ꓑꓴ-ꓔ-ꓳ ꓟꓵꓽ ꓗꓪ ꓠꓬꓲꓸ ꓠꓬꓲ 2022 ꓘꓳꓼ ꓠꓯꓼ 9 ꓙꓵꓹ ꓗꓪ ꓐꓰ ꓒ-ꓟ-ꓜꓳꓼ ꓘꓹ ꓐꓰ ꓡꓴ-ꓫ-ꓬ ꓘꓹ ꓠꓬꓲꓽ ꓗꓴꓸ ꓚꓸ ꓗꓪ ꓟꓯꓼ ꓘꓶꓽ ꓡꓲꓽ ꓡꓲꓽ_ ꓡꓰ ꓙꓳ ꓔꓬ ꓟ ꓑꓶꓸ ꓓꓴ꓾ ꓟꓯꓼ ꓘꓰꓹ ꓢꓴ ꓐꓴ ꓟꓬꓽ ꓡ ꓔꓬ ꓡꓳ=
“ꓬꓲꓸ ꓪ ꓫꓵꓽ ꓐꓴ ꓠꓽ ꓣꓱ ꓡꓱꓽ ꓡꓱꓽ ꓤꓼ ꓟꓯꓼ ꓘꓰꓹ ꓖꓴ ꓙ ꓖꓴ ꓔꓸ ꓖꓴ ꓐꓶ= ꓣꓳ ꓡꓲ-ꓢꓴ ꓕꓲ ꓜꓴ ꓟ ꓠꓽ ꓟꓳ-ꓓꓳ ꓟꓽ ꓙꓳ ꓢꓴ꓾ ꓢꓰ-ꓗꓯ ꓟꓽ ꓙꓳ ꓢꓴ ꓐꓴ ꓘꓰꓹ ꓠꓲꓹ ꓫꓵ ꓡꓲꓸ ꓠꓲꓹ ꓞ ꓘꓰꓹ ꓟꓽ ꓐ ꓡ ꓠꓰ ꓮ ꓡꓲ ꓟꓽ ꓬꓰꓳ ꓐꓯ ꓠꓬꓹ ꓥ= ꓬꓲꓸ ꓪ ꓔꓯ ꓦ ꓡꓱ ꓚꓱꓹ ꓐꓰ ꓡꓲꓽ ꓒꓲꓼ ꓜꓴ ꓗꓪ ꓐꓰ ꓮ ꓡꓲ ꓚꓬꓴꓹ ꓙ ꓠꓹ ꓟ ꓖꓪ ꓙꓱ ꓔꓬ ꓥ꓿ ꓡꓲ-ꓢꓴ ꓡꓲ ꓒꓰꓼ ꓐꓱ ꓗꓪ ꓔꓬ ꓝꓲ ꓓꓴ ꓖꓪ ꓙꓱ ꓔꓬ ꓥꓳ” ꓐꓰ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓖꓪ ꓙꓱ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓩꓴ ꓡ ꓡꓳ=
ꓑꓴ-ꓔ-ꓳ — ꓟꓶ-ꓚꓲ-ꓠ ꓙ ꓖꓴ ꓢꓲ-ꓑꓲ-ꓬ ꓘꓹ ꓗꓪ 2022 ꓘꓳꓼ 2 ꓦ 1 ꓠꓬꓲ ꓕꓯ ꓪꓴꓸ ꓔꓴ ꓢꓲꓸ ꓟꓯꓼ ꓢꓰꓼ ꓡꓯ ꓘꓳ ꓡ ꓟ ꓥ ꓢꓲ꓾ ꓮ ꓟꓶ ꓠꓬ ꓒ-ꓟ-ꓜꓳꓼ ꓘꓹ ꓗꓪ ꓛꓲ ꓡ ꓔꓬ ꓟ ꓥ ꓡꓳ=
