ꓡꓲ-ꓢꓴ ꓐꓳ-ꓓ; (Buddha )
ꓑꓴ-ꓔ-ꓮꓳ ꓟꓵ: ꓗꓪ ꓟ ꓡꓲ-ꓢꓴ ꓐꓴ ꓠꓬ 1991-1992 ꓘꓳ; ꓗꓪ ꓐꓰ ꓐꓳ-ꓓ ꓦ ꓡꓱ ꓢꓴ ꓙꓳ ꓡ ꓡꓳ= ꓧꓳ: ꓢꓴ ꓠꓬ ꓟ.ꓒ: ꓮ-ꓞꓲ-ꓥꓪ-ꓡꓲ-ꓬꓯ ꓥ ꓢꓲ꓾ 1996 ꓘꓳ; ꓗꓪ ꓐꓰ ꓪ-ꓘꓰ 1 ꓘ, ꓗꓪ ꓡ ꓟ ꓒ: ꓙꓳꓥ ꓦꓲ (Monastery school) ꓔꓯ ꓪꓴ. ꓔꓴ ꓡꓳ= 1996 -98 ꓗꓪ ꓑꓴ-ꓔ-ꓮꓳ ꓟꓵ: ꓾ ꓟꓶ-ꓚ-ꓐꓳ꓾ ꓐꓰ ꓘꓳ-ꓡ-ꓒꓶ ꓟꓵ: ꓗꓪ ꓐꓳ-ꓓ ꓦ ꓡꓱ ꓢꓴ ꓡꓲ-ꓢꓴ ꓐꓴ 1000 ꓣꓳ ꓛꓲ ꓙꓳ ꓡꓳ ꓐꓰ ꓢꓷ. ꓪ ꓡꓳ= ꓖꓳ ꓡꓱ ꓥ ꓟꓲ ꓮ ꓟꓶ ꓠꓬ ꓪ-ꓘꓰ ꓘ, ꓗꓪ ꓕꓲ: ꓠꓬꓲ: ꓦꓲ ꓡꓰ ꓙꓳ ꓡꓰꓳ=
ꓮ ꓠꓱ ꓟ ꓣꓳ ꓡꓲ-ꓢꓴ ꓒꓵ: ꓒ: ꓐꓴ ꓠꓬ ꓠꓲ: ꓖꓴ ꓢꓲ ꓖꓴ ꓢꓴ ꓐꓴ ꓥ ꓢꓲ ꓪꓴ-ꓢ ꓔꓯ ꓟ: ꓢꓷ. ꓢꓴ ꓐꓴ ꓥ ꓡꓳ= 1900 ꓘꓳ; ꓖ ꓡꓯ ꓖ ꓙꓲ ꓗꓪ ꓐꓰ ꓠꓬ ꓐꓶ ꓟꓵ: ꓗꓪ ꓟ ꓶ; ꓥꓳ: ꓫꓱ. ꓥꓳ: ꓟ. ꓒ: ꓐꓴ ꓠꓬ ꓧꓶ: ꓟꓵ: ꓶ; ꓥꓳ: ꓫꓱ. ꓥꓳ: ꓚ ꓡ ꓢꓲ ꓡꓲ-ꓢꓴ ꓐꓴ ꓥ ꓟꓲ ꓦ ꓡꓱ ꓪꓴ. ꓔꓴ ꓡ ꓡꓳ= ꓖꓳ ꓗꓪ ꓐꓰ ꓕꓲ: ꓝ ꓡꓳ: ꓟꓲ ꓟꓵ: ꓗꓪ ꓓꓵ: ꓡ ꓟ ꓥ ꓡꓳ=
ꓙꓲ-ꓢꓴ ꓘꓴ ꓜꓲ ꓞꓳ(Church Of Christ)
