ꓑ-ꓔꓲ ꓡꓳ ꓒꓱ ꓑꓳꓸ ꓗ-ꓬꓲ ꓖꓳ ꓓꓱ ꓔꓲꓹ ꓘꓴ ꓜꓲꓼ ꓞꓳ ꓟꓸ ꓒ ꓠꓬ 2022 ꓘꓳꓼ 9 ꓦ 2 ꓠꓬꓲ ꓕꓯꓽ ꓢꓰꓼ ꓪ ꓡꓰ ꓢꓲꓸ ꓫꓵꓻ ꓓꓳˍ ꓟ ꓡꓳꓸ ꓟꓳ ꓡꓳ꓿
ꓬꓲꓸ ꓟꓬꓱꓺ ꓠꓬ꓾ ꓟꓸ ꓒ ꓚꓳ-ꓢꓳꓸ-ꓡꓼ (50) ꓘꓳꓼ ꓡꓳꓼ ꓢꓴ ꓥ ꓡꓳ꓿
ꓪ ꓘꓴ ꓦꓲ ꓐꓱ ꓗꓪ ꓟꓬꓱꓽ ꓬꓰ ꓢꓴ ꓔꓬ ꓟ ꓦꓲ ꓗꓳꓹ ꓗꓺ ꓘꓶꓽ ꓒꓰꓼ ꓗꓪ ꓪꓴꓸ ꓓꓵ ꓗꓪ ꓓꓶꓽ ꓐꓲ ꓡꓰ ꓓꓶꓽ ꓔꓸ꓾ ꓮꓸ ꓕꓽ ꓠꓰ ꓥ ꓟꓲ ꓗꓯꓸ ꓔꓸ꓾ ꓡꓯ ꓐꓲ ꓗꓪ ꓥ ꓟꓲ ꓚꓲꓺ ꓚ ꓠꓰ ꓞꓳꓹ ꓔꓸ ꓢꓲꓸ ꓫꓵꓻ ꓓꓳˍ ꓟ ꓡꓳꓸ ꓟꓳˍ ꓟ ꓥ ꓡꓳ꓿
“ꓬꓲꓸ ꓟꓬꓱꓽ ꓬꓰ ꓢꓴ ꓟ ꓠꓰ ꓔꓲꓸ ꓢꓰꓼ ꓐꓶ ꓐꓰ ꓓꓵꓽ ꓙ ꓓꓴ ꓙꓳˍ ꓥ꓿ ꓬꓲꓸ ꓩꓴꓸ꓾ ꓢ-ꓗꓯ ꓐꓰ꓾ ꓒꓴ ꓖꓶ ꓟꓽ ꓙꓳ ꓔꓯꓹ ꓙꓰ ꓐꓶ꓿ ꓬꓲꓸ ꓟꓬꓱꓽ ꓬꓰ ꓢꓴ ꓠꓽ ꓛꓰꓹ ꓑꓬ ꓙꓰꓳ” ꓐꓰ ꓘꓴ ꓜꓲꓼ ꓞꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓸ ꓒ ꓬꓲꓸ ꓔꓯ ꓢꓷꓸ ꓢꓴ ꓐꓴ ꓠꓬ ꓠꓲꓹ ꓥꓴ ꓟꓬ ꓥꓴ ꓔꓬ ꓡꓳ꓿
ꓗꓳꓸ ꓗꓷ ꓟ ꓦ ꓐ ꓕꓲꓽ ꓟ ꓗꓪ ꓟ-ꓓꓲ-ꓡꓲ ꓗꓪ ꓙꓲ-ꓢꓲ ꓢꓲ ꓤ ꓦꓲ ꓢꓲ ꓒ ꓦꓲ ꓢꓲ ꓟ ꓕꓲꓽ ꓜꓱ ꓔꓯ ꓢꓰꓼ ꓗꓷ ꓟ ꓙꓳ ꓡꓳ꓿ ꓑꓓꓝ ꓖꓳ ꓕꓲꓽ ꓜꓴ ꓠꓬ ꓮ ꓕꓯꓽˍ ꓟꓲ ꓟꓽ ꓙꓳ ꓠꓬꓲˍ ꓟ ꓕꓲꓽ ꓜꓴ ꓥ ꓡꓳ꓾ꓦꓰ ꓚꓲꓸ ꓚ ꓔ ꓡꓳ꓿
