ꓟꓬ-ꓟ ꓗꓴꓷꓼ ꓗꓪ ꓐꓶꓽ ꓗꓴꓷꓼ ꓗꓪ ꓐꓰ ꓶ ꓡꓯꓼ ꓬꓰ ꓜꓴ ꓐꓴ ꓠꓬ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓑꓶꓸ ꓓꓴ ꓗꓴꓷꓼ ꓢꓴ ꓔꓴ ꓡ ꓢꓲ ꓬꓲꓸ ꓪ ꓶ ꓡꓯꓼ ꓞꓳꓸ ꓡꓰ ꓟ ꓔꓯ ꓐꓯ ꓟꓴ ꓩꓴ ꓠꓹ ꓟ ꓢꓯꓼ ꓕꓵꓼ ꓡ ꓓꓴ ꓥꓳ ꓐꓰ꓾ Business Times ꓗꓪ ꓐꓳ ꓩꓴ ꓡ ꓡꓳ=
ꓙꓵꓽ ꓗ ꓬꓲꓸ ꓡꓲꓽ ꓡꓳ ꓚ ꓬꓲꓸ ꓪ ꓠꓬ ꓟꓬ-ꓟ ꓗꓴꓷꓼ ꓠꓯꓸꓼ ꓗꓪ ꓶ ꓡꓯꓼ ꓬꓰ ꓠꓹ ꓟ ꓗꓴꓷꓼ ꓙꓵꓽ ꓜꓴ ꓐꓴ ꓐꓰ ꓘꓶ ꓫꓵꓽ ꓡꓯꓼ ꓓꓴ ꓠꓬꓲꓸ ꓔꓸ ꓟ ꓥꓳ= ꓶ ꓡꓯꓼ ꓬꓰ ꓜꓴ ꓐꓴ ꓠꓬ ꓗꓴꓷꓼ ꓙꓵꓽ ꓜꓴ ꓔꓯ ꓬꓲꓸ ꓫꓴꓸ ꓐꓶ ꓚꓰꓼ꓾ ꓗꓴꓷꓼ ꓙꓵꓽ ꓜꓴ ꓠꓬ ꓶ ꓡꓯꓼ ꓬꓰ ꓢꓴ ꓐꓴ ꓔꓯ ꓢꓲ ꓡꓲꓹ ꓟ ꓠꓯꓸꓼ ꓗꓪ ꓟꓬꓱꓽ ꓬꓰ ꓙꓲ ꓠꓹ ꓟ ꓐꓱ ꓶ ꓗꓽ ꓙ ꓡꓳꓸ ꓙ ꓚꓰꓼ ꓟ ꓥ ꓡꓳ= ꓬꓲꓸ ꓫꓴꓸ ꓟꓽ ꓐꓶ ꓠꓬ ꓗꓴꓷꓼ ꓙꓵꓽ ꓜꓴ ꓐꓴ ꓡꓰ ꓶ ꓡꓯꓼ ꓬꓰ ꓜꓴ ꓐꓴ ꓔꓯ ꓐꓯ ꓟꓴ ꓩꓴ ꓡ ꓟ ꓡꓰ ꓐꓰ꓾ ꓮ ꓟꓶ ꓗꓴꓷꓼ ꓢꓲ ꓡꓲꓹ ꓟ ꓟꓽ ꓙꓳ ꓟ ꓑꓶꓸ ꓓꓴ ꓬꓰ ꓡꓯꓼ ꓬꓰ ꓜꓴ ꓐꓴ ꓞꓳꓸ ꓡꓰ ꓟ ꓔꓯ ꓠꓬ ꓗꓴꓷꓼ ꓙꓵꓽ ꓜꓴ (ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ) ꓡꓰ ꓐꓶ ꓠ ꓗꓷ ꓡ ꓥꓳ= ꓫꓵꓽ ꓪꓴ ꓕꓱ ꓟ ꓧꓪꓸ ꓡꓰ ꓠꓬ꓾ ꓟꓬ-ꓟ ꓗꓴꓷꓼ ꓐꓰ ꓗꓴꓸ ꓙꓲꓽ ꓙꓳ ꓟ ꓐꓶꓽ ꓒꓽ ꓟꓵꓽ ꓗꓪ ꓫꓺ ꓔꓸ ꓟ ꓒꓵꓽ ꓶꓽ ꓐꓰ ꓶ ꓤ ꓔꓯ ꓶ ꓡꓯꓼ ꓬꓰ ꓜꓴ ꓡꓰ ꓐꓰ ꓶ ꓡꓯꓼ ꓢꓪꓼ ꓙꓰ ꓕꓯꓼ ꓙꓰ ꓡ ꓥꓳ ꓐꓯ ꓡꓳ=
ꓟꓬ-ꓟ ꓗꓴꓷꓼ ꓶ ꓡꓯꓼ ꓚꓱꓹ ꓠꓬ ꓮ-ꓢꓲ-ꓬ ꓟꓵꓽ ꓗꓪ ꓟ ꓠꓱꓸ ꓐꓯꓼ ꓗꓴꓷꓼ ꓮ ꓙꓵꓽ ꓕꓯ ꓢꓲ ꓗꓸ ꓠꓯꓸ ꓢꓲ ꓞꓰ ꓡꓰꓳ ꓐꓰ ꓢꓪꓼ ꓢꓴ ꓐꓴ ꓡꓰ ꓢꓪꓼ ꓓꓳ ꓡ ꓡꓳ= ꓟꓽ ꓪꓴꓽ ꓟꓴ ꓡ ꓟ ꓕꓯ ꓢꓲ꓾ ꓡꓯꓽ ꓟꓰꓹ ꓞꓰ ꓡꓰ ꓟ -20 ꓗꓪ ꓛꓲ ꓒꓬꓱꓼ ꓡ ꓔꓬ ꓡꓳ ꓐꓰ bloomberg ꓗꓪ ꓐꓯ ꓔꓸ ꓡꓳ=
ꓢꓳꓴꓣꓚꓰ ꓡꓲꓠꓗ
