2021 ꓘꓳꓼ 11 ꓦ 27 ꓠꓬꓲ ꓟꓶ ꓘꓶꓼ 4:30 ꓗꓪ ꓐꓰ ꓪꓴꓸ ꓔꓴ ꓢꓲ꓾ 9 ꓧꓪꓹ ꓕꓲ ꓧꓪꓹ ꓟ ꓕ-ꓔ-ꓡ ꓡꓳ ꓒꓱ ꓮ ꓔꓳꓸ ꓙꓬ ꓡ ꓟ ꓑꓶꓸ ꓓꓴ ꓢꓲꓽ ꓫꓬ ꓢꓴ ꓠꓲ-ꓗꓳ-ꓡ ꓗ-ꓔꓳ-ꓡꓲꓼ ꓪ ꓘꓴ ꓦꓲ ꓐꓰ꓾ ꓠꓱꓸ ꓐꓯꓼ ꓦꓲ ꓮ ꓟꓬꓹ ꓔꓯ ꓮ ꓔꓳꓸ ꓙꓬ ꓔꓬ ꓡꓳ꓿
ꓪ ꓘꓴ ꓦꓲ ꓕꓱ ꓕꓲ ꓦꓲ ꓔꓺ ꓗꓷ ꓐꓬ꓾ ꓮ ꓟꓶ ꓗꓪ ꓛꓲ ꓕ-ꓔ-ꓡ ꓗꓪ ꓮ ꓔꓳꓸ ꓙꓬ ꓡꓰ ꓟ ꓙꓲ-ꓢꓴ ꓢꓲ ꓤ ꓪ ꓘꓴ ꓦꓲ 4 ꓦꓲ ꓙꓳ ꓬꓰꓳ꓿
ꓕ-ꓔ-ꓡ ꓡꓳ ꓒꓱ ꓗꓪ ꓮ ꓔꓳꓸ ꓙꓬ ꓡ ꓟ ꓠꓬ 2021 ꓘꓳꓼ 9 ꓦ 9 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓟ ꓥ ꓢꓲ꓾ ꓟꓬꓽ ꓠꓬꓲ ꓙꓬ ꓖꓪꓽ ꓡꓰ ꓟ ꓠꓬ꓾ 9 ꓦ 18 ꓠꓬꓲ ꓕꓯꓽ ꓪꓰ ꓤ ꓬꓲꓼ ꓔꓸ ꓦꓲ ꓕꓲ ꓦꓲ ꓐꓰ ꓠꓱꓸ ꓐꓯꓼ 18 ꓦꓲ (ꓖꓳ ꓕꓲ ꓧꓪꓹ ꓮ ꓔꓳꓸ ꓢꓰꓼ ꓙ ꓡ ꓟ ꓘꓴ ꓜꓲꓼ ꓞꓳ ꓟꓸ ꓒ ꓔꓯ ꓟꓯꓼ ꓡꓰ ꓐꓶ ꓢꓰꓼ ꓢꓲꓸ ꓬꓲꓸ ꓫꓵꓻ ꓡꓯꓼ ꓥꓰ ꓔꓴꓸ ꓓꓴ ꓣꓴ ꓠꓹ ꓟ ꓡꓯꓼ ꓥꓰ ꓓꓶ ꓞꓶꓽ ꓩꓴ ꓗꓷ ꓡꓳ)꓾ 10 ꓦ ꓘꓴꓽ ꓗꓪ ꓠꓬ ꓦꓲ 160 ꓦꓲ꓾ 11 ꓦ 24 ꓠꓬꓲ ꓗꓪ 49 ꓦꓲ ꓙꓬ ꓖꓪꓽ ꓬꓰ ꓟ ꓥ ꓡꓳ꓿
ꓕꓱ ꓡꓱ ꓮ ꓔꓳꓸ ꓙꓬ ꓡ ꓟ ꓬꓲꓸ ꓑꓶꓸ ꓔꓯ ꓠꓬ ꓟꓬ-ꓟ ꓟꓯꓼ ꓐꓴ ꓡꓰ ꓖꓽ ꓟꓶ ꓫꓵꓸ ꓫꓵꓸ ꓛꓴ ꓟ ꓥꓳ ꓐꓰ ꓖꓳ ꓗꓪ ꓠꓬꓹ ꓔꓲ ꓠꓬꓹ ꓡꓵꓺ ꓛꓰꓸ ꓒꓽ ꓐꓴ ꓡꓰ ꓐꓯ ꓔꓬ ꓥ ꓟꓲ꓾ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ꓾ ꓛꓰꓸ ꓒ ꓟꓯꓼ ꓐꓴ ꓚꓲ ꓛꓬ ꓦꓲ ꓚꓲ ꓛꓬ ꓛꓴꓺ ꓔꓬ ꓟ ꓥ ꓡꓳ ꓐꓰ ꓬꓲꓸ ꓔꓱꓹ ꓕꓲ ꓧꓸ ꓡꓯꓽ ꓔꓯꓽ ꓡꓽ ꓩꓴ ꓡ ꓡꓳ꓿
“ꓒꓵꓽ ꓟꓽ ꓓꓳˍ ꓟ ꓛꓰꓸ ꓟꓵꓽ ꓗꓪ ꓦꓲ ꓕꓲ ꓦꓲ ꓫꓹ ꓪ ꓓꓴ ꓠꓽ ꓟꓽ ꓢ꓿ ꓛꓰꓸ ꓒꓽ ꓠꓽ ꓚꓲ ꓛꓬ ꓦꓲ ꓔꓯ ꓮ ꓕꓽ ꓖꓶ ꓮ ꓔꓳꓸ ꓟꓽ ꓛꓴ ꓡ” ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓐꓯ ꓘꓶꓽ ꓔꓯ ꓓꓳ-ꓔ ꓢ-ꓢ ꓡꓰ ꓡꓯꓽ ꓔꓯꓽ ꓔ ꓡꓳ꓿
Photo – The Chin Journal
