ꓧꓶꓸ ꓕꓯ ꓠꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓐꓱ ꓶ ꓘꓴ ꓔꓴ ꓢꓴ꓾ ꓮ ꓟꓶ ꓠꓬ ꓞꓳ ꓫꓵꓽ ꓟꓬꓱꓽ ꓬꓰ ꓢꓴ꓾ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓟꓸ ꓒ ꓒꓬꓱꓼ ꓡ ꓢꓴ꓾ ꓔꓲ-ꓔ-ꓖꓴ ꓟꓸ ꓒꓽ ꓓꓽ ꓐꓯ ꓢꓲ꓾ Foreign Policy ꓗꓪ ꓜꓲ ꓜꓲ ꓟꓴ ꓟꓴ ꓐꓳ ꓒꓬꓱꓺ ꓩꓴ ꓡ ꓡꓳ=
ꓧꓶꓸ ꓕꓯ 1988 ꓘꓳꓼ ꓕꓯ꓾ ꓖꓳ ꓕꓯ ꓟ ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓠꓯ-ꓪꓰꓸ ꓠꓬ ꓐꓴ-ꓓꓼ ꓦ ꓡꓱ ꓚꓱꓹ ꓡꓳ ꓚ ꓑ ꓫꓬꓼ ꓔꓯ ꓙꓵꓽ ꓢꓴ ꓟꓽ ꓥ ꓐꓯ ꓢꓲꓸ ꓔꓳꓹ ꓢꓲ꓾ ꓴꓢꓮ ꓟꓵꓽ ꓗꓪ ꓛꓰꓹ ꓑꓬ ꓙꓰ ꓗꓷ ꓢꓴ ꓥ ꓡꓳ= ꓬꓲꓸ ꓔꓯ 1937 ꓘꓳꓼ ꓕꓯ ꓔꓯꓸ-ꓗꓳꓸ ꓘꓹ ꓤ ꓗꓪ ꓦꓵ ꓢꓲ꓾ 1957 ꓘꓳꓼ ꓕꓯ ꓓꓴ-ꓓꓼ ꓦ ꓡꓱ ꓚꓱꓹ ꓗꓪ ꓓꓵꓽ ꓙꓰ ꓡꓳ= ꓗꓸ ꓠꓯꓸ ꓠꓬ ꓔꓲꓺ ꓖꓶ ꓟ ꓬꓲꓸ ꓫꓵ ꓬꓲ ꓙꓰ ꓬꓰ ꓢꓲꓸ ꓡ ꓞꓳ ꓮ ꓟꓬꓹ ꓬꓲ ꓔꓯ ꓦ ꓡꓱ ꓐꓳ ꓡ ꓝꓲ ꓡꓳ= ꓝꓮꓲ ꓞꓳ ꓫꓵꓽ ꓐꓰ ꓦ ꓡꓱ ꓚꓱꓹ ꓔꓯ ꓮ ꓙꓵꓽ ꓟ ꓕꓯ ꓢꓲ ꓬꓳꓹ ꓚꓲ ꓟ ꓚꓬꓹ ꓗꓷ ꓢꓲꓸ ꓟꓸ ꓟꓲꓽ ꓚ ꓡꓳ= ꓮ ꓟꓶ ꓠꓬ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓟꓸ ꓒꓽ ꓓꓽ ꓟ ꓒꓬꓱꓼ ꓡꓻꓳ ꓐꓰ ꓔꓲ-ꓔ-ꓖꓴ ꓤꓶ ꓙ ꓖꓴ ꓔꓯ ꓜꓲ ꓜꓲ ꓟꓴ ꓟꓴ ꓐꓳ ꓔꓸ ꓡꓳ=
ꓧꓪꓽ ꓒꓴ ꓥꓳꓽ ꓗꓪ ꓓꓳꓽ ꓬꓲ ꓚꓰꓺ ꓔꓯ ꓵꓺ ꓠꓲꓹ ꓫꓵ ꓢꓴ ꓠꓬ꓾ ꓡꓲꓠꓗ ꓕꓱ ꓟ ꓗꓪ ꓐꓰ ꓙꓰ ꓓ ꓡꓳ=
