ꓑ-ꓖꓴ ꓡꓳ ꓒꓱ꓾ ꓮ-ꓡꓮꓲꓽ-ꓠꓲ ꓬꓲ ꓐꓱꓻ ꓘꓶꓽ ꓗꓪ ꓪ ꓔꓲꓸ ꓦꓲ ꓙꓱ (Emperor Bell Tent) ꓗꓹ ꓠꓬꓹ ꓬꓲꓼ ꓔꓸ ꓖꓴ ꓬꓲꓸ ꓫꓵꓼ ꓕꓲ ꓫꓵꓽ ꓒꓴ ꓗꓷꓳ ꓐꓰ Home at Alaingni ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓮ ꓠꓱ ꓕꓯ ꓪ ꓔꓲꓸ ꓐꓴ ꓟꓵꓽ ꓚꓳ ꓧꓪꓽ ꓖꓼ ꓙꓰ ꓕꓯꓽ ꓢ ꓘꓪ ꓬꓲꓼ ꓔꓸ ꓖꓴ ꓬꓰ ꓟ ꓔꓯ ꓔꓯꓺ ꓢꓳ ꓔꓸ ꓟ ꓥ ꓡꓳ꓿ ꓮ ꓔꓳꓸ ꓠꓬ ꓢꓳ-ꓡ ꓒꓯꓸ ꓗꓪ ꓐꓰ ꓣꓱꓽ ꓔ ꓡꓳ꓿
ꓠꓲꓹ ꓛꓵꓼ ꓛꓵꓼ ꓟ ꓢꓲ ꓜꓲ ꓡꓳ ꓜꓲ꓾ ꓟꓵꓽ ꓡꓯ ꓡꓳ ꓡꓯ ꓬꓲ ꓐꓱ ꓛꓳꓽ ꓗꓹ ꓠꓰ꓾ ꓢꓲ ꓡꓲꓹ ꓗꓹ ꓛꓲ ꓛꓲ ꓠꓽ ꓪ ꓠꓹ ꓟ ꓙ ꓖꓶ ꓔ ꓡꓳ ꓐꓰ ꓐꓯ ꓡꓳ꓿
ꓦꓲ ꓙꓱ ꓕꓲ ꓟ ꓕꓲ ꓠꓬꓲ ꓥꓪꓸ ꓒꓵꓽ 1 ꓣꓳ 20000 ꓥ ꓢꓲ꓾ ꓟꓳꓼ ꓡꓳ ꓜꓻ 1 ꓜꓽ ꓖꓶ ꓜꓽ ꓡꓳ ꓐꓯ ꓡꓳ꓿ ꓦꓲ ꓙꓱ 1 ꓟ ꓗꓪ 4 ꓣꓳ ꓕꓯ ꓢꓲ ꓟꓽ ꓘꓳ ꓣꓴ ꓐꓯ ꓡꓳ꓿
ꓟꓶ ꓤꓽ ꓥ ꓕꓯ ꓕꓱ ꓡꓱꓳ ꓫꓵꓽ ꓟꓵꓽ ꓔꓯ ꓕꓽ ꓥꓳꓽ ꓟꓽ ꓜꓯꓼ ꓔꓸ ꓟ ꓬꓲꓼ ꓔꓸ ꓖꓴ ꓦꓲ ꓙꓱ ꓮ ꓟꓬꓹ ꓙꓳ ꓡ ꓥꓳ ꓐꓯ ꓔꓸ ꓡꓳ꓿
Booking: 095041399
(ꓢꓯꓼ ꓖꓶ ꓘꓶ꓾ ꓗꓴꓷꓼ ꓢꓲ ꓡꓲꓹ ꓡ ꓕꓯꓽ ꓣꓳ ꓟꓵꓽ ꓣꓳ ꓡꓳ ꓡꓲ-ꓢꓴ ꓔꓬ ꓟꓵꓽ ꓗꓪ꓾ ꓗꓹ ꓛꓲ ꓟ ꓬꓲ ꓙꓬ ꓡꓳ ꓗꓸ ꓒ ꓕꓲ꓾ ꓪ ꓚꓲ ꓡꓳ ꓚꓲ ꓕꓯꓽ ꓢꓲ ꓗꓪ ꓕꓱ ꓡꓱꓳ ꓫꓵꓽ ꓦꓲ ꓙꓱ ꓬꓰ ꓢꓲ꓾ ꓜꓽ ꓓꓴ ꓓꓳ ꓓꓴ ꓪꓴꓽ ꓖꓶ ꓢꓲꓸ ꓒꓴ ꓧꓪ ꓠꓹ ꓟ ꓡꓲ-ꓢꓴ ꓐꓴ ꓥ ꓟꓲ Tourism & Hospitality ꓢꓷ ꓠꓲꓹ ꓢꓳ ꓪ ꓡꓰ ꓝꓲ ꓡꓯ꓿)
Source:
#Travelling journal, Min Min Myat