ꓙꓲ-ꓢꓴ ꓘꓴ ꓜꓲ ꓞꓳ ꓔꓯ ꓬꓲ. ꓪꓴ ꓟ. ꓖꓶ: ꓢꓴ ꓢ-ꓢꓲ-ꓠ ꓟ. ꓒ: ꓐꓴ ꓠꓬ ꓟꓳ: ꓟ.ꓒ: (Morse family) ꓐꓴ ꓕꓲ: ꓦꓲ ꓥ ꓡꓳ= ꓖꓳ ꓡꓱ ꓢꓲ ꓬꓲ. ꓪꓴ. ꓕꓯ Yunan Tibetan Christian Mission Bꓰ ꓘꓴ ꓡꓳ= ꓗ ꓠꓯ ꓡꓳ: ꓟꓲ: ꓟꓵ: ꓗꓪ ꓛꓲ ꓡ ꓠꓬ Burma Christian Mission ꓐꓰ ꓡꓶ. ꓗꓷ ꓡꓳ= ꓬꓲ. ꓪ ꓪꓴ-ꓢ ꓟꓬꓱ: ꓬꓲ. ꓪꓴ. ꓔꓴ ꓟ 1921 ꓘꓳ; ꓗꓪ ꓐꓰ ꓥ ꓡꓳ= ꓣꓳ ꓑꓴ-ꓔ-ꓮꓳ ꓓꓰ ꓟꓵ: ꓗꓪ ꓙꓲ-ꓢꓴ ꓘꓴ ꓜꓲ ꓞꓳ ꓔꓬ ꓪꓴ. ꓔꓴ ꓟ ꓠꓬ 1946 ꓘꓳ; ꓗꓪ ꓐꓰ ꓥ ꓡꓳ ꓐꓰ ꓚ ꓟꓲ: ꓗꓪ ꓵ ꓟꓶ ꓡꓳ= ꓑꓴ-ꓔ-ꓮꓳ ꓟꓵ: ꓗꓪ ꓔꓬ ꓡ ꓢꓴ ꓠꓬ ꓧꓶ. ꓕꓯ ꓛ-ꓖꓳ-ꓡꓳ꓾ ꓡ-ꓓ-ꓖꓳ-ꓡꓳ ꓾ ꓐꓰ ꓡꓯ-ꓟꓯ-ꓓꓳ-ꓡꓳ ꓐꓰ ꓡꓳ-ꓟꓶ: ꓟꓵ: ꓗꓪ ꓐꓰ ꓦ ꓡꓱ ꓢꓴ ꓐꓴ ꓑꓴ-ꓔ-ꓮꓳ ꓓꓰ ꓟꓵ: ꓗꓪ ꓚꓵ. ꓓꓵ: ꓡ ꓢꓴ ꓐꓴ ꓥꓳ= 1950 ꓘꓳ ; ꓛꓲ ꓡ ꓕꓯ ꓟꓳ: ꓟ. ꓒ: ꓐꓴ ꓕꓲ ꓦꓲ ꓠꓬ ꓑꓴ-ꓔ-ꓮꓳ ꓓꓰ ꓟꓵ: ꓗꓪ ꓛꓲ ꓡ ꓢꓲ ꓪꓴ-ꓢ ꓟꓬꓱ: ꓗꓪ ꓧꓳ: ꓣꓱ ꓡ ꓟ ꓑꓶ ꓓꓴ ꓘꓴ ꓜꓲ ꓞꓳ ꓠꓬ ꓬꓲ. ꓒꓳ, ꓒꓳ, ꓗꓪ ꓪꓴ: ꓡ ꓡꓳ=
A G (Assembly of God)
1931 ꓘꓳ; ꓕꓯ ꓶ; ꓥꓳ: ꓫꓱ. ꓥꓳ: ꓟ. ꓒ: ꓬꓥ-ꓒꓳ-ꓡꓳ ꓛ-ꓖꓳ-ꓡꓳ ꓚꓲ-ꓡ-ꓓꓰ ꓘ, ꓗꓪ ꓛꓲ ꓡ ꓡꓳ= ꓟ. ꓒ: ꓠꓬ ꓞꓳ ꓔꓲ ꓦꓯ-ꓖꓪ ꓦꓲ ꓗꓪ ꓔꓬ ꓢꓲ ꓟ.