ꓫꓬꓹ ꓓꓳ ꓕ ꓑꓳꓸ 20 ꓘꓳꓼ ꓛꓲ ꓙꓳ ꓡꓰˍ ꓟ ꓔꓶ-ꓠ ꓧꓳꓺ ꓓꓽ ꓖꓴꓽ ꓔꓯ ꓒꓬꓹ ꓩꓴ ꓢꓲꓸ ꓬꓲ ꓫꓵꓼ ꓕꓲ ꓧꓪꓹ ꓫꓬꓹ ꓠꓹ ꓟ ꓙ ꓖꓶ ꓔꓬ ꓡꓳ ꓐꓰ ꓓꓳꓽ ꓜꓳ ꓡ ꓡꓳ꓿
“ꓓꓽ ꓖꓴ ꓬꓲ ꓫꓵꓼ ꓫꓬꓹ ꓠꓹ ꓟ ꓐꓱ ꓶ ꓕꓲ ꓑꓹ ꓤꓼ ꓙꓰ ꓙꓰ ꓡꓽ ꓡꓽ ꓬꓰ ꓓꓴ ꓓꓽ ꓖꓴ ꓕꓲ ꓟ ꓜꓯ ꓔꓬ ꓡꓳ꓿ ꓟꓶ ꓤ ꓟꓽ ꓥ ꓕꓯ ꓬꓲꓸ ꓡꓵꓻ ꓟ ꓛꓬꓹ ꓩꓴ ꓢꓲꓸ ꓬꓲ ꓫꓵꓼ ꓫꓬꓹ ꓓꓴ ꓥꓳ” ꓐꓰ ꓓꓽ ꓖꓴ ꓫꓬꓹ ꓜꓴ (1) ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓬꓲ ꓫꓵꓼ ꓫꓬꓹ ꓓꓴ ꓥꓳ
ꓓꓽ ꓖꓴ ꓠꓬ ꓕ-ꓪ ꓡꓳ ꓗꓸ ꓓꓽ ꓖꓴꓽ ꓟꓽ ꓧꓳꓼ ꓫꓹ ꓓꓴ ꓥꓳ ꓐꓯ ꓡꓳ꓿ ꓓꓽ ꓖꓴ ꓕꓱ ꓟ ꓠꓬ ꓔꓶ-ꓠ꓾ ꓫꓵ-ꓐꓱ-ꓬ꓾ ꓠꓟ-ꓬꓳꓹ꓾ ꓑ-ꓢꓮꓳꓽ ꓗꓪ ꓛꓲ ꓙꓰ ꓟ ꓙ ꓖꓴ ꓗꓪ ꓙꓳ ꓟ꓾ ꓔꓶ-ꓠ ꓡꓳ ꓗꓸ ꓕꓯꓽ ꓢꓲ ꓗꓪ ꓗꓳꓺ ꓔꓸ ꓟ ꓥꓳ꓿
ꓓꓽ ꓖꓴ ꓠ ꓐꓼ ꓠꓬ꓾ 2/120꓾ ꓫꓵꓺ ꓔꓯ ꓢꓲ 942 ꓑꓯꓸ꓾ ꓡꓲꓽ ꓢꓯꓼ 20 ꓓꓽ ꓚꓰꓹ ꓐ ꓡ ꓟ ꓥ ꓡꓳ꓿ ꓓꓽ ꓖꓴ ꓠꓬ 2022 ꓘꓳꓼ ꓟꓶ ꓦ ꓜꓯꓼ ꓝꓲꓸ ꓟꓽ ꓛꓲ ꓢꓰꓽ ꓕꓯ ꓫꓬꓹ ꓓꓳ ꓡꓰ ꓠꓹ ꓟ ꓙ ꓖꓶ ꓔ ꓡꓳ꓿
