ꓮ-ꓢꓰ-ꓬ ꓜꓲꓼ ꓓꓴ ꓗꓪ ꓟꓬ-ꓟ ꓗꓪ ꓐꓰ ꓟꓽ ꓔꓺ ꓡ ꓟ ꓠꓬ꓾ ꓮ-ꓢꓰ-ꓬ ꓜꓴ ꓔꓯ ꓒꓳꓹ ꓔꓳꓹ ꓟ ꓟꓽ ꓥ꓾ ꓠꓲꓹ ꓘꓪ ꓟꓽ ꓫꓵ ꓠꓬꓲ ꓟꓽ ꓥ ꓐꓰ ꓟꓬ-ꓟ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓠꓬꓲꓸ ꓠꓬꓲ 2021 ꓘꓳꓼ꓾ 10 ꓦ 26 ꓠꓬꓲ ꓕꓯ ꓟꓣꓔꓦ ꓗꓪ ꓐꓰ ꓡꓯꓽ ꓔꓯꓽ ꓩꓴ ꓡ ꓡꓳ=
2021 ꓘꓳꓼ 10 ꓦ 15 ꓠꓬꓲ ꓕꓯ ꓬꓰ ꓗꓷ ꓟ ꓮ-ꓢꓰ-ꓬ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮ0-ꓡꓮꓲꓽ ꓔꓯ ꓟꓽ ꓔꓺ ꓝꓲ ꓠꓹ ꓟ ꓖꓪ ꓙꓱ ꓞꓷꓹ ꓗꓷ ꓢꓲ꓾ ꓗꓴꓷꓼ ꓚꓱꓹ ꓧꓳꓽ ꓢꓴ ꓟꓽ ꓥ ꓥ ꓠꓱꓸ ꓐꓯꓼ ꓕꓲ ꓣꓳ ꓔꓺ ꓡ ꓠꓹ ꓟ ꓮ-ꓢꓰ-ꓬ ꓢꓽ ꓡ ꓙꓵꓽ ꓡꓰ ꓘꓴ ꓔꓸ ꓥ ꓟꓲ ꓟꓬ-ꓟ ꓟꓯꓼ ꓐꓴ ꓡꓰ ꓟꓽ ꓝꓲ ꓩꓴ ꓡ=
ꓮ-ꓢꓰ-ꓬ ꓜꓴ ꓚ ꓟꓲꓽ ꓗꓪ ꓗꓴꓷꓼ ꓕꓲ ꓗꓴꓷꓼ ꓧꓳꓽ ꓢꓴ ꓟꓽ ꓜꓲꓼ ꓜꓲꓼ ꓖꓪ ꓙꓱ ꓡꓯ ꓘꓳ ꓟ ꓠꓬ ꓬꓲꓸ ꓪꓴꓸ ꓕꓲ ꓧꓪꓹ ꓥ ꓡꓳ= ꓠꓬꓲꓸ ꓠꓬꓲ ꓖꓪ ꓙꓱ ꓜꓲꓼ ꓓꓴ ꓪꓴꓸ ꓔꓴ ꓟ ꓕꓲ ꓠꓬꓲ ꓗꓪ ꓟꓬ-ꓟ ꓟꓯꓼ ꓐꓴ ꓙꓰ ꓔꓬ ꓟ ꓙ ꓖꓴ ꓔꓯ ꓔꓺ ꓘꓶꓽ ꓕꓱ ꓢꓴ ꓐꓶꓹ ꓔꓶꓼ ꓕꓲ ꓣꓳ_ ꓡꓲꓸ ꓟꓽ ꓙꓳ=