ꓟꓲ: ꓟ. ꓪꓴ. ꓔꓴ ꓡꓳ= ꓗ ꓠꓯ. ꓠꓬ ꓞꓳ ꓔꓲ ꓦꓯ-ꓖꓪ ꓐꓰ ꓠꓱ. ꓐꓯ 11 ꓣꓳ ꓐꓴ ꓦ ꓡꓱ ꓡ ꓡꓳ= ꓖꓳ ꓟ ꓑꓶ ꓓꓴ ꓮ. ꓖ ꓘꓴ ꓜꓲ ꓞꓳ ꓬꓲ ꓪꓴ. ꓔꓴ ꓢꓴ ꓐꓴ ꓠꓬ ꓞꓳ ꓔꓲ ꓦꓯ-ꓖꓪ ꓐꓰ ꓬꓲ ꓛꓳ: ꓒꓯ, ꓐꓴ ꓥ ꓡꓳ= ꓗ. ꓠꓯ ꓠꓬ ꓧꓪ ꓒꓴ ꓟ. ꓒ: ꓙ.ꓚ ꓟꓳꓣꓣꓲꓢꓳꓠ ꓛꓲ ꓡ ꓢꓲ ꓡꓲ-ꓢꓴ ꓟ. ꓒ: ꓐꓴ ꓐꓰ ꓕꓲ: ꓪ ꓶ; ꓥꓳ ꓫꓱ. ꓥꓳ: ꓬꓰ ꓪꓴ. ꓔꓴ ꓡꓳ= 1966 ꓘꓳ; ꓟ. ꓒ: ꓟꓳꓣꓣꓲꓢꓳꓠ ꓬꓲ; ꓙꓰ ꓕꓯ ꓶ; ꓥꓳ: ꓫꓱ. ꓥꓳ: ꓟꓬꓱ: ꓔꓯ ꓧꓳ: ꓠ, ꓟ ꓐꓱ ꓶ ꓡꓲ-ꓢꓴ ꓟ. ꓒ: ꓓ ꓟ ꓟ. ꓒ: ꓢ-ꓟꓴ-ꓬꓰ ꓔꓯ ꓡꓯ ꓙꓱ ꓔꓲ. ꓬꓰ ꓡꓳ= ꓡꓳ: ꓟꓲ: ꓗꓪ ꓮ. ꓖ ꓘꓴ ꓜꓲ ꓞꓳ ꓬꓲ. ꓪꓴ. ꓔꓴ ꓢꓴ ꓟꓲ ꓣꓳ ꓡꓲ-ꓢꓴ ꓐꓴ ꓥ ꓡꓳ=
ꓖꓳ ꓓꓱ: ꓔꓲ, ꓘꓴ ꓜꓲ; ꓞꓳ ( Baptist church)
Sorry, Currently unavailable to read . Update : More Info:Soon:
ꓵ.. ꓖꓶ ꓢꓴ ꓮ ꓙꓵ: ꓢꓴ ꓔꓯ ꓮ ꓘꓶ. ꓫ ꓟꓳ= ꓠꓴ ꓪ ꓢꓷ. ꓔ ꓟ ꓐꓰ ꓝꓮꓲ ꓡꓴ: ꓓꓴ ꓙꓳ ꓟ ꓚꓳꓟꓟꓰꓠꓔ ꓗꓪ ꓢꓷ. ꓖꓶ: ꓡꓯ =
ꓮ ꓘꓶ. ꓟꓳ=
Jay Pha(Putao)
Resources: The History of Church of Christ(1984)၊ The history of Putao Lisu Baptist church(2019)၊
