ꓓꓴ-ꓐꓮꓲꓹ ꓗꓪ ꓮ ꓡꓻ ꓘꓴꓽ ꓪꓴꓽ ꓪ ꓡꓰ ꓢꓴ 7 ꓣꓳ ꓐꓰ ꓘꓴꓽ ꓪꓴꓽ ꓠꓹ ꓟ ꓢꓯꓼ ꓕꓵꓼ ꓢꓴ ꓟꓰꓹ-ꓟꓰꓹ ꓠꓬ 2022 ꓘꓳꓼ 9 ꓦ 9 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓡꓽ ꓛꓲ ꓡꓻꓳ꓿
ꓟꓬ-ꓟ ꓤ ꓟꓶꓼ ꓡꓯꓸ ꓐꓴ ꓔꓯ ꓓꓴ-ꓐꓮꓳꓹ ꓗꓪ ꓟꓬꓱꓽ ꓪ ꓢˍ ꓥ꓾ ꓦ ꓐ ꓪꓽ ꓒꓵꓽ ꓮ ꓘꓶꓸ ꓙꓲˍ ꓡꓳ ꓐꓯ ꓢꓲ꓾ ꓖꓳ ꓗꓪ ꓛꓲ ꓠꓬ ꓦꓲ ꓗꓪ ꓡꓴꓽ ꓔꓸ ꓢꓲꓸ ꓠꓱꓸ ꓐꓯꓼ ꓗꓴꓷꓼ ꓗꓪ ꓪꓴꓽ ꓜꓽ ꓬꓰˍ ꓟ ꓙꓳˍ ꓡꓳ ꓐꓯˍ ꓟ ꓓꓳꓽ ꓑꓶꓸ ꓓꓴ ꓟꓬ-ꓟ ꓑꓳ-ꓡꓲ ꓟꓯꓼ ꓐꓴ ꓐꓰ ꓓꓴ-ꓐꓮꓲꓹ ꓟꓯꓼ ꓐꓴ ꓝꓸ ꓡꓯ ꓘꓳ ꓢꓲꓸ ꓚꓲꓸ ꓚ ꓓꓳ ꓡ ꓟ ꓡꓳ꓿
ꓖꓳ ꓟ ꓗꓪ ꓪꓴꓽ ꓜꓽ ꓠꓹ ꓟ ꓢꓯꓼ ꓕꓵꓼ ꓢꓴ ꓟꓰꓹ-ꓟꓰꓹ ꓔꓯ ꓣꓴ ꓟꓶ ꓡꓰ ꓢꓲ꓾ ꓬꓲꓸ ꓡꓰ ꓘꓴ ꓔꓸ ꓢꓴ 7 ꓣꓳ ꓐꓰ ꓕꓲ ꓛꓳ ꓬꓥ-ꓖꓳꓥ ꓗꓰ ꓚꓰꓹ ꓛꓲ ꓡ ꓟ ꓥ ꓡꓳ꓿
ꓞꓳ ꓤ ꓘꓴꓽ ꓪꓲꓽ ꓠꓹ ꓟ ꓢꓯꓼ ꓕꓵꓼ ꓢꓴ ꓟꓰꓹ-ꓟꓰꓹ ꓔꓯꓸ ꓠꓬ ꓑꓳ-ꓡꓲ ꓟꓯꓼ ꓡꓰ ꓣꓴ ꓡꓴꓽ ꓔꓸ ꓢꓲꓸ ꓫꓵꓽ ꓩꓴ ꓠꓹ ꓟ ꓥ ꓡꓳ꓿
