2021 ꓘꓳꓼ 7ꓦ 18 ꓠꓬꓲ ꓕꓯ꓾ ꓮ-ꓟꓯ-ꓣꓲ-ꓗ ꓗꓴꓷꓼ꓾ ꓔꓮꓫꓮꓢ ꓟꓵꓽ ꓫꓴ꓾ ꓝꓳꓣꓔꓧꓪꓳꓣꓔꓧ ꓗꓪ ꓙꓳ ꓟ ꓔꓡꓚꓚ- ꓔꓰꓫꓮꓢ ꓡꓲꓢꓴ ꓚꓧꓣꓲꓢꓔꓲꓮꓠ ꓚꓧꓴꓣꓚꓧ 9 ꓘꓳꓼ ꓐꓲ ꓡ ꓟ ꓫꓸ ꓟꓳ ꓑꓮꓲ ꓔꓯ ꓣꓱꓽ ꓬꓰ ꓪ ꓡꓰꓳ=
ꓟꓳꓼ ꓡꓳ 12ꓽ20-2ꓽ30 ꓗꓪ ꓛꓲ ꓜꓲꓼ ꓡꓯ ꓘꓳ ꓢꓲ꓾ “ꓘꓴ ꓜꓲꓼ ꓞꓳ ꓮ ꓫꓵꓽ ꓥ ꓡ? ꓘꓴ ꓜꓲꓼ ꓞꓳ ꓗꓪ ꓔꓺ ꓢꓴ ꓐꓴ ꓟꓬꓱꓽ ꓮ ꓡꓲ ꓙꓳ ꓡ?” ꓐꓰ ꓟꓸ ꓒ ꓬꓲ-ꓓꓰ ꓛ ( ꓰꓓꓰꓠ ꓚꓧꓮꓣ) ꓡꓰ ꓢꓯꓼ ꓖꓶ ꓓꓳ ꓡꓰ ꓠꓬ꓾ ꓘꓴ ꓜꓲꓼ ꓞꓳ ꓗꓪ ꓟ ꓢꓴ-ꓫꓲ ꓜꓽ ꓫꓵꓽ ꓙ ꓖꓶ ꓢꓴ ꓐꓴ ꓡꓰ ꓙꓽ ꓖꓶ ꓔꓸ ꓟ ꓢꓴ-ꓫꓲ ꓔꓯ ꓗꓹ ꓛꓲ ꓛꓲ ꓑꓯꓹ ꓜꓽ ꓗꓷꓳ=
ꓔꓰꓫꓮꓢ ꓗꓪ ꓛꓲ ꓡ ꓢꓴ ꓡꓲ-ꓢꓴ ꓤꓽ ꓐꓴ ꓕꓲ ꓠꓲꓹ ꓕꓲ ꓪ ꓜꓲꓼ ꓡꓯ ꓘꓳ ꓠꓹ ꓟ ꓐꓱ ꓶ ꓮ-ꓓꓶꓸ-ꓙꓬ ꓐꓴ ꓦꓲ ꓗꓪ 6ꓦ꓾16 ꓠꓬꓲ 2012 ꓘꓳꓼ( ꓠ ꓛꓳꓼ ꓠꓬꓲ) ꓕꓯ ꓪꓴꓸ ꓔꓴ ꓖꓪ ꓙꓱ ꓡꓯ ꓘꓳ ꓢꓲ꓾ꓸ ꓖꓳ ꓗꓪ ꓐꓰ ꓕꓲ ꓝꓸ ꓕꓲ ꓝꓸ ꓢꓯꓼ ꓕꓵꓼ ꓜꓲꓼ ꓡꓯ ꓘꓳ ꓡ ꓟ ꓮ ꓟꓶ ꓠꓬ 9 ꓘꓳꓼ ꓗꓪ ꓐꓲ ꓡ ꓟ ꓥ ꓡꓳ= ꓘꓴ ꓜꓲꓼ ꓞꓳ ꓗꓪ ꓔ ꓢꓴ ꓤ ꓠꓱ ꓞꓳ ꓟꓳꓽ ꓮ ꓙꓵꓽ ꓠꓬ (150) ꓣꓳ ꓛꓲ ꓙꓳ ꓡꓳ=
ꓐꓬꓱꓽ – ꓔꓡꓚꓚ ꓘꓴ ꓜꓲꓼ ꓞꓳ ꓟꓸ ꓒꓽ
