ꓬꓥ-ꓖꓳꓥ ꓗꓪ ꓚꓳꓦꓲꓓ-19 ꓠꓻ ꓔꓬ ꓟ ꓓꓣꓸ ꓡ-ꓢ-ꓣꓴ ꓐꓰ ꓬꓚꓚꓢ ꓟꓸ ꓒ ꓟꓸ ꓟ ꓐꓰ ꓙꓳꓥꓽ ꓟꓽ ꓐꓴ ꓮ ꓔꓲꓸ ꓓ ꓡ ꓔꓬ ꓡꓳ ꓐꓰ ꓓꓳꓽ ꓜꓳ ꓡ ꓡꓳ=
“ꓪ ꓘꓴ ꓙ ꓟ ꓐꓰ꓾ ꓬꓰ ꓙ ꓔꓳꓹ ꓙ ꓡ ꓟ ꓔꓯ ꓮ ꓘꓶꓸ ꓫꓸ ꓟꓳ= ꓮ ꓟꓶ ꓠꓬ ꓮ ꓔꓲꓸ ꓓ ꓡ ꓔꓬ ꓪ= ꓖꓳ ꓡꓱ ꓥ ꓟꓲ ꓳꓫꓬꓖꓰꓠ ꓔꓯ 24 ꓙꓵꓹ ꓦ ꓔꓬ ꓠ ꓔꓸ ꓢꓰ ꓡꓳ” ꓐꓰ ꓟꓸ ꓟ ꓮ-ꓛ ꓡꓰ ꓐꓯ ꓡꓳ=
ꓬꓥ-ꓖꓳꓥ ꓗꓪ ꓚꓳꓦꓲꓓ-19 ꓠꓻ ꓓꓱꓽ ꓜꓳꓻ ꓡꓰ ꓢꓴ ꓮ ꓟꓬꓹ ꓙꓳ ꓟ ꓗꓪ ꓬꓚꓚ ꓢꓳ ꓦꓲ ꓙꓵꓽ ꓢꓴ ꓟꓸ ꓒ ꓓ ꓟ ꓓꓣꓸ ꓡ-ꓢ-ꓣꓴ꓾ ꓟꓸ ꓒ ꓮ-ꓡꓯ-ꓐꓳ꓾ ꓞꓳ ꓔꓲ ꓮ-ꓒꓲ-ꓢꓯꓸ꓾ ꓞꓳ ꓔꓲ ꓟ ꓠ-ꓟ-ꓠꓴꓽ ꓐꓴ ꓠꓬ ꓳꓫꓬꓖꓰꓠ ꓢꓯꓼ 24 ꓙꓵꓹ ꓦ ꓔꓬ ꓠ ꓗꓪ ꓛꓲ ꓗꓷ ꓡꓰ ꓟ ꓥ ꓡꓳ= ꓠꓱꓸ ꓐꓯꓼ ꓮ ꓘꓶꓸ ꓟꓽ ꓬꓼ ꓢꓴ ꓢꓳ ꓒꓽ ꓢꓳ ꓟ ꓐꓰ ꓙꓳꓥꓽ ꓗꓪ ꓟꓬꓱꓽ ꓬꓰ ꓢꓴ ꓙꓳ ꓢꓰꓽ ꓡꓳ=
“ꓙꓬ ꓟꓶ ꓙꓴꓽ ꓢꓲꓸ ꓬꓲꓸ ꓝꓲꓸ ꓬꓲꓸ ꓟꓲ ꓘꓳꓼ ꓠꓻ ꓠꓲ꓾ ꓬꓲꓸ ꓟꓶꓽ ꓗꓪ ꓠꓽ ꓝꓲꓸ ꓢꓲꓸ ꓫꓵꓽ (ꓢꓲꓽ) ꓓꓳ ꓡ ꓗꓪ ꓛꓲ ꓗꓷ ꓡꓰ ꓥ ꓟꓲ ꓮ ꓟꓶ ꓮ ꓔꓲꓸ ꓙꓬꓽ ꓡꓻꓳ= ꓪꓴ-ꓢ ꓔꓯ ꓫꓸ ꓟꓳ” ꓐꓰ ꓬꓚꓚꓢ ꓙꓳꓥꓽ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓸ ꓟ ꓓ-ꓟ-ꓦ ꓡꓰ ꓐꓯ ꓡꓳ= ꓬꓲꓸ ꓠꓬ ꓦꓲ ꓗꓪ ꓠꓻ ꓫꓬꓹ ꓔꓬ ꓟ ꓥ ꓡꓳ=
