ꓒ-ꓟ ꓐꓰ ꓡꓳ-ꓖ-ꓗꓳꓼ ꓘꓹ ꓗꓪ ꓔꓬ ꓟ ꓡꓲ-ꓢꓴ ꓞꓳ ꓪꓴꓽ (2) ꓣꓳ ꓔꓯ 2023 ꓘꓳꓼ 8 ꓦ 17 ꓠꓬꓲ ꓕꓯꓽ ꓢꓲꓹ ꓠꓯ ꓟꓯꓼ ꓕꓲꓽ ꓜꓴ ꓠꓰ ꓣꓴ ꓧꓳꓽ ꓙꓰꓳ꓾ ꓐꓯ ꓡꓳ꓿
“ꓢ ꓘꓪ 10 ꓙꓵꓹ ꓛꓲ ꓗꓪ ꓧꓳꓽ ꓙꓰ ꓐꓶ” ꓐꓰ ꓢꓷꓸ ꓢꓴ ꓕꓲ ꓣꓳ ꓠꓰ ꓐꓯ ꓟꓸ ꓖꓶ ꓡ ꓡꓳ꓿
ꓑꓴ-ꓔ-ꓳ ꓕꓲꓽ ꓚꓳ ꓡꓳ ꓗꓪ ꓢꓲꓹ ꓠꓯ ꓟꓯꓼ ꓐꓯ ꓠꓬ ꓗꓲꓮ/ꓗꓑꓓꓝ ꓠꓬꓲꓽ ꓜꓴ ꓔꓬ ꓠꓬꓲ ꓮ ꓡꓲ ꓕꓲ ꓜꓴ ꓥ ꓟ ꓡꓯ ꓫꓵ ꓚꓲꓸ ꓚ ꓔꓬ ꓡꓳ꓿
“ꓡ ꓓꓴ ꓟ ꓠꓽ ꓟꓳ ꓓꓳ ꓒꓴ ꓒꓴ ꓕꓲꓽ ꓟ ꓗꓪ ꓚꓳꓸ ꓡ ꓥ” ꓐꓰ ꓟꓳꓻ ꓢꓴ ꓡꓰ ꓐꓯ ꓡꓳ꓿
ꓡ ꓛꓴꓸ ꓔꓯꓹ ꓒꓽ ꓢꓲꓹ ꓠꓯꓺ ꓟꓯꓼ ꓠꓰ ꓧꓳꓽ ꓙꓰ ꓢꓴ (2) ꓣꓳ ꓠꓬ꓾ ꓒ-ꓟ ꓘꓹ ꓞꓳ ꓪꓴꓽ ꓙꓬ-ꓬꓳ-ꓢꓯꓸ ꓐꓰ ꓡꓳ-ꓖ-ꓖꓳꓼ ꓘꓹ ꓞꓳ ꓔꓲꓺ ꓓꓶ-ꓓꓱꓼ ꓥ ꓡꓳ ꓐꓰ ꓐꓯ ꓡꓳ꓿
ꓮ ꓫꓶ ꓕꓲꓽ ꓠꓽ ꓗꓪ ꓐꓲ-ꓓꓴ-ꓢꓰꓸ ꓬꓰ ꓡꓯ ꓐꓯ ꓢꓲꓸ ꓖꓪ ꓙꓱ ꓔꓬ ꓡꓳ꓾ ꓐꓯˍ ꓟ ꓓꓳꓽ ꓔꓯ Kagabu Mongce ꓡꓰ 2023 ꓘꓳꓼ 8 ꓦ 8 ꓠꓬꓲ ꓕꓯꓽ ꓐꓳ ꓔꓸ ꓡꓳ꓿ ꓖꓳ ꓟ ꓗꓪ ꓒ-ꓟ ꓘꓹ ꓞꓳ ꓪꓴꓽ ꓙꓬ-ꓬꓳ-ꓢꓯꓸ ꓟꓬꓱꓺ ꓐˍ ꓡꓳ꓿
