ ꓠꓬ ꓮ ꓘꓶꓸ ꓫꓸ ꓢꓴ ꓥ ꓢꓲ꓾ ꓜꓻ ꓐꓰ ꓥꓪꓸ ꓑꓲꓸ ꓛꓵꓽ ꓫꓳꓹ꓾ ꓡꓹ ꓜꓶꓼ ꓘꓳꓼ ꓢꓲꓸ ꓦꓬꓼ ꓠꓬꓲ ꓗꓳꓸ ꓔꓬ ꓢꓴ ꓐꓴ ꓥ ꓡꓳ꓿
