ꓑꓴ-ꓔ-ꓳ — ꓟꓶ-ꓚꓲ-ꓠ ꓙ ꓖꓴ ꓗꓪ ꓟꓯꓼ ꓐꓶ ꓡꓯ ꓘꓳ ꓡ ꓠꓬꓲ꓾ ꓚꓲ ꓛꓬ ꓘꓹ ꓗꓪ ꓔꓬ ꓟꓽ ꓑꓶꓸ ꓢꓴ ꓐꓴ ꓠꓬ ꓑꓴ-ꓔ-ꓳ ꓡꓲ-ꓢꓴ ꓡꓲꓽ ꓒꓰꓼ ꓐꓱꓻ ꓗꓪ ꓛꓰꓹ ꓑꓬ ꓖꓴ ꓬꓰ ꓡ ꓔꓬ ꓡꓳ꓿
ꓘꓰꓹ ꓑꓬ ꓡ ꓢꓴ ꓐꓴ
“ꓠꓬꓲꓸ ꓠꓬꓲ ꓠꓯꓼ ꓥꓪ ꓠꓴ 3-4 ꓣꓳ ꓫꓱꓸ ꓤꓼ ꓟꓬꓱꓽ ꓐꓱ ꓶ ꓒꓴ ꓜꓲꓼ ꓡꓯ ꓘꓳ ꓢꓲ꓾ ꓜꓻ ꓒꓴ꓾ ꓧꓪꓽ ꓞꓶ꓾ ꓗꓳ-ꓢꓱꓸ ꓮ ꓔꓲꓸ ꓤꓼ ꓬꓰ ꓙ ꓪ ꓬꓰꓳ꓿ ꓮ ꓟꓲ ꓕꓽ ꓞꓳ ꓦꓲ 4 ꓦꓲ ꓛꓲ ꓦꓹ ꓐꓶ꓿ ꓟꓲꓸ ꓟꓲ ꓠꓯꓼ ꓥꓪ ꓠꓴ ꓛꓲ ꓕꓽ ꓖꓶ ꓢ-ꓗꓯ ꓗꓪ ꓚꓳꓸ ꓡꓯ ꓫꓵ ꓛꓲ ꓡ ꓔꓬ ꓥꓳ꓿ ꓡꓲ-ꓢꓴ ꓞꓳ ꓪꓴ ꓞꓳ ꓟ ꓐꓴ ꓐꓰ ꓘꓴ ꓜꓲꓼ ꓞꓳ ꓧꓳꓽ ꓢꓴ ꓥ ꓟꓲ ꓖꓪ ꓙꓱ ꓡꓯ ꓘꓳ ꓢꓲꓸ ꓞꓳ ꓘꓹ ꓗꓪ ꓙꓰ ꓢꓲꓸ ꓣꓴ ꓖꓶ ꓙꓰ ꓓꓴ ꓬꓰ ꓔꓬ ꓐꓶ” ꓐꓰ 2022 ꓘꓳꓼ 2 ꓦ 10 ꓠꓬꓲ ꓠꓯꓼ ꓡꓲ-ꓢꓴ ꓡꓲ ꓒꓰꓼ ꓜꓴ ꓐꓱꓻ ꓗꓪ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓠꓬꓲ ꓠꓹ ꓬꓰ ꓢꓴ ꓕꓲ ꓜꓴ ꓡꓰ ꓐꓯ ꓖꓶ ꓡˍ ꓡꓳ꓿
“ꓟꓬꓱꓽ ꓕꓱ ꓟ ꓔꓯ ꓡ ꓞꓳ ꓕꓲ ꓣꓳ꓾ ꓘꓴ ꓜꓲꓼ ꓞꓳ ꓕꓲ ꓟ꓾ ꓜꓴ ꓕꓲ ꓜꓴ ꓔꓱꓸꓼ ꓡꓰ ꓬꓰ ꓙ ꓡꓯꓼ ꓞꓲ ꓟꓽ ꓐ ꓡˍ ꓠꓬꓲ꓾ ꓮ ꓙꓵꓽ ꓢꓴ ꓡꓰ ꓔꓳꓹ ꓙ ꓡ ꓠꓹ ꓟ ꓥꓳ ꓡꓳꓸ ꓔꓬ ꓡꓳ꓿ ꓞꓳ ꓘꓹ ꓗꓪ ꓣꓴ ꓙ ꓙꓰ ꓓꓴ ꓟꓳ-ꓓꓳ ꓖꓶ ꓜꓱꓽ ꓜꓯꓼ ꓥ꓿ ꓟꓳ-ꓓꓳ ꓙꓳˍ ꓢꓴ ꓐꓴ ꓬꓰ ꓙ ꓡꓯ꓿ ꓜꓽ ꓓꓴ ꓓꓳ ꓓꓴ꓾ ꓔ-ꓡ-ꓐꓼ ꓟꓳꓹ ꓖꓽ ꓦꓲ꓾ ꓠꓟ-ꓓꓳꓹ ꓦꓲ꓾ ꓮ ꓙꓬ ꓘꓵ ꓚꓴꓸ ꓓꓴ ꓬꓰ ꓠ ꓔꓸ ꓥ” ꓐꓰ ꓬꓰ ꓙ ꓜꓴ ꓧꓳꓽ ꓢꓴ ꓐꓴ ꓡꓰ ꓢꓷ ꓙ ꓟꓴ ꓙ ꓡ ꓡꓳ꓿
ꓐꓬꓱꓽ꓾ ꓙꓬ-ꓪꓴꓽ꓾ ꓥꓪꓸ-ꓒꓴ-ꓢ
ꓮꓠꓠꓳꓴꓠꓚꓰꓟꓰꓠꓔ:
ꓑꓴ-ꓔ-ꓳ ꓟꓯꓼ ꓘꓰꓹ ꓬꓰ ꓙ ꓜꓴ ꓔꓯ ꓙ ꓡꓯ ꓘꓳ ꓓꓴ꓾
@Ngwa Phu Sar -09888260158
@Jaylikhi- 09890389518
ꓗ-ꓑꓮꓬ – 09890389518 (U Jay Li Khi)
