ꓒꓶꓹ ꓬꓲꓻ ꓔꓲꓺ ꓖꓶ ꓢꓴ ꓔꓯ ꓠꓯ-ꓔ-ꓡ ꓐꓯ ꓟꓴ ꓘꓶꓽ ꓖꓴ ꓗꓪ ꓐꓰ ꓗꓽ ꓔꓸ ꓩꓴ ꓡ

ꓬꓲꓸ ꓠꓰ ꓔꓲꓺ ꓖꓶ ꓔꓸ ꓟ ꓒꓶꓹ ꓬꓲꓻ ꓗꓪ ꓐꓰ ꓤ ꓠꓱ (500) ꓣꓳ ꓟꓽ ꓞꓲ ꓦꓵꓻ ꓡ ꓢꓴ Jonathan Meijer ꓔꓯ ꓕꓱ ꓡꓱ ꓬꓲꓸ ꓐꓶꓹ ꓟꓽ ꓔꓲꓺ ꓖꓶ ꓠꓹ ꓟ ꓠꓯ ꓔ-ꓡ ꓗꓴꓷꓼ ꓫꓵꓽ ꓘꓶꓽ ꓖꓴ ꓕꓲꓽ ꓟ ꓗꓪ ꓐꓰ ꓕꓵꓼ ꓪ ꓓꓳ ꓩꓴ ꓡꓻꓳ꓿

ꓬꓲꓸ ꓥꓳꓽ ꓟꓽ ꓜꓯꓼ
ꓒꓶꓹ ꓬꓲꓻ ꓔꓲꓺ ꓖꓶ ꓢꓴ
Jonathan Meijer

ꓮ ꓟꓶ ꓟ ꓦꓬꓼ ꓠꓬꓲ ꓗꓪ ꓤ ꓠꓱ ꓪ ꓟꓽ ꓢꓻ ꓢꓴ ꓐꓴ ꓠꓬ ꓒꓶꓹ ꓬꓲꓻ ꓖꓼ ꓧꓪ ꓢꓲꓸ ꓤ ꓠꓱ ꓟꓯꓻ ꓡ ꓠ ꓬꓰ ꓔꓬ ꓟ ꓥ ꓡꓳ꓿ ꓢꓯꓼ ꓙꓳ ꓟ ꓞꓳ ꓑꓸ ꓤꓼ ꓐꓴ ꓠꓬ ꓠꓯ ꓞꓲꓼ ꓦꓲ ꓗꓪ ꓙꓰ ꓢꓲꓸ ꓒꓶꓹ ꓬꓲꓻ ꓔꓲꓺ ꓖꓶ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ (41) ꓘꓳꓼ ꓙꓳˍ ꓟ Jonathan Meijerꓟꓬꓱꓺ ꓔꓸ ꓢꓴ ꓕꓲ ꓣꓳ ꓠꓬ 2017 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓒꓶꓹ-ꓬꓲꓻ ꓬꓲꓸ ꓥꓳꓽ ꓟꓽ ꓜꓯꓼ ꓔꓲꓺ ꓖꓶ ꓢꓴ꓾ ꓬꓲꓸ ꓚꓲꓸ ꓛꓬ ꓒꓶꓹ ꓬꓲꓻ ꓗꓪ ꓐꓰ ꓤ ꓠꓱ (500) ꓣꓳ ꓛꓲ ꓦꓵ ꓓꓳ ꓔꓸ ꓢꓴ ꓥ ꓡꓳ꓿

ꓠꓯ-ꓔ-ꓡ ꓠꓯ ꓞꓲꓼ ꓙꓵꓽ ꓗ ꓗꓪ꓾ ꓒꓶꓹ ꓬꓲꓻ ꓔꓲꓺ ꓖꓶ ꓢꓴ ꓕꓲꓽ ꓣꓳ ꓠꓬ ꓦꓲ ꓘꓴ (12) ꓟ꓾ ꓤ ꓠꓱ (25) ꓣꓳ ꓕꓯꓽ ꓢꓲ ꓦꓵꓻ ꓡ ꓗꓪ ꓛꓲ ꓔꓲꓺ ꓖꓶ ꓟꓽ ꓓ ꓐꓯ ꓔꓸ ꓡꓳ꓿

ꓮ ꓟꓶ ꓬꓲꓸ ꓡꓯꓽ ꓫꓵ ꓔꓲꓸ ꓒꓶꓹ ꓬꓲꓻ ꓔꓲꓺ ꓖꓶ ꓢꓲꓸ ꓬꓴꓸ ꓡꓰ ꓐꓰꓳ ꓫꓵꓽ ꓤ ꓠꓱ ꓮ ꓟꓬꓹ ꓦꓵ ꓡ ꓢꓲ꓾ ꓬꓲꓸ ꓪ ꓡꓯ ꓒꓯꓹ ꓝꓸ ꓡꓯ ꓘꓳ ꓡ ꓠꓬ꓾ ꓠꓻ ꓓꓴ ꓒꓬꓽ ꓓꓴ ꓙꓳ ꓢꓴ ꓟꓬꓽ ꓡ ꓥꓳ꓾ ꓐꓰ ꓠꓯ ꓞꓲꓼꓸ ꓒꓽ ꓐꓴ ꓙꓽ ꓫꓸ ꓔꓬ ꓡꓳ꓿

Jonathan Meijer ꓙꓵꓽ ꓗ ꓟꓽ ꓛꓳ ꓐꓭˍ ꓠꓬ ꓓꓳ-ꓡ 110000 ꓜꓲ ꓞꓳꓹ ꓓꓴ ꓥꓳ ꓐꓯˍ ꓡꓳ꓿

Source: CNA, AFP

Leave a Reply

Your email address will not be published. Required fields are marked *

%d